"លោក ហ៊ុន សែន ប្រើ​ល្បិច​បំបែក​បក្ស​ប្រឆាំង ទើប​ផ្ដល់​សិទ្ធិ​នយោបាយ​ដល់​មន្ត្រី​បក្ស​នេះ"

ដោយ មួង ណារ៉េត
2019-03-09
អ៊ីម៉ែល
មតិ
Share
បោះពុម្ព
នាយក​ប្រតិបត្តិ​ទទួល​បន្ទុក​កិច្ចការ​តំបន់​អាស៊ី​របស់​អង្គការ​ឃ្លាំ​មើល​សិទ្ធិ​មនុស្ស​អន្តរជាតិ យូមែន រ៉ៃត៍ វ៉ច្ឆ (Human Rights Watch) លោក ប្រ៊ែដ អាដាម (Brad Adams) និង​លោក​នាយក​រដ្ឋមន្ត្រី ហ៊ុន សែន (ស្ដាំ)។
នាយក​ប្រតិបត្តិ​ទទួល​បន្ទុក​កិច្ចការ​តំបន់​អាស៊ី​របស់​អង្គការ​ឃ្លាំ​មើល​សិទ្ធិ​មនុស្ស​អន្តរជាតិ យូមែន រ៉ៃត៍ វ៉ច្ឆ (Human Rights Watch) លោក ប្រ៊ែដ អាដាម (Brad Adams) និង​លោក​នាយក​រដ្ឋមន្ត្រី ហ៊ុន សែន (ស្ដាំ)។
Photo: RFA

នាយក​ប្រតិបត្តិ​ទទួលបន្ទុក​ផ្នែក​សិទ្ធិមនុស្ស​ប្រចាំ​តំបន់​អាស៊ី នៃ​អង្គការ​ឃ្លាំមើល​សិទ្ធិមនុស្ស​អន្តរជាតិ យូមែន រ៉ៃត៍ វ៉ច្ឆ (Human Rights Watch) លោក ប្រ៊ែដ អាដាម (Brad Adams) ចាត់​ទុក​ល្បិច​នយោបាយ​របស់​លោក ហ៊ុន សែន ដែល​ខំ​កែ​ច្បាប់​គណបក្ស​នយោបាយ ដើម្បី​ជា​លេស​ថា​ផ្ដល់​សម្បទា​ឱ្យ​មន្ត្រី​បក្ស​ប្រឆាំង​នោះ ថា​ជា​រឿង​គួរ​ឱ្យ​អស់សំណើច និង​មាន​ចេតនា​គ្រាន់តែ​ដើម្បី​បំបែក​បំបាក់ មន្ត្រី​បក្ស​ប្រឆាំង​នេះ​តែប៉ុណ្ណោះ។

លោក Brad Adams ថ្លែងប្រាប់​អាស៊ីសេរី កាលពី​ថ្ងៃ​ទី៨ ខែ​មីនា ថា នរណា​ក៏​ដឹង​ដែរ​ថា អ្នក​ធ្វើ​ច្បាប់​រម្លាយ​គណ​បក្ស​សង្គ្រោះជាតិ និង​ហាមឃាត់​សិទ្ធិ​នយោបាយ​មន្ត្រី​ទាំង ១១៨​រូប ក៏​លោក ហ៊ុន សែន អ្នក​ធ្វើ។ ដូច្នេះ​លោក​ថា មានរឿង​អី​ដែល​មន្ត្រី​បក្ស​ប្រឆាំង ត្រូវ​សុំ​សិទ្ធិ​ធ្វើ​នយោបាយ​ពី​លោក ហ៊ុន សែន។

លោក​បន្ត​ថា លោក ហ៊ុន សែន ទៅវិញ​ទេ ដែល​ជា​អ្នកបង្កើត​បញ្ហា​ទាំងអស់​នេះ​ឡើង ដូច្នេះ​លោក ហ៊ុន សែន ត្រូវតែ​ផ្ដល់​សិទ្ធិ​នយោបាយ​នេះ​មក​ឱ្យ​មន្ត្រី​ទាំងនោះ​វិញ ដោយ​គ្មាន​លក្ខខណ្ឌ​អ្វី​ទាំងអស់។

