កម្ពុជា-កូរ៉េ សហការ​ស៊ើបអង្កេត​ករណី​ធនាគារ​មាន​មន្ទិល​សង្ស័យ

មន្ត្រី​យុត្តិធម៌​កម្ពុជា និង​មន្ត្រី​យុត្តិធម៌​កូរ៉េ​ខាង​ត្បូង បាន​ព្រមព្រៀង​គ្នា​ធ្វើ​សហ​ប្រតិបត្តិការ​យ៉ាង​ជិត​ស្នីទ ដើម្បី​ផ្ដើម​ស៊ើប​អង្កេត​លើ​ករណី​មាន​ការ​មន្ទិល​សង្ស័យ​មួយ ចំពោះ​ធនាគារ​សន្សំ​ប្រាក់ ឈ្មោះ Busan Savings Bank ដែល​ឲ្យ​ក្រុមហ៊ុន​រក​ស៊ី​នៅ​កម្ពុជា​ខ្ចី​ទុន​វិនិយោគ ហើយ​បាត់​លុយ​មិន​ដឹង​ជា​ទៅ​ឯណា​ចំនួន ៣៦៥​លាន​ដុល្លារ។
ដោយ ហាស់ សាន
2011.07.04
Share on WhatsApp
Share on WhatsApp

ធនាគារ​កូរ៉េ​នោះ​បាន​ឲ្យ​ក្រុមហ៊ុន​ខ្លះ​ខ្ចី​ទុន​សង់​ព្រលានយន្តហោះ ដែល​ជា​ផ្នែក​នៃ​គំរោង​ស្ថាបនា​ទីក្រុង​រណប​ឈ្មោះ Camko City នៅ​ជាយ​ក្រុង​ភ្នំពេញ។ គំរោង​វិនិយោគ​ខ្លះ​ត្រូវ​ផ្អាក​ទ្រឹង តែ​ពុំ​មាន​បញ្ជី​ចំណូល​ចំណាយ​ពិត​ប្រាកដ។

យោង​តាម​ទីភ្នាក់ងារ​ព័ត៌មាន​កូរ៉េ​ខាង​ត្បូង យ៉ុន​ហាប់ (Yonhap News Agency) នៅ​ថៃ្ង​អាទិត្យ ទី​៣ កក្កដា អគ្គ​រដ្ឋ​អាជ្ញា​កូរ៉េ​ខាង​ត្បូង​ប្រាប់​កាសែត​ថា កិច្ច​ព្រមព្រៀង​ធ្វើ​សហ​ការ​ជិត​ស្និទ្ធ​ជា​មួយ​ព្រះ​រាជ​អាជ្ញា​កម្ពុជា ក្នុង​រឿង​ស្រាវ​ជ្រាវ​រក​ឯកសារ​គណនេយ្យ​ធនាគារ​នោះ ធ្វើ​ឡើង​នៅ​ក្នុង​ពេល​មាន​កិច្ច​ប្រជុំ​កំពូល​មន្ត្រី​ស៊ើប​អង្កេត​ក្នុង​តុលាការ និង​តំណាង​ប្រទេស​ចំនួន​១០៧ ដែល​ជួប​ជុំ​គ្នា​កាល​ពី​សប្ដាហ៍​មុន នៅ​ទីក្រុង​សេអ៊ូល៕

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

មតិយោបល់៖

Anonymous
Jul 06, 2011 04:13 AM

Corruption and selfishness still happening on the investor related to governors. So that's why the problems related $$$ and causes the unclear projects and no Accountabilities. Cambodian People not like that in the past era. But now they learn a lot from the people who doesn't have cambodian blood and try to make Cambodian people become crazy. Especially Viet Nam. Cambodian Government is the toys for Viet Nam for playing game, right now. Cambodian, should be get up and against with this generation and try to find the best peace.