"លោក សៅ សុខា នឹង​ក្លាយ​ជា​មនុស្ស​ទី​២​បន្ទាប់​ពី​លោក ហ៊ុន សែន ដែល​មិន​ហ៊ាន​ស្លាប់​រឿង​ព្រៃឈើ"

ដោយ​ ថន ថារ៉ូ
2019-07-21
អ៊ីម៉ែល
មតិ
Share
បោះពុម្ព
អគ្គ​មេ​បញ្ជាការ​កង​រាជ​អាវុធហត្ថ​លើ​ផ្ទៃ​ប្រទេស លោក សៅ សុខា ចុះ​ត្រួត​ពិនិត្យ​គំនរ​ឈើ​ក្នុង​បរិវេណ​ក្រុមហ៊ុន​ដី​សម្បទាន​សេដ្ឋកិច្ច​ចិន ក្នុង​ឃុំ​រលួស ស្រុក​សំបូរ ខេត្ត​ក្រចេះ កាល​ពី​ថ្ងៃ​ទី​១៩ ខែ​មករា ឆ្នាំ​២០១៦។
អគ្គ​មេ​បញ្ជាការ​កង​រាជ​អាវុធហត្ថ​លើ​ផ្ទៃ​ប្រទេស លោក សៅ សុខា ចុះ​ត្រួត​ពិនិត្យ​គំនរ​ឈើ​ក្នុង​បរិវេណ​ក្រុមហ៊ុន​ដី​សម្បទាន​សេដ្ឋកិច្ច​ចិន ក្នុង​ឃុំ​រលួស ស្រុក​សំបូរ ខេត្ត​ក្រចេះ កាល​ពី​ថ្ងៃ​ទី​១៩ ខែ​មករា ឆ្នាំ​២០១៦។
RFA

ស្រប​ពេល​មេដឹកនាំ​របប​ក្រុងភ្នំពេញ​លោក ហ៊ុន សែន មិន​ហ៊ាន​ស្លាប់​ក្រោយ​បរាជ័យ​រឿង​ការពារ​ព្រៃឈើ មេបញ្ជាការ​កងរាជអាវុធហត្ថ​លើ​ផ្ទៃ​ប្រទេស លោក សៅ សុខា បាន​ប្រកាស​ដាក់​ជីវិត​របស់​ខ្លួន​ម្ដង ដើម្បី​ទប់ស្កាត់​បទល្មើស​ព្រៃឈើ​ឱ្យ​ទាល់តែ​បាន។ លោក សៅ សុខា អះអាង​ថា ទោះបីជា​ជនល្មើស​មាន​តំណែង​ប៉ុនណា​ក៏ដោយ ក៏​លោក​បញ្ជា​ឱ្យ​ចាប់​ទាំងអស់។ ប៉ុន្តែ​មន្ត្រី​អង្គការ​សង្គម​ស៊ីវិល​ធ្វើ​ការងារ​ផ្នែក​ឃ្លាំមើល​បទល្មើស​ព្រៃឈើ គ្មាន​ជំនឿ​លើ​បទបញ្ជា​នេះ​ទេ និង​ថា លោក សៅ សុខា នឹង​មាន​ភាព​អាម៉ាស់​ដូច​លោក ហ៊ុន សែន ដែរ។

មេបញ្ជាការ​កងរាជអាវុធហត្ថ​លើ​ផ្ទៃ​ប្រទេស និង​ជា​ប្រធាន​គណៈកម្មការ​ជាតិ​ទប់ស្កាត់ និង​បង្ក្រាប​បទល្មើស​ធនធាន​ធម្មជាតិ​លោក សៅ សុខា បាន​ប្រកាស​ដាក់​ជីវិត​របស់​ខ្លួន​នៅ​ក្នុង​ប្រតិបត្តិ​ការ​បង្ក្រាប​បទល្មើស​ព្រៃឈើ។ លោក​អះអាង​នៅ​ថ្ងៃ​ទី​១៩ កក្កដា ថា យុទ្ធនាការ​លើក​នេះ លោក​បញ្ជា​ឱ្យ​មន្ត្រី​កងរាជអាវុធហត្ថ​ទូទាំង​ប្រទេស​ចាប់​ជនល្មើស​ទាំងអស់​មិន​ថា ជន​នោះ​មាន​តំណែង​ធំ​ប៉ុនណា​នោះ​ទេ ប្រសិនបើ​ហ៊ាន​លួច​កាប់​ឈើ​នឹង​ត្រូវ​ចាប់​ផ្ដន្ទាទោស​តាមច្បាប់ ដោយ​មិន​លើកលែង​នោះ​ឡើយ៖ «អីចឹង​គឺ​ជន​ទាំងឡាយ​ណា​ដែល​លូកដៃ​ចូល​បញ្ហា​នេះ​គឺ​ចាប់​កសាង​សំណុំរឿង​ហើយ​ពិនិត្យមើល​នីតិវិធី​ច្បាប់​មិនមែន​ផាក​ពិន័យ​ជា​ប្រាក់ ដូចដែល​ធ្លាប់​ធ្វើ​កន្លងមក​ទេ​។​លើក​នេះ​ចាប់​មនុស្ស​រឹបអូស​យក​ឈើ បំផ្លាញ​ចោល​មធ្យោបាយ​ទ្រព្យសម្បត្តិ​ទាំងអស់ ដោយ​សុំ​ទៅ​តុលាការ​រឹប​យក​មក​ដាក់​ជា​សម្បត្តិ​ជាតិ​ទាំងអស់។ មើល​វា​មុខរឹង​ប៉ុនណា អា​អ្នក​រកស៊ី​នឹង​ថែមទៀត ឱ្យ​វា​ចេញ​មក​វិញ ឱ្យ​វា​ទៅ​រក​ស៊ី​ស្អី​ទៀត​មើល វា​ចេះ​ដាំ​ស្ពៃ​ដាំ​អី​អត់»

