ព្រះបរមអដ្ឋិ ព្រះបរមរតនកោដ្ឋ មានចំនួន ៣កោដ្ឋ។ កោដ្ឋចំនួន ២ ធ្វើអំពីមាស និងមួយទៀតធ្វើពីថ្មកែវ។ ព្រះបរមអដ្ឋិ ព្រះបរមរតនកោដ្ឋ ត្រូវបានព្រះមហាក្សត្រយាងទៅតម្កល់លើព្រះទីន័ងសុវណ្ណហង្ស រួចដង្ហែចេញពីវាលព្រះបរមមេរុ តាមផ្លូវសុធារស រួចដង្ហែចូលព្រះបរមរាជវាំងតាមទ្វារជ័យ។
ព្រះរាជពិធីបុណ្យព្រះបរមសព សម្ដេចព្រះមហាវីរក្សត្រ សម្ដេចព្រះ នរោត្ដម សីហនុ មានរយៈពេល ៧ថ្ងៃ គឺពីថ្ងៃទី១ ដល់ថ្ងៃទី៧ កុម្ភៈ។ ថ្ងៃទី១ កុម្ភៈ ជាថ្ងៃដង្ហែព្រះបរមសព និងថ្ងៃទី៤ កុម្ភៈ ជាថ្ងៃថ្វាយព្រះភ្លើង ហើយនៅថ្ងៃទី៧ នេះ ជាថ្ងៃដង្ហែព្រះបរមអដ្ឋិ ទៅតម្កល់ក្នុងព្រះបរមរាជវាំង ដែលជាថ្ងៃបញ្ចប់កម្មវិធីបុណ្យតាមព្រះរាជប្បវេណីព្រះមហាក្សត្រ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។