សហគមន៍​ខ្មែរ​នៅ​ក្រុង​ឡុងប៊ិច​ប្រារព្ធ​ខួប​លើក​ទី​៤៣​ឆ្នាំ​នៃ​របប​វាលពិឃាត

ដោយ មាន ឫទ្ធិ
2018-04-16
អ៊ីម៉ែល
មតិ
Share
បោះពុម្ព
រូប​ទំព័រ​ដើម​នៃ​គេហទំព័រ​ស្ដីពី​ប្រវត្តិសាស្ត្រ​ខ្មែរ​ក្រហម ​បង្កើត​ឡើង​ដោយ​មជ្ឈមណ្ឌល​ឯកសារ​កម្ពុជា (DCAM) ដែល​ត្រូវ​បាន​ដាក់​ឲ្យ​ដំណើរ​ការ​នៅ​ថ្ងៃ​ទី​៨ ខែ​កញ្ញា ឆ្នាំ​២០១៧។ Screenshot
រូប​ទំព័រ​ដើម​នៃ​គេហទំព័រ​ស្ដីពី​ប្រវត្តិសាស្ត្រ​ខ្មែរ​ក្រហម ​បង្កើត​ឡើង​ដោយ​មជ្ឈមណ្ឌល​ឯកសារ​កម្ពុជា (DCAM) ដែល​ត្រូវ​បាន​ដាក់​ឲ្យ​ដំណើរ​ការ​នៅ​ថ្ងៃ​ទី​៨ ខែ​កញ្ញា ឆ្នាំ​២០១៧។ Screenshot
Screenshot

សហគមន៍​ខ្មែរ​អាមេរិកាំង​នៅ​ទីក្រុង​ឡុងប៊ិច រដ្ឋ​កាលីហ្វ័រញ៉ា នឹង​រៀបចំ​ប្រារព្ធ​ខួប​លើក​ទី​៤៣ ឆ្នាំ នៃ​របប​វាលពិឃាត​ខ្មែ​ក្រហម នៅ​ថ្ងៃ​អង្គារ​ទី​១៧ ខែមេសា ដើម្បី​កាន់​មរណទុក្ខ សម្តែង​ការគោរព ព្រមទាំង​ចងចាំ ដល់​ពលរដ្ឋ​ខ្មែរ​ជិត​ពីរលាន​នាក់ ដែល​បាន​ស្លាប់​ក្នុង​របប​កុម្មុយនីស្ត ដឹកនាំ​ដោយ​ពួក​ខ្មែរក្រហម ប៉ុល ពត កាលពី​ចន្លោះ​ឆ្នាំ​១៩៧៥ ដល់​ឆ្នាំ​១៩៧៨។

សេចក្តីប្រកាស​ព័ត៌មាន​របស់​មជ្ឈមណ្ឌលរំឮក​វាលពិឃាត (Killing Fields Memorial Center) ឲ្យ​ដឹង​កាលពី​ថ្ងៃទី​១៥ មេសា នេះ​ថា មជ្ឈមណ្ឌល​រំឮក​វាលពិឃាត ដែល​តែងតែ​រៀបចំ​រំឮក​ខួប​នៃ​របប​វាលពិឃាត តាំងពី​ឆ្នាំ​២០០៥​មកម្ល៉េះ នឹង​មាន​រៀបចំ​ព្រឹត្តិការណ៍​រំឭក​របប​វាលពិឃាត​នេះ នៅ​ទីតាំង​អនាគត​សួន​រំឭកវាលពិឃាត ដែល​នឹងត្រូវ​សាងសង់ឡើង​ក្នុង​ឆ្នាំ​២០១៩ ខាងមុខនេះ នៅ​ក្រុង​ឡុងប៊ិច រដ្ឋ​កាលីហ្វ័រញ៉ា។

