ជំងឺ​ប៉េស្ត​ជ្រូក​អាហ្វ្រិក​បាន​ផ្ទុះ​ជាថ្មី​ ក្នុង​ស្រុក​ អូររាំងឪ​ ខេត្ត​ត្បូងឃ្មុំ​

ដោយលោក វ៉ែន សុមេធ
2019-07-02
អ៊ីម៉ែល
មតិ
Share
បោះពុម្ព
ហ្វូង​កូន​ជ្រូក​ទើប​នឹង​កើត​ នៅក្នុង​កសិដ្ឋាន​មួយ​ក្នុង​ភូមិ​ តាព្រហ្ម ក្រៅ​រាជធានីភ្នំពេញ​កាល​ពី​ថ្ងៃទី២០ ខែ​មិថុនា​ ឆ្នាំ២០១៩(AP)។
ហ្វូង​កូន​ជ្រូក​ទើប​នឹង​កើត​ នៅក្នុង​កសិដ្ឋាន​មួយ​ក្នុង​ភូមិ​ តាព្រហ្ម ក្រៅ​រាជធានីភ្នំពេញ​កាល​ពី​ថ្ងៃទី២០ ខែ​មិថុនា​ ឆ្នាំ២០១៩(AP)។
AP Photo

ប្រសិនបើ​លោកអ្នក​នាងរស់​នៅ​ ភូមិ​កំពង់​សេរី​ និង​ភូមិ​ សោយ​ ឃុំ​មាន​ ស្រុក​ អូររាំងឪ​ ខេត្ត​ត្បូងឃ្មុំ​ សូម​ប្រុងប្រយ័ត្ន​ ព្រោះ​ជំងឺ​ប៉េស្ត​ជ្រូក​អាហ្វ្រិក​បាន​ផ្ទុះ​ជាថ្មី​នៅ​តំបន់​នេះ​។ សេចក្ដីប្រកាស​របស់​រដ្ឋមន្ត្រី​ក្រសួង​កសិកម្ម​ រុក្ខាប្រមាញ់​ និង​នេសាទ​លោ វេង សាខុន​  ចេញ​កាលពី​ថ្ងៃទី២​ កក្កដា​ បាន​ចាត់​ឱ្យ​​អគ្គនាយក​ដ្ឋាន​សុខភាព​សត្វ​ និង​ផលិតកម្ម​សត្វ​ត្រូវ​ចាត់វិធានការ​បសុព្យាបាល​ជាបន្ទាន់​មួយចំនួន​នៅក្នុង​តំបន់​ដែល​ផ្ទុះ​ជំងឺប៉េស្ដ​ជ្រូក​អាហ្វ្រិក​នេះ​ ដោយ​ត្រូវ​បំផ្លាញ​ចោល​ សត្វ​ជ្រូក​គ្រប់​ប្រភេទ​ក្នុង​តំបន់​ដែល​មាន​ផ្ទុះ​ជំងឺ​ទៅតាម​វិធានការ​បសុព្យាបាល​។ ត្រូវ​ផ្អាក​ការទិញ​ លក់​ និង​ការ​ដឹកជញ្ជូន​សត្វ​ជ្រូក​ សាច់​ជ្រូក​ និង​ផលិតផល​គ្រប់​ប្រភេទ​ដែល​ធ្វើ​ពី​សាច់​ជ្រូក​ ក្នុងរង្វង់ ៣គីឡូម៉ែត្រ​ ពី​ចំណុច​នៃ​តំបន់​ ដែល​មាន​ផ្ទុះ​ជំងឺ​និង​ក្នុងរង្វង់ ១០គីឡូម៉ែត្រ​ពី​ចំណុច​ដែល​មាន​ផ្ទុះ​ជំងឺ​ ត្រូវ​ដាក់ជា​តំបន់​ត្រួតពិនិត្យ​។

វិធានការ​មួយទៀត​គឺ​ត្រូវ​ផ្អាក​ជា​បណ្ដោះអាសន្ន​ការ​ចិញ្ចឹមសត្វ​ជ្រូក​នៅក្នុង​តំបន់​ដែល​មាន​ផ្ទុះ​ជំងឺប៉េស្ដ​ជ្រូក​អាហ្វ្រិក​នេះ​។

នៅក្នុង​សេចក្ដីប្រកាស​របស់ក្រ​សួង​កសិកម្ម​ដ៏​ដែល​ឱ្យ​ដឹង​ដែរ​ថា​ ជំងឺប៉េស្ដ​ជ្រូក​អាហ្វ្រិក​នេះ​ មិន​ឆ្លង​ ឬប៉ះពាល់​ដល់​មនុស្ស​ឡើយ​ ក៏ប៉ុន្តែ​ជំងឺ​នេះ​ អាច​បណ្ដាល​ឱ្យ​សត្វ​ជ្រូក​ឈឺ​ ងាប់​ មាន​អត្រា​ខ្ពស់​រហូតដល់ ១០០ភាគរយ​ ដែល​បង្ក​ការខាតបង់​ថវិកា​ធ្ងន់ធ្ងរ​ដល់​អ្នកចិញ្ចឹមសត្វ​ជ្រូក​ទាំងនោះ​។

មាន​សត្វ​ជ្រូក​រាប់​លាន​ក្បាល​ត្រូវ​បាន​គេ​សម្លាប់​នៅ​ប្រទេស​ចិន​ និង​វៀតណាម​ បន្ទាប់ពី​ប្រទេស​ទាំងពីរ​នេះ​ បាន​កើតជំងឺ​ប៉េស្ត​ជ្រូក​អាហ្វ្រិក​ ជំងឺ​នេះ​ក៏​កំពុង​រាតត្បាត​ដល់​ប្រទេស​ឡាវ​ផង​ដែរ​៕

ព័ត៌មាន (0)
Share
គេហទំព័រ​ទាំងមូល