រដ្ឋលេខាធិការក្រសួងការបរទេសមួយរូបត្រូវតែងតាំងជាទូតប្រចាំប្រទេសថៃ
2016.12.30
រដ្ឋលេខាធិការក្រសួងការបរទេស លោក ឡុង វិសាលោ (ឆ្វេង) និងមន្ត្រីអ្នកនាំពាក្យក្រសួងមហាផ្ទៃ លោក ខៀវ សុភ័គ ថ្លែងក្នុងសន្និសីទកាសែតជុំវិញការទទួលជនភៀសខ្លួនពីអូស្ត្រាលី មកនៅកម្ពុជា នៅថ្ងៃទី២៩ កញ្ញា ២០១៤។
រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ លោក ឡុង វិសាលោ ត្រូវតែងតាំងជាឯកអគ្គរាជទូតប្រចាំប្រទេសថៃ។ នេះបើយោងតាមព្រះរាជក្រឹត្យរបស់ព្រះមហាក្សត្រ ចុះកាលពីថ្ងៃទី២៧ ធ្នូ ឆ្នាំ២០១៦។
លោក ឡុង វិសាលោ មានអាយុ៧០ឆ្នាំ គឺជាមន្ត្រីជាន់ខ្ពស់មួយរូប ដែលបម្រើការងារក្នុងក្រសួងនេះ អស់រយៈពេលប្រមាណជា២០ឆ្នាំមកហើយ។ កាលពីសម័យរដ្ឋកម្ពុជា លោកធ្លាប់ធ្វើជាឯកអគ្គរាជទូតខ្មែរប្រចាំប្រទេសគុយបា។ នៅឆ្នាំ១៩៨៧ លោកត្រូវបានតែងតាំងជាអនុរដ្ឋមន្ត្រីក្រសួងការបរទេស រហូតដល់ឆ្នាំ១៩៩៣។ លុះដល់ឆ្នាំ១៩៩៨ លោកក៏ត្រូវបានតែងតាំងជារដ្ឋលេខាធិការក្រសួងការបរទេសនេះសាជាថ្មី រហូតមកដល់បច្ចុប្បន្ន មុននឹងត្រូវតែងតាំងជាទូតប្រចាំប្រទេសថៃនៅចុងឆ្នាំនេះ។
អាស៊ីសេរីមិនអាចសុំបំភ្លឺពីអ្នកនាំពាក្យក្រសួងការបរទេស លោក ជុំ សុន្ទរី បានទេនៅថ្ងៃទី៣០ ខែ ធ្នូ ជុំវិញមូលហេតុនៃការតែងតាំងនេះ ឬថាតើលោក ឡុង វិសាលោ នឹងត្រូវអស់តួនាទីពីរដ្ឋលេខាធិការក្រសួងយ៉ាងណា?
ប៉ុន្តែកូនប្រុសមួយរូបរបស់លោក ឡុង វិសាលោ ដែលកំពុងបំពេញការងារ ជាឯកអគ្គរាជទូតខ្មែរប្រចាំប្រទេសកូរ៉េខាងត្បូង គឺលោក ឡុង ឌីម៉ង់ ឲ្យអាស៊ីសេរីដឹងថា បើមានព្រះរាជក្រឹត្យតែងតាំងជាឯកអគ្គរាជទូតនោះ តួនាទីរដ្ឋលេខាធិការក្រសួងការបរទេសរបស់ឪពុកលោក គឺលែងមានទៀតហើយ។
ឯកអគ្គរាជទូតខ្មែរប្រចាំប្រទេសកូរ៉េខាងត្បូង និងជាអតីតអ្នកនាំពាក្យសាលារាជធានីភ្នំពេញរូបនេះ បានសរសេរក្នុងហ្វេសប៊ុក (Facebook) របស់លោកថា ស្ទើរមួយជីវិតរបស់ឪពុកលោក បានលះបង់សេចក្ដីសុខដើម្បីជាតិ ប្រជាជន និងលើកកិត្តិយសគ្រួសារខ្លួនឲ្យថ្លៃថ្នូរក្នុងសង្គម ព្រមទាំងបណ្ដុះបណ្ដាលកូនៗឲ្យចេះតស៊ូ ប្រឹងប្រែង អត់ធ្មត់ដើម្បីជោគជ័យទាំងក្នុងជីវិត និងការងារបម្រើជាតិនិងពលរដ្ឋខ្មែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- លោក ឃួង ស្រេង ពីមន្ត្រីខណ្ឌតូចតាចទៅជាអភិបាលក្រុងភ្នំពេញដោយសារស្នាដៃបម្រើគ្រួសារត្រកូលហ៊ុន
- លោក ហ៊ុន ម៉ានី ស្នើឲ្យនាយករដ្ឋមន្ត្រី លោក ហ៊ុន ម៉ាណែត ដកប្រធានមន្ទីរបរិស្ថានចំនួន៤ ខេត្ត នៅជុំវិញតំបន់ព្រៃឡង់
- លោក ហេង សិទ្ធី ត្រូវបានចាប់ខ្លួនដល់រុស្សីក្រោយស្នើឱ្យលោក ហ៊ុន ម៉ាណែត ចុះចេញពីតំណែង
- ខ្មាន់កាំភ្លើងបង្ហាញអត្តសញ្ញាណអ្នកបញ្ជាឱ្យបាញ់សម្លាប់លោក លិម គិមយ៉ា ក្រោយពេលតុលាការចេញដីកាចាប់ខ្លួនលោក លី រតនរស្មី
- មន្ត្រីបក្សកាន់អំណាចព្យាយាមលាងជម្រះលោក ហ៊ុន សែន ពាក់ព័ន្ធឃាតកម្មលើលោក លិម គិមយ៉ា
អត្ថបទពេញនិយម
នយោបាយ
- លោក សម រង្ស៊ី អំពាវនាវឱ្យកងកម្លាំងប្រដាប់អាវុធ និងអ្នកនយោបាយរួមគ្នាផ្លាស់ប្ដូររបបត្រកូល ហ៊ុន
- តុលាការថៃចេញដីកាចាប់ខ្លួនជនសង្ស័យជនជាតិខ្មែរគឺលោក លី រតនរស្មី ករណីឃាតកម្មលើលោក លិម គិមយ៉ា
- តុលាការបារាំង បានសាកសួរភរិយាលោក លិម គិមយ៉ា អំពីករណីឃាតកម្មលើលោក លិម គិមយ៉ា
- ភាពស្ងប់ស្ងាត់លើករណីឃាតកម្មលោក លិម គិមយ៉ា «បង្ហាញពីភាពគ្មានទំនួលខុសត្រូវរបស់រដ្ឋាភិបាល»
- អាជ្ញាធរត្រៀមបញ្ជូនអតីតឧកញ៉ា ហេង សិទ្ធី មកកម្ពុជា ក្រោយចាប់ខ្លួនបាននៅរុស្ស៊ី