លោក សៅ សុខា បន្ថែម​ទៀត​ថា មាន​ព្រៃឈើ​គឺ​មាន​លុយ ហើយ​ប្រសិនបើ​បាត់បង់​ព្រៃឈើ​ក៏ដូចជា​ការបាត់បង់​ចំណូល​របស់​ជាតិ​ដែរ។

មេ​ប៉េអិម​រូប​នេះ ជា​មនុស្ស​ទី​ពីរ​ហើយ បន្ទាប់ពី​មេដឹកនាំ​របប​ក្រុងភ្នំពេញ លោក ហ៊ុន សែន ដែល​ហ៊ាន​ប្រកាស​ក្ដែងៗ​ថា នឹង​យក​ជីវិត​ទៅ​ប្ដូរ​ប្រសិនបើ​មិន​អាច​ការពារ​ព្រៃឈើ​បាន។

ទោះជា​យ៉ាងណា មន្ត្រី​អង្គការ​សង្គម​ស៊ីវិល និង​ព្រះសង្ឃ​ដែល​ធ្វើ​ការងារ​ផ្នែក​ឃ្លាំមើល​បទល្មើស​ព្រៃឈើ លើកឡើង​ថា បទល្មើស​ព្រៃឈើ​កើតឡើង​ជា​រៀងរាល់ថ្ងៃ និង​មាន​សកម្មភាព​កាន់តែ​ខ្លាំង​ជាង​មុន ប៉ុន្តែ​លោក ហ៊ុន សែន នៅតែ​នៅ​រស់​ដដែល ដោយ​មិន​ឃើញ​លោក​អាករ​សម្លាប់​ខ្លួន​តាម​ការ​សន្យា​នោះ​ឡើយ។

មន្ត្រី​ពង្រឹង​សិទ្ធិ​អំណាច​សហគមន៍​នៃ​សមាគម​អាដហុក ( ADHOC ) លោក ប៉ែន ប៊ុណ្ណារ៍ មាន​ប្រសាសន៍ថា លោក សៅ សុខា នឹង​ដើរ​តាម​កន្លង​លោក ហ៊ុន សែន ពោល​គឺ​គ្រាន់តែ​ជា​និយាយ​សំដី​ក្អេងក្អាង​សម្ដែង​អំណាច​របស់​ខ្លួន ដើម្បី​ឱ្យ​គេឯង​គោរព​កោតខ្លាច​ប៉ុណ្ណោះ​។ លោក​ជឿ​ថា បទល្មើស​ព្រៃឈើ​មិន​អាច​ទប់ស្កាត់​បានទេ ល្គឹកណា​អាជ្ញាធរ​ពាក់ព័ន្ធ​នៅតែ​បណ្ដោយ​ក្រុម​ឧកញ៉ា​មួយ​ចំនួន​ឱ្យ​បន្ត​កាប់​ឈើ​នាំ​ចេញទៅ​លក់​នៅ​ប្រទេស​វៀតណាម​នោះ៖ «ខ្ញុំ​គិត​ថា​លោក សៅ សុខា​មិនបាច់​រហូតដល់​សម្លាប់​ខ្លួន​ទេ សូម​ឱ្យ​លោក​អនុវត្ត​ច្បាប់​ដែល​មាន ដែល​អនុម័ត​ដោយ​រដ្ឋសភា​នោះ​ឱ្យ​បាន​ត្រឹមត្រូវ និង​មាន​ប្រសិទ្ធភាព​១០០​ភាគរយ​ទៅ យើង​គិត​បទល្មើស​ព្រៃឈើ និង​ការ​ប្រមូល​យក​ថវិកា​ដែល​ជនល្មើស​ប្រមូល​ដែល​កាប់​បំផ្លាញ​ព្រៃឈើ​និង​ធ្វើ​ការ​ដាំ​ដើមឈើ​ឡើងវិញ ធ្វើ​តែ​ប៉ុណ្ណឹង​ទៅ​វា​គ្រប់គ្រាន់​ហើយ»

