អង្គការ​​សុខភាព​​ពិភពលោក​ បន្ត​លើក​​ពេល​​សម្រេច​​លើ​​វ៉ាក់សាំង​​ចិន​​

ដោយ មួង ណារ៉េត
2021-05-02
Share
អង្គការ​​សុខភាព​​ពិភពលោក​ បន្ត​លើក​​ពេល​​សម្រេច​​លើ​​វ៉ាក់សាំង​​ចិន​​ ថ្នាំ​វ៉ាក់សាំងចាក់​បង្ការ​ជំងឺ​កូវីដ-១៩ របស់​ប្រទេស​ចិន ឈ្មោះ ស៊ីណូហ្វាម (Sinopharm)។
រូប៖ គេហទំព័រ AKP

អង្គការ​សុខភាព​ពិភពលោក (WHO) បន្ត​លើក​ពេល​សម្រេច​លើ​វ៉ាក់សាំង​ចិនកាល​ពីខែ​​ចុងខែមករា អង្គការ​សុខភាព​ពិភពលោក ថានឹង​សម្រេច​រឿង​នេះ នៅដើម​ខែមីនា។ ប៉ុន្តែពេល​ផុត​ដើម​ខែមីនា អង្គការ​នេះ​ថា នឹង​សម្រេចនៅចុង​ខែមេសាកាលពី​ចុងខែមេសា អង្គការ​នេះ​ថា ​សេចក្តីសម្រេច​លើ​វ៉ាក់សាំង​ចិន​នេះ នឹង​ធ្វើ​នៅ​ចុង​សប្តាហ៍​នេះចុង​ខែឧសភា។ ទោះជា​យ៉ាងនេះ​ក្ដី អង្គការ​សុខភាព​ពិភពលោក មិន​បាន​បញ្ជាក់​អំពី​មូលហេតុ​នៃការ​លើក​ពេល​សម្រេច​លើ​វ៉ាក់សាំង​ចិន​ ម្តងហើយ​ម្តង​ទៀត​នេះ​ទេ

វ៉ាក់សាំងចិន​ពីរ​មុខ​ដែល​កំពុង​រង់ចាំ​ការ​សម្រេច​ពី​អង្គការ​សុខភាព​ពិភពលោក​ មាន​វ៉ាក់សាំង​ស៊ីណូហ្វាម (Sinopharm) និង ស៊ីណូវ៉ាក់ (Sinovac)​ ដែលបើ​តាម​លទ្ធផល​នៃ​ការ​ប្រើប្រាស់​នៅ​ប្រទេស​មួយ​ចំនួន វ៉ាក់សាំង​ទាំង​នេះ​មាន​ប្រសិទ្ធភាព​ចន្លោះ​ពី ៥០% ទៅ ៧០%។ ប៉ុន្តែ  មន្រ្តី​ជាន់​ខ្ពស់​ផ្នែក​សុខាភិបាល​របស់​ចិន ក៏​បាន​ទទួល​ស្គាល់​ដែរ​ថា វ៉ាក់សាំង​ចិន​ទាំង​នេះ​ មាន​ប្រសិទ្ធភាព​ទាប និង​កំពុង​ពិចារណា ចាក់​បន្ថែម​ដូស ឬ​លាយ​ជាមួយ​វ៉ាក់សាំង ហ្វៃស្ស៊ើរ បៃអូអិនថិក (Pfizer BioNTech) របស់​ក្រុម​ហ៊ុន​អាមេរិក និង​អាល្លឺម៉ង់។ ប៉ុន្តែ បើតាម​អង្គការសុខភាព​ពិភពលោក​ វ៉ាក់សាំង​ដែល​មាន​ប្រសិទ្ធភាព​ចាប់​ពី​ ៥០% គឺ​គ្រប់​លក្ខខណ្ឌ​ សម្រាប់​ឲ្យ​ស្ថាប័ន​នេះ​ទទួល​ស្គាល់​ឲ្យ​ប្រើប្រាស់​បាន