លេខាធិការ​នៃ​មជ្ឈមណ្ឌល​រំឭក​វាលពិឃាត លោក សុទ្ធ ប៉ាលីន ឲ្យ​អាស៊ីសេរី​ដឹង​កាលពី​ថ្ងៃទី​១៥ មេសា ថា ពិធី​នេះ​នឹងមាន​ពលរដ្ឋ​ខ្មែរ​អាមេរិកាំង​ប្រមាណ ១០០ នាក់​ចូលរួម ដោយ​មាន​ការ​និមន្ត​ព្រះសង្ឃ​គង់នៅ​តាម​វត្ត​អារាម​នានា ក្នុង​ក្រុង​ឡុងប៊ិច និង​ក្រុង​ឡូសអែនជេលេស (Los Angeles) ប្រហែល ៣០​អង្គ ចូលរួម​ធ្វើ​ពិធី​បែប​ពុទ្ធសាសនា​ផងដែរ។ លោក សុទ្ធ ប៉ាលីន បញ្ជាក់ថា គោលដៅ​សំខាន់​នៃ​ពិធី​នេះ គឺ​ដើម្បី​រំឭក​អំពី​មរណទុក្ខ​របស់​ពលរ​ដ្ឋ​ខ្មែរ​ដែល​បាន​បង់ជីវិត​ក្នុង​របប​វាលពិឃាត និង​ជាការ​ចងចាំ​មួយ​ដែល​មិនអាច​បំភ្លេចបាន សម្រាប់​ពលរដ្ឋ​ខ្មែរ​អាមេរិកាំង​ជំនាន់​ក្រោយ៖ «បាទ​! ខ្លឹមសារ​ដ៏​ធំ​បំផុត​ហ្នឹង​គឺ មិន​អាច​បំភ្លេច​បានទេ ទុក្ខសោក​នៃ​ប្រជាពលរដ្ឋ​ខ្មែរ ក្នុង​រយៈពេល​ជិត​បួន​ឆ្នាំ​នៃ​របប​វាលពិឃាត​ហ្នឹង​... ដែល​ធ្វើ​ឲ្យ​យើង​បាត់បង់​សឹងតែ​ពាក់កណ្តាល​ប្រជាពលរដ្ឋ​ខ្មែរ​...។ យើងទាំងអស់គ្នា ម្នាក់ៗ​គឺ តែងតែមាន​ក្រុមគ្រួសារ ញាតិមិត្ត​បាន​បាត់បង់​ជីវិត​រៀងៗ​ខ្លួន ទទួល​ទុក្ខសោក​រៀងៗ​ខ្លួន​...​។ ដូច្នេះ គឺជា​ទុក្ខសោក​មួយ​ដ៏​ធំ​ណាស់​ចំពោះ​ខ្មែរ​ហ្នឹង​។ ហើយ​ដែល​សព្វថ្ងៃ​ហ្នឹង គឺ​យើង​នៅតែ​តាំងចិត្ត​ថា​ធ្វើ​អ៊ីចឹង​រហូត គឺ​មកពី​យើង​មិន​ចង់ឃើញ​ឲ្យ​មាន​សោកនាដកម្ម​របៀបនេះ​តទៅទៀត​ទេ»

ព្រឹត្តិការណ៍​រំឭក​ខួប​លើក​ទី​៤៣​ឆ្នាំ នៃ​របប​វាលពិឃាត​ឆ្នាំ​២០១៨​នេះ នឹង​ផ្តោតលើ​គម្រោង​សាងសង់​សួន​រំឭក​វាលពិឃាត the Killing Fields Memorial Garden ដែល​ត្រូវ​បាន​សហគមន៍​ខ្មែរ​នៅ​ទីនោះ ផ្តួចផ្តើម​សាងសង់​ឲ្យ​មាន​ឡើង សម្រាប់​ទុក​ធ្វើជា​ទីតាំង​នៃ​ពិធីបុណ្យ​រំឭក​ខួប​នៃ​របប​វាល​ពិឃាត និង​ជា​កន្លែង​ចងចាំ។ ការសាងសង់​សួន​នេះ ទទួលបាន​ការគាំទ្រ​ឧបត្ថម​ផ្នែក​ថវិកា​ពី​សាលាក្រុង​ឡុងប៊ិច ក្នុង​ទឹកប្រាក់​សរុប​ចំនួន ១៥​ម៉ឺន​ដុល្លារ​អាមេរិក។

សមាជិក​ក្រុមប្រឹក្សា​ក្រុង​ឡុងប៊ិច លោក ឌី អេនឌ្រូ (Dee Andrews) ឲ្យ​ដឹង​តាម​តាមរយៈ​សេចក្តីប្រកាស​ព័ត៌មាន​ដដែល​នេះ​ថា គម្រោង​សាងសង់​សួន​នេះ នឹង​ក្លាយជា​ទីកន្លែង​មួយ ដែល​ក្រុម​ពលរដ្ឋ​ខ្មែរ​អាមេរិកាំង​ទាំងអស់ អាច​រំឭក​ដល់​ប្រវតិ្ត​រឿងរ៉ាវ​អតីតកាល សម្តែង​ការគោរព និង​ចែក​រំលែក​រឿងរ៉ាវ​របស់​ពួកគេ កាលពី​ក្នុង​របប​វាលពិឃាត។