ចំណែក​ព្រះសង្ឃ​ដែល​ស្រលាញ់ និង​តែងតែ​ចុះ​ល្បាត​ការពារ​ព្រៃឈើ​និង​ធនធានធម្មជាតិ ព្រះតេជព្រះគុណ លួន សុវ៉ាត មាន​ថេរដីកា​ថា ថ្វីត្បិតតែ​លោក សៅ សុខា អួត​ក្អេងក្អាង​បែបនេះ​ក្ដី ក៏​ព្រះអង្គ​នៅតែ​គ្មាន​ជំនឿ​ថា លោក​ហ៊ាន​ស្លាប់​ខ្លួន​ដូច​ការ​លើកឡើង​ដែរ។ ព្រះតេជព្រះគុណ បន្ត​ថា ព្រះអង្គ​បាន​ចុះ​ល្បាត​ព្រៃឈើ​នៅ​តំបន់​ព្រៃឡង់​ក្នុង​ខេត្ត​កំពង់ធំ និង​ខេត្ត​ព្រះវិហារ និង​តែង​ប្រទះឃើញ​ដើមឈើ​ជាច្រើន​កន្លែង​ត្រូវ​បាន​ជនល្មើស​លួច​កាប់​ថ្មីៗ ដោយ​មិន​មាន​អាជ្ញាធរ​ណា​ទប់ស្កាត់​នោះ​ទេ៖ «ដូច្នេះ​បើ​យើង​គិត​ថា សន្យា​វា​ផ្សារភ្ជាប់​នឹង​ការអនុវត្ត វា​មិនមែន​ត្រឹមតែ​លោក សៅ សុខា​ទេ​សុំ​ឱ្យ​បើក​ចិត្ត​ទូលំទូលាយ​ដល់​សកម្មជន​បរិស្ថាន សកម្មជន​ព្រៃឈើ​អង្គការ​សង្គម​ស៊ីវិល​និង​អ្នកសារព័ត៌មាន​ត្រូវតែ​មាន​សិទ្ធិ​ចូល​ទប់ស្កាត់​ការពារ​ហើយ​នឹង​យក​ព័ត៌មាន​ទាំងអស់​នោះ។ ប៉ុន្តែ​ការពិត​អត់​ទេ គឺ​ពេល​យើង​ចុះទៅ​ថត​សកម្មភាព​កាប់​បំផ្លាញ​ព្រៃឈើ​ម្ដងៗ គឺ​មាន​ការរារាំង​រហូត​ចុះទៅ​ល្បាត​ព្រៃ​នឹង​ត្រូវ​សុំច្បាប់​ឯណា​ឯ​ណី​ទៅទៀត»

របាយការណ៍​ក្រសួងកសិកម្ម​ឱ្យ​ដឹង​ថា ក្នុង​ត្រីមាស​ទី​១ ឆ្នាំ​២០១៩ ក្រសួង​ប្រមូល​ចំណូល​ពី​អនុផល​ព្រៃឈើ​បាន​ជាង ២​លាន​ដុល្លារ​អាមេរិក។ របាយការណ៍​ដដែល​ឱ្យ​ដឹង​ទៀត​ថា មាន​ក្រុមហ៊ុន​ចំនួន ៥ ដែល​បាន​នាំចេញ​ផលិតផល​គ្រឿង​សង្ហារិម និង​រាន​ទេវតា​ធ្វើ​ពី​ឈើ​នាំចូល និង​ឈើ​កែច្នៃ ទៅ​ក្រៅ​ប្រទេស ព្រមទាំង​បាន​ផ្ដល់​អាជ្ញាប័ណ្ណ​នាំចេញ​ឈើ ឱ្យ​ក្រុមហ៊ុន​ចំនួន ៣ និង​ផ្ដល់​អាជ្ញាប័ណ្ណ​នាំចូល​អនុផល​ព្រៃឈើ​ឱ្យ​ក្រុមហ៊ុន ២​ផ្សេងទៀត។

