ទីភ្នាក់ងារព័ត៌មានស៊ីនហួបានស្រង់ព័ត៌មានពីកាសែតភ្នំពេញប៉ុស្តិ៍ពីថ្ងៃពុធថា យោងទៅតាមលក្ខខណ្ឌនៃការរៀបចំប្រកបដោយសក្តានុពលនេះ អគារមន្ទីរពេទ្យគឺនៅជាកម្មសិទ្ធិរបស់រដ្ឋដដែលក្នុងពេលដែលក្រុមហ៊ុនឯកជនជាអ្នកទទួលគ្រប់គ្រងដំណើរការមន្ទីរពេទ្យផ្តល់ប្រាក់បៀវត្សរ៍ដល់វេជ្ជបណ្ឌិតនិងបុគ្គលិកមន្ទីរពេទ្យ។
ព័ត៌មានបន្តថា ក្រសួងសុខាភិបាលក៏កំពុងពិចារណាការធ្វើឯកជនភាវូបនីយកម្មសកលវិទ្យាល័យវិទ្យាសាស្ត្រសុខាភិបាលដែលជារបស់រដ្ឋនោះផងដែរ។
រដ្ឋលេខាធិការក្រសួងសុខាភិបាល លោក ហេង តៃគ្រី មានប្រសាសន៍ថា ឯកជនភាវូបនីយកម្មនេះគឺសំដៅបង្កើនគុណភាពសេវាសុខាភិបាលនៅមន្ទីរពេទ្យទាំងឡាយនោះ។
លោកបន្តថា ផែនការនេះអាចនាំឲ្យសេវាមន្ទីរពេទ្យឡើងថ្លៃដោយមានទិញសម្ភារៈបរិក្ខាពេទ្យបន្ថែមទៀត ព្រមទាំងដំឡើងបៀវត្សរ៍បុគ្គលិកទៀតផង៕