ទោះបី​ជា​កម្រិត​ប្រសិទ្ធភាព​នៃ​វ៉ាក់សាំង​ចិន​ទាំង​នេះ នៅ​ទាប​ខ្លាំង និង​មិន​ទាន់​មានការ​ទទួល​ស្គាល់​ជា​ផ្លូវការ​ដោយ​អង្គការ​សុខភាព​ពិភពលោកក្តី តែ​ប្រទេស​ជាង ៧០ រួមទាំង​ប្រទេស​កម្ពុជា​ផង​ បាន​ទទួល​យក​វ៉ាក់សាំង​ទាំង​នេះ ដើម្បី​ចាក់​ឲ្យ​ពលរដ្ឋ​ខ្លួនរួចជា​ស្រេច​ទៅ​ហើយរហូត​មក​ដល់​ពេល​នេះ មិន​ទាន់មាន​សេចក្តីរាយការណ៍ ឬការ​សិក្សា​ណា​មួយ អំពី​ប្រសិទ្ធភាព​នៃ​វ៉ាក់សាំងចិន​ ដែល​បាន​ចាក់​ជូន​ពលរដ្ឋខ្មែរ តាំង​ពី​ដើម​ខែកុម្ភៈ នៅ​ឡើយ​ទេ។ ប៉ុន្តែ ភាគ​ច្រើន​នៃ​អ្នក​ចាក់​វ៉ាក់សាំង​ចិន​នៅ​កម្ពុជា គឺ​ជា​កងកម្លាំង​ប្រដាប់​អាវុធ និង​មន្រ្តីរាជការ ដែល​តាំង​ពី​ព្រឹត្តិការណ៍២០កុម្ភៈ ​គឺ​នៅ​តែ​ផ្ទះ​ស្ទើរ​តែ​ទាំង​អស់​គ្នាមិន​ប្រឈម​មុខ​ខ្លាំង​ដូច​កម្មករ​រោងចក្រ​កាត់ដេរ និង​អាជីវករ​ផ្សារ​ ដែល​បាន​ចាក់​វ៉ាក់សាំង​តិច​តូច​បំផុត ប៉ុន្តែត្រូវ​ទៅធ្វើ​ការ និង​ប្រកបរបរ​អាជីវកម្មរាល់ថ្ងៃ​នោះ​ទេតាំងពី​ថ្ងៃទី​ ២០ ខែកុម្ភៈ រហូតដល់ថ្ងៃទី២ ខែឧសភា ករណី​ឆ្លង​ជំងឺកូវីដ-១៩ នៅ​កម្ពុជា កើនឡើង​ជិត ៣០ ដង (២៧,១) បើ​ប្រៀបធៀប​ទៅ​នឹង​ស្ថានភាព​មួយ​ឆ្នាំមុ​ន​នេះ។ នៅថ្ងៃទី២០ ខែកុម្ភៈ ករណី​អ្នក​ផ្ទុក​ជំងឺ​នេះ នៅ​ទូទាំង​ប្រទេស មាន​តែ​ជាង ៥០០ (៥១៦) នាក់​ប៉ុណ្ណោះ។ ប៉ុន្តែ កាលពីថ្ងៃទី២ ខែឧសភា កម្ពុជា​មាន​អ្នក​ផ្ទុក​ជំងឺនេះ​សរុបជាង ១ម៉ឺន៤ពាន់ (១៤,៥២០) នាក់ និង​មានអ្នក​ស្លាប់ ជាង ១០០ (១០៣) នាក់។ អ្នក​កំពុង​សម្រាក​ព្យាបាល​ជំងឺ​នេះមានជាង ៩ពាន់ (៩,០០៤)នាក់

ស្របពេល​ដែល​មាន​ការ​លើក​ពេល​សម្រេច​លើ​វ៉ាក់សាំង​ចិន អង្គការ​សុខភាព​ពិភពលោក​ កាល​ពី​ចុងខែមេសា បាន​សម្រេច​ទទួល​ស្គាល់វ៉ាក់សាំង​អាមេរិក​មួយ​មុខ​ទៀត​ឈ្មោះ ម៉ូដិនណា (Modena)។ ​វ៉ាក់សាំង ម៉ូដិនណា មាន​ប្រសិទ្ធភាព​ជាង ៩៤% (៩៤,១%)។ ក្រុមហ៊ុន​នេះ បាន​ដាក់​ពាក្យ​សុំ​ទទួល​ស្គាល់​ពី​អង្គការ​សុខភាព​ពិភពលោកក្រោយ​វ៉ាក់សាំង​ចិន

រហូត​មក​ពេល​នេះ អង្គការ​សុខភាព​ពិភពលោក ទទួល​ស្គាល់​វ៉ាក់សាំង​បួន​មុខ​ហើយ រួមមាន​វ៉ាក់សាំង​អាមេរិក និង​អាល្លឺម៉ង់ ហ្វៃស្ស៊ើរ បៃអូអិនថិក (Pfizer & BioNTech), វ៉ាក់សាំង​អង់គ្លេស​ អាស្រ្តាហ្សេនេកា (AstraZenec), វ៉ាក់សាំង​អាមេរិក ចនសិន និង ចនសិន (Johnson & Johnson) និង​ចុងក្រោយ​គេ គឺវ៉ាក់សាំង​អាមេរិក ម៉ូដិនណា (Moderna) នេះ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)

មើល​មតិ​ទាំង​អស់.

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល