អ្នកនាំពាក្យអង្គជំនុំជម្រះវិសាមញ្ញក្នុងតុលាការកម្ពុជា កញ្ញា Helen Javis បានថ្លែងកាលពីថ្ងៃពុធថា ការសន្យាជំនួយសម្រាប់ខែមេសានេះនូវទឹកប្រាក់៤សែន៥ម៉ឺនដុល្លារ ពីប្រទេស អូស្ត្រាលី នឹងអាចរំពឹងថា ប្រាក់នោះអាចនឹងចំណាយបានគ្រប់គ្រាន់ រហូតដល់ចុងខែកក្កដា សម្រាប់ក្រុមអ្នកធ្វើការខ្មែរក្នុងសាលាក្តីនោះ ។
សូមជម្រាបថា ប្រាក់ដែលសម្រាប់បើកឲ្យភាគីខ្មែរដែលត្រូវធ្វើការនៅនឹងសាលាក្តី នឹងត្រូវមានទាំងអស់ ១៣លាន៣សែនដុល្លារ សម្រាប់រយៈពេល៣ឆ្នាំ ចាប់ផ្តើមពីថ្ងៃទី១០ កក្កដា ឆ្នាំ២០០៦ គិតទៅទល់នឹងចុងឆ្នាំ២០០៩ ។
មន្ត្រីសាលាក្តីបាននិយាយមុននេះថា ប្រាក់ដែលខ្វះគឺនៅចំនួន៤លាន៩សែនដុល្លារនោះថែមទៀត ៕