ទោះជា​យ៉ាង​នេះ​ក្តី លោក​បញ្ជាក់​ថា លោក ហ៊ុន សែន កំពុងតែ​ចាញ់​ល្បែង​នយោបាយ​នេះ ដោយ​ខ្លួនឯង ព្រោះ​រហូត​មក​ដល់​ពេល​នេះ មាន​មន្ត្រី​គណបក្ស​សង្គ្រោះជាតិ តែ​បី​រូប​ប៉ុណ្ណោះ ដែល​សុំ​សិទ្ធិ​ធ្វើ​នយោបាយ​នេះ។ លោក Brad Adams កោតសរសើរ​អំពី​គុណ​តម្លៃ​របស់​មន្ត្រី​បក្ស​ប្រឆាំង​ឯទៀត ដែល​ក្លាហាន និង​អត់ធ្មត់ មិន​លុះ​តាម​ល្បិច​នយោបាយ​របស់​លោក ហ៊ុន សែន៖ «បំណង​ធំ​របស់​លោក ហ៊ុន សែន គឺ​បំបែកបំបាក់​គណបក្សប្រឆាំង​។ លោក ហ៊ុន សែន ប្រហែល​យល់ថា ខ្លួនឯង​ឆ្លាត​វៃ​ក្នុង​រឿង​នេះ។ គាត់​ចាប់​លោក កឹម សុខា ដាក់គុក​។ គាត់​ព្យាយាម​បំបែកបំបាក់​ក្រុម​អ្នកគាំទ្រ​បក្ស​ប្រឆាំង ដែល​និយម​លោក កឹម សុខា និង ក្រុម​អ្នក​និយម​លោក សម រង្ស៊ី។ គាត់​ដាក់​សម្ពាធ ឱ្យ​ក្រុម​លោក កឹម សុខា ធ្វើ​សម្បទាន​ដើម្បី​ឱ្យ​បាន​ដោះលែង​លោក កឹម សុខា។ គាត់​បញ្ចុះបញ្ចូល​ក្រុម​លោក កឹម សុខា ឱ្យ​ដាក់​ពាក្យសុំ​សិទ្ធិ​ធ្វើ​នយោបាយ​វិញ​។ បន្ទាប់​មក​ទៀត គាត់​នឹង​បំបែក​ឱ្យ​គណបក្ស​សង្គ្រោះ​ជាតិ នៅ​ជា​កូន​បក្ស​តូច​មួយ ក្រោម​ការដឹកនាំ​របស់​លោក កឹម សុខា និង ស្រប​ពេល​លោក សម រង្ស៊ី មិន​នៅ​ក្នុង​ប្រទេស។ ប៉ុន្តែ អ្វី​ដែល​គួរ​ឱ្យ​ភ្ញាក់ផ្អើល គឺ​យូរ​ណាស់​ហើយ មាន​មនុស្ស​តែ​បី​នាក់​ប៉ុណ្ណោះ ក្នុងចំណោម ១១៨ នាក់ ដែល​ចាញ់ល្បិច​នយោបាយ​របស់​លោក ហ៊ុន សែន។ ចំនួន​មន្ត្រី​បក្ស​ប្រឆាំង​ដ៏​ច្រើន​លើសលន់ មិន​ចុះចូល​បែបនេះ គឺជា​រឿង​មួយ​អស្ចារ្យ​ណាស់ ព្រោះ​អី​លោក ហ៊ុន សែន ខំប្រឹង​ដាក់​សម្ពាធ​ខ្លាំង​ប៉ុនណា ក៏​អ្នក​ទាំងនោះ នៅតែ​រឹងមាំ។ នេះ​ជា​សញ្ញា​បញ្ជាក់​ថា លោក ហ៊ុន សែន កំពុងតែ​បរាជ័យ​ហើយ»

