ជន​សង្ស័យ​ពី​បទ​ប្រល័យ​ពូជ​សាសន៍​នៅ​ក្នុង​ប្រទេស​រវ៉ានដា (Rwandan) បដិសេធ​ការ​ចោទ​ប្រកាន់​នៅ​តុលាការ​បារាំង

ដោយ ជីវិតា
2020-05-29
អ៊ីម៉ែល
មតិ
Share
បោះពុម្ព
លោក ហ្វេលិសៀន កាប៊ូហ្កា (Félicien Kabuga) ដែល​ជាប់ចោទ​ពី​បទ​ពាក់ព័ន្ធ​នឹង​អំពើ​ប្រល័យ​ពូជ​សាសន៍ នៅ​ក្នុង​ប្រទេស​រវ៉ានដា (Rwandan) កាល​ពី​ឆ្នាំ១៩៩៤ ត្រូវ​បាន​ចាប់ខ្លួននៅ​ប្រទេស​បារាំង កាល​ពី​ពាក់​កណ្ដាល​ខែ​ឧសភា​ ឆ្នាំ២០២០ ក្រោយ​រត់​គេច​ខ្លួន​រយៈ​ពេល ២៦ឆ្នាំ។
លោក ហ្វេលិសៀន កាប៊ូហ្កា (Félicien Kabuga) ដែល​ជាប់ចោទ​ពី​បទ​ពាក់ព័ន្ធ​នឹង​អំពើ​ប្រល័យ​ពូជ​សាសន៍ នៅ​ក្នុង​ប្រទេស​រវ៉ានដា (Rwandan) កាល​ពី​ឆ្នាំ១៩៩៤ ត្រូវ​បាន​ចាប់ខ្លួននៅ​ប្រទេស​បារាំង កាល​ពី​ពាក់​កណ្ដាល​ខែ​ឧសភា​ ឆ្នាំ២០២០ ក្រោយ​រត់​គេច​ខ្លួន​រយៈ​ពេល ២៦ឆ្នាំ។
រូប៖ ទំព័រ​ព័តឥមាន ប៊ីប៊ីស៊ី

ជន​សង្ស័យ​សំខាន់​មួយ​រូប​ក្នុង​អំពើ​ប្រល័យ​ពូជ​សាសន៍​នៅ​ក្នុង​ប្រទេស​រវ៉ានដា (Rwandan) កាល​ពី ២៦ឆ្នាំ​មុន ប្រាប់​តុលាការ​បារាំង​នៅ​ថ្ងៃ​ទី២៨ ឧសភា​ថា លោក​មិន​បាន​ប្រព្រឹត្ត​ដូច​ការ​ចោទ​ប្រកាន់​នោះ​ទេ។

លោក ហ្វេលិសៀន កាបប៊ូហ្កា (Félicien Kabuga) ដែល​បាន​រត់​គេច​ពី​ការ​តាម​ចាប់​ខ្លួន​អស់​រយៈ​ពេល ២៦ឆ្នាំ ពី​បទ​ពាក់ព័ន្ធ​នឹង​អំពើ​ប្រល័យ​ពូជ​សាសន៍ នៅ​ក្នុង​ប្រទេស​រវ៉ានដា (Rwandan) កាល​ពី​ឆ្នាំ១៩៩៤ ត្រូវ​បាន​អាជ្ញាធរ​ទីក្រុង​ប៉ារីស សហការ​ជា​មួយ​អង្គការ​សហប្រជាជាតិ​ចាប់​ខ្លួន កាល​ពី​ពាក់​កណ្ដាល​ខែ​ឧសភា​នេះ ប្រាប់​តុលាការ​ប្រទេស​បារាំង​នៅ​ថ្ងៃ​ព្រហស្បតិ៍ ម្សិល​មិញ​ថា ការ​ចោទ​ប្រកាន់​ទាំង​ឡាយ​មក​លើក​រូប​លោក គឺ​ជា​រឿង​កុហក។ នៅ​ក្នុង​សវនាការ​បឋម​សុំ​នៅ​ក្រៅ​ឃុំ ជន​សង្ស័យ​អាយុ ៨៤ឆ្នាំ​រូប​នេះ បញ្ជាក់​ប្រាប់​តុលាការ​ថ៖ «ខ្ញុំ​មិន​បាន​សម្លាប់​ជន​ជាតិ​ទូតស៊ី (Tutsi) ណា​ម្នាក់​ឡើយ»

លោក ហ្វេលិសៀន កាបប៊ូហ្កា (Félicien Kabuga) ជា​ពាណិជ្ជករ​ដ៏​មាន​ទ្រព្យធន​ម្នាក់​ដែល​រង​ការ​ចោទ​ថា បាន​ជួយ​ឧបត្ថម្ភ​គាំទ្រ​ជា​ហិរញ្ញវត្ថុ​ដល់​យុទ្ធនាការ​សម្លាប់​ជន​ជាតិ​ទូតស៊ី​អស់​ប្រមាណ​ប្រាំបី​សែន​នាក់ (៨០០.០០០) ប្រព្រឹត្ត​ដោយ​ជនជាតិ​ហ៊ូទូ Hutu)។ លោក​ត្រូវ​បាន​ចាប់​ខ្លួន​នៅ​ជាយ​ទីក្រុង​ប៉ារីស បន្ទាប់​ពី​លាក់​ខ្លួន​អស់​រយៈ​ពេល ២៦ឆ្នាំ ដោយ​ប្ដូរ​ឈ្មោះ​ថ្មី​ចំនួន ២៨ឈ្មោះ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល