តម្លៃ​ប្រេង​សាំង​ធ្លាក់​ចុះ​បន្តិច​នៅ​ក្រោយ​ការប្រកាស​ឲ្យ​បញ្ចុះ​តម្លៃ​របស់​នាយក​រដ្ឋមន្ត្រី

ប្រជាពលរដ្ឋ​ខ្មែរ​បាន​ឃើញ​តម្លៃ​ប្រេង​ឥន្ធនៈ ធ្លាក់​ចុះ​បន្តិច​កាល​ពី​សប្តាហ៍​មុន បន្ទាប់ពី​លោក​នាយក​រដ្ឋមន្រ្តី ហ៊ុន សែន បាន​ស្នើ​ឲ្យ​ក្រសួង​ហិរញ្ញវត្ថុ ស្នើ​ដល់​ក្រុមហ៊ុន​ប្រេង​ជួយ​បញ្ចុះ​តម្លៃ ក្រោយ​ថ្លៃ​ប្រេង​ឆៅ​លើ​ទីផ្សារ​អន្តរជាតិ​ធ្លាក់​ចុះ​ប្រមាណ ២៥%។
ដោយ ហាស់ សាន
2008.09.21
សាំង បុគ្គលិក​ស្ថានីយ​ប្រេង​ចាក់​សាំង​ឲ្យ​អតិថិជន​នៅ​ឯ​ស្ថានីយ​មួយ​កន្លែង​ក្នុង​ក្រុង​ភ្នំពេញ។
RFA File Photo

យោងតាម​កាសែត​ភ្នំពេញ​ប៉ុស្តិ៍ កាលពី​អាទិត្យ​មុន ក្រុមហ៊ុន​សាំង សូគីម៉ិច បញ្ចុះ​តម្លៃ ៧០០​រៀល ក្នុង​មួយ​លីត្រ ពី ៥.៧០០ មក​នៅ ៥.០០០រៀល។

ទោះ​ជា​យ៉ាង​ណា​ក៏​ដោយ តំណាង​សហជីព​នៅ​តែ​ទទូច​ថា ប្រេង​សាំង​នៅ​កម្ពុជា គួរតែ​លក់ ៣.៥០០​រៀល ក្នុង​មួយ​លីត្រ ទើប​សមរម្យ​សម្រាប់​ប្រជាពលរដ្ឋ​ខ្មែរ​ក្រីក្រ។

អ្នកវិភាគ​រឿង​ប្រេង​ឥន្ធនៈ គឺ​លោក ប៊ិនម៉ៃ មាលា មាន​ប្រសាសន៍​ថា ក្រុមហ៊ុន​ចែកចាយ​ប្រេង​ឥន្ធនៈ​នៅ​អាស៊ី មិន​ងាយ​បញ្ចុះ​ថ្លៃ​ប្រេង​ឲ្យ​រហ័ស ដូច​ក្រុមហ៊ុន​នៅ​ប្រទេស​ក្នុង​ទ្វីប​អឺរ៉ុប​នោះ​ទេ៕

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។