ទោះបីជា​លោក ហ៊ុន សែន អាច​ស្មានថា ការ​ផ្តល់​សិទ្ធិ​នយោបាយ​ឱ្យ​មន្ត្រី​បក្សប្រឆាំង​ទាំងនេះ​ឡើងវិញ ប្រហែល​លួង​ចិត្ត​សហគមន៍​អន្តរជាតិ​បាន​ក្តី ក៏​លោក ប្រែដ អាដាម ថា​លោក ហ៊ុន សែន យល់​ខុស​ធំ​ណាស់ ព្រោះ​សហភាព​អឺរ៉ុប​ជាពិសេស មិន​ចាញ់​ការ​បញ្ឆោត​របស់​លោក ហ៊ុន សែន នោះ​ទេ។ អ្វី​ដែល​សហគមន៍​អន្តរជាតិ​ចង់បាន គឺ​ការ​ស្តារ​សិទ្ធិមនុស្ស និង​ប្រជាធិបតេយ្យ​ឡើងវិញ ដែល​មាន​គណបក្សប្រឆាំង​ចូលរួម ក្នុង​ការ​បោះឆ្នោត​មួយ ដែល​សេរី ត្រឹមត្រូវ និង យុត្តិធម៌៖ «សហភាព​អឺរ៉ុប​នឹង​មិន​ចាញ់​បញ្ឆោត​ដ៏​លីលា​របស់​លោក ហ៊ុន សែន ដូច្នេះ​នោះ​ទេ។ ពួកគេ​នឹង​មិន​ចាញ់បោក​លោក ហ៊ុន សែន ដែល​ប្រើ​ល្បិច ដោយ​យក​ច្បាប់ និង​តុលាការ​បែប​ឡប់ឡែ មក​ធ្វើជា​ឧបករណ៍​ដាក់​សម្ពាធ មន្ត្រី​បក្ស​ប្រឆាំង​ឱ្យ​សុំ​សិទ្ធិ​ធ្វើ​នយោបាយ​វិញ​នោះ​ទេ​។ អ្វី​ដែល​សហភាព​អឺរ៉ុប​ចង់បាន គឺ​ភាព​ពហុ​និយម​ពិតប្រាកដ គឺ​គោលការណ៍​ប្រជាធិបតេយ្យ​សេរី​ពហុបក្ស​ពិតប្រាកដ​។ អ្វី​ដែល​ជា​គោលការណ៍​ប្រជាធិបតេយ្យ​ពិតប្រាកដ គឺ​ភាព​មាន​សេរីភាព​ពេញលេញ និង ពិតប្រាកដ ដើម្បី​បេក្ខជន​គណបក្ស​នយោបាយ និង​ពលរដ្ឋ​ខ្មែរ​ទៅ​ទៅ អាច​ចូលរួម ក្នុង​ជីវភាព​នយោបាយ ដោយ​មិន​ភ័យខ្លាច​ការ​ធ្វើ​បាប គំរាមកំហែង និង អំពើ​ហិង្សា ទៅលើ​អ្នក​ទាំងនោះ​។ បើ​ចំណុច​ទាំងអស់​នេះ នៅតែ​លោក ហ៊ុន សែន ស្ដារ​មិន​បានទេ គឺ​កុំ​សង្ឃឹមថា សហភាព​អឺរ៉ុប នឹង​បន្ធូរបន្ថយ​ឱ្យ​លោក ហ៊ុន សែន ឱ្យ​សោះ»

លោក Brad Adams មាន​សុទិដ្ឋិនិយម​ថា លោក ហ៊ុន សែន ចៀស​មិន​ផុត​ពី​ដោះលែង​លោក កឹម សុខា ឱ្យ​មាន​សេរីភាព​ឡើងវិញ ឆាប់ៗ ព្រោះ​សម្ពាធ​អន្តរជាតិ​កាន់តែ​ខ្លាំង​ណាស់​ហើយ​។ ម្យ៉ាងទៀត បើ​លោក ហ៊ុន សែន មិន​ដោះលែង​លោក កឹម សុខា ឆាប់ៗ និង​ស្តារ​សិទ្ធិមនុស្ស និង ប្រជាធិបតេយ្យ​ឡើងវិញ​ទេ លោក​ថា កម្ពុជា​ចៀស​មិន​ផុត ពី​ការ​ព្យួរ​ការ​អនុគ្រោះ​ពន្ធ EBA របស់​សហភាព​អឺរ៉ុប និង​អាច GSP របស់​អាមេរិក ជាក់​ជាមិនខាន៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

evil Hun Sen is panicing with closer deadly waterfall now and God coursing him to hell soon

We don't know how any pple or any leaders who made a deal with this jackass dictator Hun Sen who gotten drug addiction...alcoholist...drunkard...ruthless behavior...jungle man...outlaw man...communist fascist dictator...bogeyman...psychopath....scoundrel...unofficial pm...unofficial election....unofficial govm't...outlaw govm't....mafia govm't...money laundering....counterfeit....supported terrorist financial...criminal boss...robbed pple land...robbed every elections...coups bloodshed...lies,liars,cheater,conman,rapist...sexual predator...criminal conspiracy...war crime against humanity...worst corruption country...low profile dictator...thuggish radical...bloodsucker...poison of power,and etc.Tmil Hun Sen fears his own bad karma will send him RIP in day ahead.So,we want to tell to the whole world that evil dictator HUN SEN is very very dangerous man on the planet,because he was a cruel dictator to keep him in power as long as whatever.This horrible dictator that all we have ever never know before"crooks,thieves,lies,liars,cheater with all above.Please be aware of contact with this horrible man who would be course u for life"don't waste your money,your time or your energy for nothing"this monster can plays or bully u around and leave this 8 heads redevil far away from u.

Mar 10, 2019 02:41 PM

គេហទំព័រ​ទាំងមូល