ពលរដ្ឋ​៤០​គ្រួសារ​តវ៉ា​នឹង​គម្រោង​ពង្រីក​ផ្លូវ​នៅ​ខណ្ឌ​ដង្កោ

ប្រជា​ពល​រដ្ឋ​ជាង ៤០​គ្រួសារ រស់​នៅ​អម​សងខាង​ផ្លូវ​លេខ​២០១១ ស្ថិត​នៅ​ភូមិ​តាងួន សង្កាត់​កាកាប ខណ្ឌ​ដង្កោ រាជ​ធានី​ភ្នំពេញ បាន​ប្រតិកម្ម​ទៅ​និង​សេចក្ដី​ជូន​ដំណឹង​របស់​សាលា​ខណ្ឌ​ដង្កោ ដែល បាន​ដាក់​ឱសានវាទ​ឲ្យ​ពួក​គាត់​រុះរើ​លំនៅឋាន​ក្នុង​រយៈ​ពេល ១​សប្ដាហ៍ ដើម្បី​ស្ថាបនា​ពង្រីក​ផ្លូវ។
ដោយ ខែ សុណង
2011.02.28
Share on WhatsApp
Share on WhatsApp

អ្នកស្រី ម៉ម ខេមរា រស់​នៅ​ភូមិ​តាងួន បាន​អះអាង​ថា អ្នក​ភូមិ​កំពុង​មាន​ការ​ព្រួយ​បារម្ភ​ចំពោះ​សេចក្ដី​ជូន​ដំណឹង​របស់​សាលា​ខណ្ឌ​ដង្កោ ដែល​បាន​ដាក់​ឱសានវាទ​ឲ្យ​ពួក​គាត់​រុះរើ​សំណង់​អាគារ ស្តង់ និង​លំនៅឋាន ចម្ងាយ ៦​ម៉ែត្រ​ពី​អ័ក្ស​ផ្លូវ ចាប់​ពី​ថ្ងៃ​ទី​២៤ កុម្ភៈ ដល់​ថ្ងៃ​ទី​២ មីនា ឆ្នាំ​២០១១ ដើម្បី​ស្ថាបនា​ពង្រីក​ផ្លូវ​លេខ​២០១១ ចាប់​ពី​ផ្លូវ​សហព័ន្ធ​រុស្សី ដល់​វិទ្យាល័យ ហ៊ុន សែន ភ្នំពេញ​ថ្មី ស្ថិត​នៅ​ខណ្ឌ​សែន​សុខ ក្រុង​ភ្នំពេញ។ អ្នក​ស្រី​បន្ត​ថា ពួក​គាត់​រស់​នៅ​ទី​នោះ​តាំង​ពី​ឆ្នាំ​១៩៧៩ មក ពួក​គាត់​នឹង​ធ្វើ​ការ​តវ៉ា​ចំពោះ​សេចក្ដី​ជូន​ដំណឹង​ឲ្យ​អ្នក​ភូមិ​រុះរើ​នេះ ៖ "សង្កាត់ ខណ្ឌ ឬ​ក៏​ចៅហ្វាយ​ក្រុង​អី​មួយ គាត់​ត្រូវ​ហៅ​ប្រជា​ជន​ប្រជុំ​ឲ្យ​ដឹង​ពី​ផែនការ​ពង្រីក​ផ្លូវ​ហ្នឹង ដោះ​ស្រាយ​គោល​នយោបាយ ឬ​ក៏​មិន​ដោះ​ស្រាយ​យ៉ាង​ម៉េច​គាត់​អត់​មាន​ឲ្យ​ប្រជា​ជន​ដឹង ប្រជា​ជន​ល្ងង់​ធ្វើ​នេះ​ធ្វើ​រំលោភ​សិទ្ធិ​ប្រជា​ជន ប្រជា​ជន​ដឹង​តែ​មិន​ព្រម​អ៊ីចឹង​ហ្មង"

វិទ្យុ​អាស៊ី​សេរី​មិន​ទាន់​អាច​ទាក់​ទង​អាជ្ញាធរ​ខណ្ឌ​ដង្កោ​ចំពោះ​ការ​ប្រតិកម្ម​របស់​អ្នក​ភូមិ​បាន​ទេ។

មន្ត្រី​អង្គការ​សិទ្ធិ​លំនៅឋាន​បាន​ឲ្យ​ដឹង​ថា អង្គការ​នេះ​កំពុង​ចុះ​សិក្សា​ពី​ផល​ប៉ះពាល់​លំនៅឋាន​របស់​ពល​រដ្ឋ​នៅ​ក្នុង​សហគមន៍​នេះ ហើយ​ប្រជា​ពល​រដ្ឋ​បាន​សុំ​ឲ្យ​ពួក​គេ​ផ្ដល់​ឱវាទ​ផ្នែក​ច្បាប់ ដើម្បី​ធ្វើ​ពាក្យ​ស្នើ​សុំ​ទៅ​អាជ្ញាធរ​ខណ្ឌ ប្រឆាំង​ទៅ​និង​សេចក្ដី​ជូន​ដំណឹង​នេះ៕

រឿង​ដែល​គេ​អាន​​ច្រើន​បំផុត
RFA
ធនាគារ​ABA មិន​ព្រម​បើកប្រាក់​ជាង​១​ម៉ឺន ៥​ពាន់​ដុល្លារ ដែល​ឧបត្ថម្ភ​ដល់​បុគ្គលិក​ណាហ្គាវើលដ៍
រឿង​ដែល​គេ​អាន​​ច្រើន​បំផុត
ព័ត៌មាន​ថ្មីៗ
លោក ហ៊ុន សែន បន្ត​ប្រកាស​ថា ​​​នឹង​ការពារ​មិន​ឱ្យ​មាន​​​រដ្ឋប្រហារ​ ដើម្បី​​​អភិវឌ្ឍប្រទេស​ឱ្យ​រីក​ចំរើន
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។