លោក ហ៊ុន ម៉ាណែត ប្រកាស​បង្កើត​ក្រុម​គ្រូពេទ្យ​ថែទាំ​ព្រះរាជ​សុខភាព​ព្រះមហាក្សត្រ

ដោយ សេក បណ្ឌិត
2024.01.28
លោក ហ៊ុន ម៉ាណែត ប្រកាស​បង្កើត​ក្រុម​គ្រូពេទ្យ​ថែទាំ​ព្រះរាជ​សុខភាព​ព្រះមហាក្សត្រ លោកនាយករដ្ឋមន្ត្រី ហ៊ុន ម៉ាណែត (ឆ្វេង) និងភរិយា ចូលគាល់ព្រះមហាក្សត្រ​ និងសម្ដេចម៉ែ នៅទីក្រុងប៉េកាំង​ ប្រទេស​ចិន កាលពីថ្ងៃទី១៤ កញ្ញា ២០២៣។
រូប៖ ហ្វេសប៊ុកលោក ហ៊ុន ម៉ាណែត

លោកនាយក​រដ្ឋមន្ត្រី ហ៊ុន ម៉ាណែត បាន​បង្កើត​ក្រុម​គ្រូពេទ្យ​ថែទាំ​ព្រះរាជសុខភាព​ព្រះមហាក្សត្រ និង​សម្ដេចព្រះ​មហាក្សត្រី ដើម្បី​ពិគ្រោះ​យោបល់ និង​ពិនិត្យមើល​ស្ថានភាព​ព្រះរាជសុខភាព។

លោក ហ៊ុន ម៉ាណែត បាន​បង្កើត​ក្រុម​គ្រូពេទ្យ​ថែទាំ​ព្រះរាជសុខភាព​ព្រះមហាក្សត្រ ព្រះបាទ សម្ដេចព្រះ​បរមនាថ នរោត្តម សីហមុនី និង​សម្ដេចព្រះ​មហាក្សត្រី នរោត្តម មុនិនាថ សីហនុ កាលពី​ថ្ងៃទី​៨ ខែ​វិច្ឆិកា។

ក្រុម​គ្រូពេទ្យ​ថែទាំ​ព្រះរាជ​សុខភាព​ព្រះមហាក្សត្រ មាន​៨​នាក់ រួមមាន​រដ្ឋមន្ត្រីក្រសួង​សុខាភិបាល លោក ឈាង រ៉ា ជា​ប្រធាន អនុប្រធាន​ពីរ​នាក់ និង​សមាជិក​វេជ្ជបណ្ឌិត​ប្រចាំការ​ចំនួន​៥​នាក់​ទៀត។ លោក ហ៊ុន ម៉ាណែត បញ្ជាក់​ថា ការបង្កើត​ក្រុម​គ្រូពេទ្យ​នេះ​គឺ​មាន​តួនាទី​ថែទាំ​ព្រះរាជសុខភាព​ព្រះមហាក្សត្រ និង​អញ្ជើញ​អ្នកជំនាញ​វេជ្ជសាស្ត្រ​ករណី​ចាំបាច់។

អតីតមន្ត្រី​ជាន់ខ្ពស់ នៃ​មន្ទីរ​សុខាភិបាល​ខេត្ត​ប៉ៃលិន និង​ជា​មន្ត្រី​គណបក្ស​ភ្លើងទៀន លោក ខឹម មុន្នីកុសល យល់​ឃើញ​ថា គឺជា​រឿង​ល្អ​ដែល លោក ហ៊ុន ម៉ាណែត បង្កើត​ក្រុម​គ្រូពេទ្យ​ដើម្បី​រង់ចាំ​មើលថែ​ព្រះរាជសុខភាព​របស់​ព្រះមហាក្សត្រ​។ ប៉ុន្តែ​លោក​ថា គ្រូពេទ្យ និង​គ្រឿង​បរិក្ខារ​ពេទ្យ​ភាគ​ច្រើន​មិនទាន់​ឆ្លើយតប​ទៅ​តាម​តម្រូវការ និង​គ្មាន​ស្តង់ដារ​ឡើយ ដែល​បញ្ហា​នេះ​ធ្វើ​ឱ្យ ព្រះមហាក្សត្រ និង​លោក ហ៊ុន សែន អតីត​នាយករដ្ឋមន្ត្រី ជាដើម​តែង​ចេញទៅ​ក្រៅប្រទេស​ដើម្បី​ព្យាបាល​ជំងឺ។

លោក ខឹម មុន្នីកុសល៖ «វា​ត្រូវតែ​មាន​កំណែទម្រង់​វិស័យ​សុខាភិបាល​មួយ​មាន​លក្ខណៈ​ស៊ីជម្រៅ​ហើយ​ការ​កំណែ​ទម្រង់​ហ្នឹង​គឺ​យើង​ត្រូវការ​ការ​ជួយ​អំពី​អន្តរជាតិ​ពី​ព្រោះ​ពួកគេ​មាន​ជំនាញ​ក្នុង​ការ​អភិវឌ្ឍន៍​វិស័យ​សុខាភិបាល​ជាពិសេស​គឺ​នៅ​លើ​ប្រទេស​ដែល​កំពុង​អភិវឌ្ឍន៍»

ព្រះបាទ សម្ដេច នរោត្តម សីហមុនី និង​សម្ដេច​ម៉ែ ទ្រង់​យាង​ទៅ​ពិនិត្យ​ព្រះរាជសុខភាព​នៅ​ប្រទេស​ចិន​ជា​ទៀងទាត់ ក្នុង​១​ឆ្នាំ ២​ដង៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

មតិយោបល់៖

Anonymous
Jan 28, 2024 09:24 PM

Hun Manet himself should have his personal health counseling team so that he can receive health care in Cambodia, not overseas.

It's a violation of the King's & Queen's privacy to have such people.

Anonymous
Jan 28, 2024 09:25 PM

Hun Manet himself should have his personal health counseling team so that he can receive health care in Cambodia, not overseas.

It's a violation of the King's & Queen's privacy to have such people.