សមាជិកសភាអាស៊ាន៖ ការធ្វើវិសោធនកម្មច្បាប់បក្សនយោបាយជាការស្លាប់លទ្ធិប្រជាធិបតេយ្យ
2017.02.20
សមាជិកសភាគណបក្សប្រជាជនកម្ពុជា លើកដៃគាំអនុម័តសេចក្ដីស្នើវិសោធនកម្មច្បាប់ស្ដីពីគណបក្សនយោបាយ នៅក្នុងកិច្ចប្រជុំសភាវិសាមញ្ញ នៅព្រឹកថ្ងៃទី២០ ខែកុម្ភៈ ឆ្នាំ២០១៧។
Photo: RFA
សមាជិកសភាអាស៊ាន ចាត់ទុកការធ្វើវិសោធនកម្មច្បាប់ស្ដីពីគណបក្សនយោបាយ ដែលស្នើដោយតំណាងរាស្ត្របក្សកាន់អំណាច គឺជាការស្លាប់លទ្ធិប្រជាធិបតេយ្យនៅកម្ពុជា។
ក្នុងសេចក្ដីថ្លែងការណ៍របស់ខ្លួនពីទីក្រុងហ្សាកាតា (Jakarta) ប្រទេសឥណ្ឌូនេស៊ី (Indonesia) កាលពីថ្ងៃទី១៩ ខែកុម្ភៈ សមាជិកសភាអាស៊ានបានថ្កោលទោសចំពោះការខិតខំរបស់គណបក្សប្រជាជនកម្ពុជា ក្នុងការធ្វើច្បាប់យ៉ាងប្រញាប់ប្រញាល់ដែលមានបំណងសំដៅដល់គណបក្សប្រឆាំង។ សមាជិកសភាអាស៊ានអំពាវនាវដល់អង្គការអន្តរជាតិ និងតំបន់ ថ្កោលទោសចំពោះការកែប្រែច្បាប់របស់បក្សកាន់អំណាចនៅពេលនេះ។
ប្រធានអង្គការសមាជិកសភាអាស៊ានដើម្បីសិទ្ធិមនុស្ស និងជាសមាជិកសភាម៉ាឡេស៊ី (Malaysia) លោក ឆាល សេនទីអាហ្គោ (Charles Santiago) ថ្លែងនៅក្នុងសេចក្ដីថ្លែងការណ៍ថា ការអនុម័តសេចក្ដីស្នើវិសោធនកម្មច្បាប់របស់គណបក្សប្រជាជនកម្ពុជា ពេលនេះ នឹងបង្ហាញពីការស្លាប់នៃលទ្ធិប្រជាធិបតេយ្យនៅកម្ពុជា។
លោក ឆាល សេនទីអាហ្គោ ថ្លែងបន្តថា អ្វីដែលកំពុងកើតមានក្នុងប្រទេសកម្ពុជា បច្ចុប្បន្ន គឺជាសូចនាករដំបូងនៃការវាយប្រហារចំពោះលទ្ធិប្រជាធិបតេយ្យក្នុងតំបន់ទាំងមូល។
ចំណែកសមាជិកក្រុមប្រឹក្សាភិបាលនៃអង្គការសមាជិកសភាអាស៊ាន និងជាអតីតសមាជិកសភាហ្វីលីពីន លោក វ៉ាល់ឌែន ប៊ែឡូ (Walden Bello) បញ្ជាក់ក្នុងសេចក្ដីថ្លែងការណ៍នេះថា មាត្រាច្បាប់ដែលស្នើឡើងដោយគណបក្សប្រជាជនកម្ពុជានេះ ច្បាស់ណាស់មានការប្រកាន់បក្ខពួក និងមានបំណងសំដៅដោយផ្ទាល់ចំពោះបក្សប្រឆាំង។ លោកថា នេះជាផ្នែកមួយរបស់បក្សកាន់អំណាចក្នុងការកម្ទេចបក្សប្រឆាំងដោយមិនបានពិចារណាអំពីផលប៉ះពាល់អវិជ្ជមានចំពោះប្រព័ន្ធគ្រប់គ្រងតាមបែបប្រជាធិបតេយ្យជាស្នូលនោះឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- លោក ហ៊ុន ម៉ានី ស្នើឲ្យនាយករដ្ឋមន្ត្រី លោក ហ៊ុន ម៉ាណែត ដកប្រធានមន្ទីរបរិស្ថានចំនួន៤ ខេត្ត នៅជុំវិញតំបន់ព្រៃឡង់
- ប៉ូលិសថៃស៊ើបអង្កេតឃើញថា ករណីធ្វើឃាតលើលោក លិម គិមយ៉ា មានការរៀបចំជាប្រព័ន្ធ ដោយមានមេខ្លោងនៅកម្ពុជា
- ខ្មាន់កាំភ្លើងមិនទាន់ហ៊ានលាតត្រដាងមេខ្លោងនៅពីក្រោយ ព្រោះបារម្ភពីសុវត្ថិភាពគ្រួសារ
- ខ្មាន់កាំភ្លើងបង្ហាញអត្តសញ្ញាណអ្នកបញ្ជាឱ្យបាញ់សម្លាប់លោក លិម គិមយ៉ា ក្រោយពេលតុលាការចេញដីកាចាប់ខ្លួនលោក លី រតនរស្មី
- លោក ហេង សិទ្ធី ត្រូវបានចាប់ខ្លួនដល់រុស្សីក្រោយស្នើឱ្យលោក ហ៊ុន ម៉ាណែត ចុះចេញពីតំណែង
អត្ថបទពេញនិយម
នយោបាយ
- ភាពស្ងប់ស្ងាត់លើករណីឃាតកម្មលោក លិម គិមយ៉ា «បង្ហាញពីភាពគ្មានទំនួលខុសត្រូវរបស់រដ្ឋាភិបាល»
- កម្ពុជាបានប្រគល់ខ្លួនខ្មាន់កាំភ្លើងបាញ់សម្លាប់លោក លិម គិមយ៉ា ឱ្យភាគីថៃហើយ និងប្រកាសបទចោទភ្លាមៗ
- តុលាការថៃចេញដីកាចាប់ខ្លួនជនសង្ស័យជនជាតិខ្មែរគឺលោក លី រតនរស្មី ករណីឃាតកម្មលើលោក លិម គិមយ៉ា
- អាជ្ញាធរកម្ពុជានឹងបញ្ជូនខ្មាន់កាំភ្លើងប្រគល់ឱ្យសមត្ថកិច្ចថៃ នៅថ្ងៃទី១១ មករា
- អាជ្ញាធរត្រៀមបញ្ជូនអតីតឧកញ៉ា ហេង សិទ្ធី មកកម្ពុជា ក្រោយចាប់ខ្លួនបាននៅរុស្ស៊ី