អគ្គីភ័យ​ឆាប​ឆេះ​ផ្ទះ​៥០​ខ្នង​នៅ​ខណ្ឌ​ឫស្សីកែវ

ប្រភព​ពី​មន្ត្រី​ពន្លត់​អគ្គីភ័យ​បាន​ឲ្យ​ដឹង​ថា យ៉ាង​ហោច​ណាស់​មាន​ផ្ទះ​របស់​ប្រជា​ពល​រដ្ឋ​ជាង ៥០​ខ្នង ត្រូវ​បាន​បំផ្លាញ​នៅ​ក្នុង​អគ្គីភ័យ​មួយ ដែល​បាន​ឆាប​ឆេះ​អស់​រយៈ​ពេល​ប្រហែល​ជាង ១​ម៉ោង នា​ថ្ងៃ​អង្គារ ទី​១៨ មករា​នេះ នៅ​ក្បែរ​អធិការដ្ឋាន​ប៉ូលិស តាម​បណ្ដោយ​ផ្លូវ​ជាតិ​លេខ​៥ ក្នុង​ខណ្ឌ​ឫស្សីកែវ។
ដោយ គឹម ពៅ
2011.01.18
Share on WhatsApp
Share on WhatsApp

លោក នេត វ៉ាន់ថា ប្រធាន​ការិយាល័យ​បង្ការ និង​ពន្លត់​អគ្គីភ័យ​បាន​ឲ្យ​ដឹង​ក្រោយ​ពេល​អគ្គីភ័យ​នោះ​ត្រូវ​បាន​គេ​ពន្លត់​ជា​ស្ថាពរ​ថា អគ្គីភ័យ​បាន​ចាប់​ផ្ដើម​ពី​ម៉ោង​ជិត​២ ហើយ​ត្រូវ​បាន​ពន្លត់​ទាន់​ពេល​វេលា នៅ​ម៉ោង​ប្រហែល ៣​រសៀល ដោយ​បំផ្លាញ​ផ្ទះ​តូច​ៗ ដែល​ភាគ​ច្រើន​ជា​ជម្រក​របស់​ជន​ជាតិ​វៀតណាម និង​ជន​ជាតិ​ចាម។

លោក​មាន​ប្រសាសន៍​បន្ត ៖ "តាម​ប្រភព​ពី​ប្រជា​ពល​រដ្ឋ​នៅ​តំបន់​នោះ គឺ​គេ​បាន​ឃើញ​ភ្លើង​ដែល​បាន​ចេញ​ពី​ផ្ទះ​ជន​ជាតិ​វៀតណាម​នៅ​តំបន់​នោះ ហើយ​យើង​កំពុង​ស្រាវជ្រាវ​រាវ​រក​ព័ត៌មាន​ពិត"

គ្មាន​នរណា​ម្នាក់​រង​គ្រោះ​ថ្នាក់ និង​នៅ​មិន​ទាន់​មាន​នរណា​ម្នាក់​ត្រូវ​ចាប់​ខ្លួន នៅ​ក្នុង​ករណី​នេះ​នៅ​ឡើយ​ទេ។ ក្រុម​ប៉ូលិស​កំពុង​ធ្វើ​ការ​ស៊ើប​អង្កេត ស្រាវជ្រាវ​រក​មូលហេតុ និង​ធ្វើ​ការ​បូក​សរុប​ចំនួន​សម្ភារៈ​ខូច​ខាត៕

រឿង​ដែល​គេ​អាន​​ច្រើន​បំផុត
RFA
ធនាគារ​ABA មិន​ព្រម​បើកប្រាក់​ជាង​១​ម៉ឺន ៥​ពាន់​ដុល្លារ ដែល​ឧបត្ថម្ភ​ដល់​បុគ្គលិក​ណាហ្គាវើលដ៍
រឿង​ដែល​គេ​អាន​​ច្រើន​បំផុត
ព័ត៌មាន​ថ្មីៗ
លោក ហ៊ុន សែន បន្ត​ប្រកាស​ថា ​​​នឹង​ការពារ​មិន​ឱ្យ​មាន​​​រដ្ឋប្រហារ​ ដើម្បី​​​អភិវឌ្ឍប្រទេស​ឱ្យ​រីក​ចំរើន
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។