ស្នងការ​នគរបាល​ចាត់​វិធានការ​ហាមឃាត់​មិន​ឲ្យ​នាំ​ផាវ​មក​លក់​ឱកាស​ចូល​ឆ្នាំ​ចិន

ស្នងការ​នគរបាល​រាជធានី​ភ្នំពេញ លោក​ឧត្តមសេនីយ៍ឯក ជួន សុវណ្ណ នៅ​ថ្ងៃ​ទី៣១ ខែ​មករា បាន​បញ្ជា​ឲ្យ​នគរបាល​រាជធានី​ភ្នំពេញ​ទាំង​អស់ ចាត់​វិធានការ​ជា​បន្ទាន់​ដើម្បី​ហាមឃាត់​មិន​ឲ្យ​នាំ​គ្រឿង​ផ្ទុះ​នានា​ដូច​ជា​ផាវ ជាដើម មក​ដាក់​លក់ និង​ប្រើប្រាស់​នៅ​ក្នុង​ឱកាស​បុណ្យ​ចូល​ឆ្នាំ​ចិន និង​វៀតណាម នៅ​ថ្ងៃ​ទី១០ ខែ​កុម្ភៈ ខាង​មុខ​នេះ។
ដោយ សុខ សេរី
2013-01-31
Share

លោក​ឧត្តមសេនីយ៍ឯក ជួន សុវណ្ណ បាន​មាន​ប្រសាសន៍​ទៅ​កាន់​មន្ត្រី​នគរបាល​រាជធានី​ភ្នំពេញ ក្នុង​កិច្ច​ប្រជុំ​នៅ​ថ្ងៃ​ទី៣១ ខែ​មករា ថា មន្ត្រី​នគរបាល​ទាំង​អស់​ត្រូវ​តែ​អនុវត្តន៍​សារាចរ​ណែនាំ​លេខ​០១ (សនណ) របស់​សាលា​ក្រុង​ភ្នំពេញ ចុះ​ថ្ងៃ​ទី១៧ ខែ​មករា កន្លង​មក​នេះ។

លោក ជួន សុវណ្ណ៖ «ត្រូវ​យក​ចិត្ត​ទុក​ដាក់​ទប់​ស្កាត់​មិន​ឲ្យ​ការ​ដុត​ផាវ កាំជ្រួច ឬ​ក៏​បង្ក​ស្នូរ​ផ្ទុះ​គ្រប់​ប្រភេទ​ក្នុង​ឱកាស​ថ្ងៃ​បុណ្យ (ចូល​ឆ្នាំ​ចិន និង​វៀតណាម)។ អីចឹង​ទេ ដើម្បី​ធ្វើ​កិច្ច​ការងារ​នេះ​ឲ្យ​បាន​ល្អ គឺ​ខាង​នាយកដ្ឋាន​កណ្ដាល​សន្តិសុខ​ប្រឆាំង​បទ​ល្មើស ការិយាល័យ​សេដ្ឋកិច្ច និង​អធិការ​ខណ្ឌ​ទាំង​៩ គឺ​ត្រូវ​ចាត់​វិធានការ​ឲ្យ​បាន​ម៉ឺងម៉ាត់ កុំ​ឲ្យ​មាន​ការ​នាំ​ចូល​ផាវ និង​គ្រឿង​ផ្ទុះ​គ្រប់​ប្រភេទ ហើយ​ត្រួត​ពិនិត្យ​ដក​ហូត​វត្ថុ​ទាំង​នេះ​តាំង​លក់​នៅ​ក្នុង​ទីផ្សារ»

ជាមួយ​គ្នា​នេះ លោក​ឧត្តមសេនីយ៍ឯក ជួន សុវណ្ណ សុំ​ឲ្យ​ប្រជាពលរដ្ឋ​នានា​នៅ​រាជធានី​ភ្នំពេញ រក្សា​ការ​ប្រុង​ប្រយ័ត្ន​ក្នុង​ការ​ដុត​ទាន​ធូប ដែល​អាច​បណ្ដាល​ឲ្យ​ឆេះ​ផ្ទះ​ក្នុង​ឱកាស​បុណ្យ​ចូល​ឆ្នាំ​ចិន និង​វៀតណាម នោះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)

មើល​មតិ​ទាំង​អស់.

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល