កម្ពុជានិងវៀតណាមគ្រោងជួបពិភាក្សារឿងសហប្រតិបត្តិការនៅតាមព្រំដែន
2023.04.21
លោកនាយករដ្ឋមន្ត្រី ហ៊ុន សែន កាលពីថ្ងៃទី២៩ មករា ២០២៣។
រូប៖ ហ្វេសប៊ុកលោក ហ៊ុន សែន
រដ្ឋាភិបាលកម្ពុជានិងវៀតណាម ប្ដេជ្ញាបង្កើនកិច្ចសហប្រតិបត្តិការផ្នែកសន្តិសុខ និងសុវត្ថិភាព នៅតាមព្រំដែន នៃប្រទេសទាំងពីរ ក្នុងកិច្ចប្រជុំសហប្រតិបត្តិការព្រំដែនលើកទី១២ នៅទីក្រុងហាណូយ នៅចុងឆ្នាំ២០២៣ខាងមុខ។
កាសែតភ្នំពេញប៉ុស្តិ៍ចុះផ្សាយកាលពីថ្ងៃទី២០ ខែមេសា ឲ្យដឹងថា ជំនួបទ្វេភាគីរវាងកម្ពុជាវៀតណាមលើកនេះ ក៏នឹងជជែកពីបញ្ហាសេដ្ឋកិច្ច ពាណិជ្ជកម្ម ការវិនិយោគ បញ្ហាសន្តិសុខ សណ្ដាប់ធ្នាប់ និងប៉ុស្តិ៍ឆែកឆេរ នៅតាមព្រំដែន។ បន្ថែមពីនេះ ភាគីនៃប្រទេសទាំងពីរ ក៏នឹងពិភាក្សាអំពីបញ្ហារត់ពន្ធទំនិញខុសច្បាប់ និងទំនិញខូចគុណភាព រួមមានសាច់ ត្រី បន្លែនិងផ្លែឈើ ជាដើម។
ចាប់តាំងពីឆ្នាំ២០០៤មក ជំនួបទ្វេភាគីរវាងកម្ពុជាវៀតណាម បានធ្វើជាប្រចាំដោយបានប្តូរវេនគ្នា។ រៀបចំកិច្ចប្រជុំនេះ លើកលែងតែក្នុងអំឡុងការរីករាលដាលកូវីដ១៩ ដែលជួបជជែកគ្នាតាមរយៈប្រព័ន្ធវីដេអូ។
ក្នុងជំនួបកាលពីខែវិច្ឆិកា ឆ្នាំ២០២២ កន្លងទៅនេះ លោកនាយករដ្ឋមន្ត្រីហ៊ុន សែន និងនាយករដ្ឋមន្ត្រីវៀតណាម លោក ផាម មីន ជីន (Pham Minh Chinh) ប្ដេជ្ញាពង្រឹងទំនាក់ទំនងខ្លាំងថែមទៀត និងពង្រីកសហប្រតិបត្តិការលើវិស័យមួយចំនួន រួមមានពាណិជ្ជកម្មឆ្លងដែន និងពង្រឹងទំនាក់ទំនងសេដ្ឋកិច្ចរវាងខេត្តនៅជាប់ព្រំដែននៃប្រទេសទាំងពីរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- អ្នករិះគន់ថា លោក ហ៊ុន ម៉ាណែត គួរឆក់ឱកាសស្ដារប្រជាធិបតេយ្យ និងសិទ្ធិមនុស្សតាមសំណើរបស់ប្រមុខការទូតអូស្ត្រាលី
- ក្រុមយុវជនជំរុញឱ្យលុបបំបាត់អំពើពុករលួយ និងពង្រឹងសន្តិសុខដើម្បីទាក់ទាញភ្ញៀវទេសចរ
- កម្ពុជាគួរបង្ហាញតម្លាភាពនៅកំពង់ផែរាមជាជាងប្រកាសប្រាប់អន្តរជាតិថា កម្ពុជាគ្មានវត្តមានមូលដ្ឋានយោធាបរទេស
- សម្ភាសមន្ត្រីជាន់ខ្ពស់បក្សសង្រ្គោះជាតិជុំវិញបាតុកម្មប្រឆាំងលោក ហ៊ុន ម៉ាណែត នៅអាមេរិក
- លោក ហ៊ុន ម៉ាណែត អះអាងប្រាប់អគ្គលេខាធិការអ.ស.ប ពីសុឆន្ទៈកែលម្អស្ថានភាពសិទ្ធិមនុស្ស
អត្ថបទពេញនិយម
នយោបាយ
- អ្នកវិភាគថា គណបក្សភ្លើងទៀនអាចពិបាករកដៃគូនយោបាយ
- អ្នកវិភាគថា អាមេរិកផ្ដល់ជំនួយឲ្យកម្ពុជាឡើងវិញ ដើម្បីទប់ទល់នឹងឥទ្ធិពលចិន
- ពលរដ្ឋរងភាពអយុត្តិធម៌ក្នុងសង្គម គ្មានជំនឿលើរដ្ឋាភិបាលថ្មីថា នឹងគោរពរដ្ឋធម្មនុញ្ញ
- ទោះបីមានវីដេអូជាភស្តុតាង ក៏កម្លាំងសមត្ថកិច្ចនៅតែមិនទាន់អាចវែកមុខជនដៃដល់ ដែលវាយអ្នកជំនាញកសិកម្ម លោក នីណាក់
- ក្រុមប្រឹក្សាឃុំបក្សភ្លើងទៀនបារម្ភពីសុវត្ថិភាពដោយសារការធ្វើទុក្ខបុកម្នេញផ្នែកនយោបាយ