លោក ប៉ែន ប៊ុណ្ណារ៍ លើកឡើង​ថា ចំណូល​ដែល​បាន​ក្រសួង​ប្រមូល​បាន​តិចតួច មិន​សម​នឹង​ព្រៃឈើ​កាប់​ទន្ទ្រាន​រាល់ថ្ងៃ​នេះ​ទេ។ លោក​យល់​ថា ការ​ចាប់​ដុត​ឡាន ដុត​ឈើ និង​ចាប់​មនុស្ស​មួយ​ចំនួន​កាល​ពី​ពេល​ថ្មីៗ​នេះ គ្រាន់តែ​ជា​ការ​សម្ញែង អំណាច​ថ្មី​មួយទៀត​របស់​សមត្ថកិច្ច ដើម្បី​បន្លំ​ភ្នែក​ប្រជាពលរដ្ឋ​កុំ​ឱ្យ​រិះគន់ របប​ដឹកនាំ​សព្វថ្ងៃ​ប៉ុណ្ណោះ។ មន្ត្រី​សង្គម​ស៊ីវិល​រូប​នេះ បន្ថែម​ទៀត​ថា ព្រៃឈើ​នៅ​កម្ពុជា​អាច​នឹង​ហិនហោច​ក្នុង​ពេល​ដ៏​ខ្លី​ខាងមុខ ប្រសិនបើ​របប​ក្រុងភ្នំពេញ នៅតែ​មិន​អនុវត្ត​ច្បាប់​ឱ្យ​បាន​តឹងរ៉ឹង​ដូច​សព្វថ្ងៃ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (4)
Share

អ្នក​អាន​អនាមិក

លោក សៅ សុខា អះអាង​ថា "ទោះបីជា​ជនល្មើស​មាន​តំណែង​ប៉ុនណា​ក៏ដោយ ក៏​លោក​បញ្ជា​ឱ្យ​ចាប់​ទាំងអស់"
សំុសួរថា៖លេាកហ៑ានចាប់ទេប្រសិនបេីជនល្មេីសនេាះជាមេរបស់លេាកគឺត្រកូលហ៑ុន?

Jul 22, 2019 07:39 PM

Chicken man of mass destruction for greens forest

omg...it's ridiculous to see this chicken man suffers without head or lose his limbs by can't stop the illegal logging trafficking in the last 40+years ruined the forest.No anyone else in this moron govm't officials make arrest,no behead themselves,no lose anyone's limb,but look at the entire greens forest are almost wipe out from the planet"like bald head"when everybody looking down from an airplane...there only they can see is horizontal,or someplace else in African countries....shaaaaam'.

Jul 22, 2019 04:29 PM

If u can't do it,just quick your job and do something else amigo

Khmer pple don't need your stupid bowed,or voodoo swear allegiance for nothing,the only thing they want u to do is....can u do it or not?there is the question they asking u,if u stupid man can't do it just step down and let other pple do this job,instead cut off your ding dong amigo"no one trust u and your cronies in the last 40+years ruined the forests".Do u seen in recent weeks your action that arrested illegal logging load trucks around 40 of them,and u burned some of them to show,or bullies to the khmer pple that your damn action is very real at this time"logic".How u stupid burnt the innocent trucks which know nothing about illegal logging trafficking,if someone don't driving,or use those trucks and how come those trucks can loads by itself?,and find out who owned those trucks?who or where company's trucks are they?.Amigo the smart thing u can do are directly to arrest the owner's trucks company and throw it into monkey cage and ripoff all their assets that u have to do it now.Stop burn the trucks,or burn the logging again...they're only the human's material thing,or nothing wrongdoing.Just like what i said and easier to do it,just quick make arrest the owner vehicles and don't waste your time,or your energy for nothing.If,u can arrest all illegal logging traffickers....there is no more wood dealers on the street"save those trucks and woods"stop destroy them anymore.

Jul 22, 2019 12:26 PM

only moron pple who like to swear,or bowed this ,or that when they can't solve the solution=probleme solve

Who's the hell gonna buy this stupid S.Sokha's ideology at this time?is not the first time in the last 40+years brutal likes his old comrade Hun Sen.Look at the way he looks,the way he speaking,and the way he acting absolute holy chicken man and didn't know nothing to do rather than corruption.This horrible man can't lead this poor tiniest country to be a better at all,and how this poor man can holding this job for so long?,or no anyone else can do this job better than him?"shame on thug-is not work out for the country".This horrible man absolute failure in the last 40+years brutal as the same his criminal minds Hun Sen.Good leaders,or good govm'ts around the world ever never use or say something stupid like this to their pple...there only moron leader and moron govm't who didn't know nothing how to lead their own country.There only bowed this or that,or voodoo swear allegiance when they can't resolve the solution,and then there they only can do is swear this,or that,bow this or that to make the word louder like"Hing".Look at the greens forest across the country almost wipe out from planet earth,seen old comrade Hun Sen who always promised,bowed,or sworn allegiance;if he can't stop illegal logging trafficking across the country,he'll behead himself,amputee his limbs,or step down,or resign,or god will curses him to hell,but old comrade Hun Sen's head is still Hun Sen's head there and his power is still there.This word only use for stupid pple,or leader who lacks in education,no skills,or no experiences,or no how to governance themselves"no blame game to others",and blame to yourself.

Jul 22, 2019 10:57 AM

គេហទំព័រ​ទាំងមូល