ពិធី​រំឭក​ខួប​នៃ​របប​វាលពិឃាត​នេះ នឹង​ចាប់ផ្តើម​នៅវេលា​ម៉ោង ៩ ព្រឹក ថ្ងៃ​អង្គារ ទី​១៧ មេសា ដោយ​មាន​ពិធីសូត្រមន្ត​តាមបែប​ពុទ្ធសាសនា បន្ត​ដោយ​ពិធី​ទទួល​បាយ​ថ្ងៃត្រង់​ជុំគ្នា។ សម្រាប់​ពេល​ល្ងាច ពិធី​នឹង​ចាប់ផ្តើម​ពី​ម៉ោង ៥​ល្ងាច ដោយមាន​ពិធី​បង្ហូត​ទង់ជាតិ ពិធី​ថ្លែងអំណរគុណ ពិធីសូត្រមន្ត និង​ពិធី​ដុត​ភ្លើងទៀន ជាដើម៕

ព័ត៌មាន (1)
Share

ភវ​វ័រ្មន

ពី ពី​បាវិត ស្វាយ​រៀង​

ថ្ងៃទី០៧មករា ២០១៨ នៃខួប៣៩ឆ្នាំ លោកហ៊ុនសែន ជាប្រធានអគ្គលេខាបក្សប្រជាជនបដិវត្តន៍កម្ពុជា បានប្រកាសពីជ័យជំនះ ជាចំហរ ក្នុងការរម្លាយគណបក្សសង្រ្គោះជាតិ និងលិទ្ធិប្រជាធិបតេយ្យនៅកម្ពុជា ក្រោមបទចោទ ប្រជាជនខ្មែរនិងអ្នកនយោបាយខ្មែរ ជាពួកក្បត់ ជាពួកអង្គការភេវរកម្ម បដិវត្តន៍ពណ៌ កញ្ជះអាមេរិកកាំង ។ ពេលនេះលោកហ៊ុនសែនធានាបាននូវការកាន់អំណាចយូរឆ្នាំ បន្ដទៀត ។ ដែលកាល ពី០២ឆ្នាំមុននេះ លោកហ៊ុនសែន បើក្នុងស្ថានភាពគ្មានជម្រើស គាត់អាចនឹងសម្លាប់សមាជិកបក្សសង្រ្គោះជាតិលោកសម រង្ស៊ី កឹមសុខា រួម ទាំងអ្នកនយោបាយខ្មែរ ១ ចំនួនប្រហែល២០០ទៅ៣០០នាក់ចោល ជាជាងសម្លាប់ ប្រជាពលរដ្ឋខ្មែរ ជាង ៣លាន ទៅ ៧លាននាក់) ។
វាបញ្ជាក់កាន់តែច្បាស់នោះ គឺលោកហ៊ុនសែនបានថ្លែងសោកស្ដាយជាសាធារណៈដែលមិនបានមើលរូបភាព បក្សសង្រ្គោះជាតិ ធ្វើបាតុកម្មទាមទារយុត្តិធម៌លទ្ធផលឆ្នោត កាលពីចុងខែធ្នូឆ្នាំ២០១៣ គាត់ថាបើគាត់បានឃើញឈុតរូបភាពខ្លីកាលពីពេលនោះ ម្ល៉េះសមគាត់បានបញ្ជាកងកម្លាំងប្រដាប់អាវុធក្នុង១ម៉ោង ២ម៉ោងក្រោយឲ្យបាញ់សម្លាប់ បក្សសង្រ្គោះជាតិទាំងប្រធានទាំងសមាជិក ទាំងប្រជាពលរដ្ឋដែលគាំទ្របក្សធ្វើបាតុកម្ម ទាំងអស់នោះចោលតែម្ដងក្នុងពេលតែ១អស់ហើយ ម៉្លេះ ចុងឆ្នាំដើមឆ្នាំចូលឆ្នាំសកលក្រោយៗ វាជាបុណ្យខួបខ្មោចប្រជាពលរដ្ឋខ្មែរបក្សសង្រ្គោះជាតិទាំងនោះទេ! ម៉្លេះប្រជាជាតិ ខ្មែរ គ្មាននៅសេសសល់ សមាជិកបក្សសង្រ្គោះជាតិ ទៅតស៊ូមតិក្រៅប្រទេសនាពេលនេះទេ លោកហ៊ុនសែន ស្ដាយណាស់ ដែលមិនបានសម្លាប់ទាំងអស់ផ្ដាច់ពូជ អ្នកប្រកាន់លិទ្ធិប្រជាធិបតេយ្យ កាលពីចុងឆ្នាំ២០១៣ ។

May 06, 2018 03:52 AM

គេហទំព័រ​ទាំងមូល