គណបក្ស​សង្គ្រោះ​ជាតិ​ប្រចាំ​ទីក្រុង​ឡុងប៊ិច​គ្រោង​ធ្វើ​បាតុកម្ម​​ប្រឆាំង​ថ្ងៃ​៧ មករា

ដោយ ម៉ៅ សុធានី
2017-12-30
អ៊ីម៉ែល
មតិ
Share
បោះពុម្ព
គណបក្ស​ប្រជាជន​កម្ពុជា រំឮក​​ខួប ៧ មករា លើក​ទី​៣៧ នៅ​ថ្ងៃ​ទី​៧ ខែ​មករា ឆ្នាំ​២០១៦។
គណបក្ស​ប្រជាជន​កម្ពុជា រំឮក​​ខួប ៧ មករា លើក​ទី​៣៧ នៅ​ថ្ងៃ​ទី​៧ ខែ​មករា ឆ្នាំ​២០១៦។
Photo: RFA

គណបក្ស​សង្គ្រោះ​ជាតិ ប្រចាំ​ទីក្រុង​ឡុងប៊ិច រដ្ឋ​កាលីហ្វ័រញ៉ា សហរដ្ឋអាមេរិក គ្រោង​ធ្វើ​បាតុកម្ម​អហិង្សា​ដ៏​ធំ​មួយ​ប្រឆាំង​ថ្ងៃ​៧ មករា នៅ​សប្ដាហ៍​ក្រោយ។

ប្រធាន​គណបក្ស​សង្គ្រោះ​ជាតិ ប្រចាំ​ទីក្រុង​ឡុងប៊ិច លោក ចាន់ វាសនា បាន​ចេញ​លិខិត​ជូន​ដំណឹង​និង​អំពាវនាវ​ឲ្យ​ពលរដ្ឋ​ខ្មែរ​ចូល​រួម​ក្នុង​ធ្វើ​មហា​បាតុកម្ម​អហិង្សា​នោះ។ លោក​បញ្ជាក់​ក្នុង​លិខិត​ថា គោល​បំណង​មហា​បាតុកម្ម​នោះ គឺ​មិន​ទទួល​ស្គាល់​ថ្ងៃ ៧ មករា ដោយ​ចាត់​ទុក​ថា ជា​ថ្ងៃ​ដែល​បរទេស​ឈ្លានពាន​មក​លើ​ទឹកដី​កម្ពុជា។

មហា​បាតុកម្ម​អហិង្សា​នោះ គេ​គ្រោង​ធ្វើ​នៅ​អគារ​អាណាហែម (1321 E Anaheim) នៅ​ថ្ងៃ​សៅរ៍ ទី​៦ ខែ​មករា ឆ្នាំ​២០១៨ ខាង​មុខ។ ថ្មីៗ​ព័ត៌មាន​បណ្ដាញ​សង្គម​ឲ្យ​ដឹង​ថា អគារ​ទីស្នាក់ការ​គណបក្ស​ប្រជាជន​កម្ពុជា ទីក្រុង​ឡុងប៊ិច ត្រូវ​បាន​ដក​ស្លាក​សញ្ញា និង​ទង់​គណបក្ស​ប្រជាជន​កម្ពុជា ចេញ​ដោយ​មិន​ដឹង​មូលហេតុ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

មុំ

ពី USA

ល្អកុំអោយពួកកម្មុយនីស្តមកចម្លងអាមេរិក

Dec 30, 2017 08:39 PM

គេហទំព័រ​ទាំងមូល