អ្នក​វិភាគ៖ កម្ពុជា​មិន​មែន​ជា​ប្រទេស​របស់​បក្ស​កាន់​អំណាច​ផ្ដាច់មុខ

ដោយ ទីន ហ្សាការីយ៉ា
2018-02-28
អ៊ីម៉ែល
មតិ
Share
បោះពុម្ព
អ្នក​ឃ្លាំមើល​ផ្នែក​អភិវឌ្ឍន៍​សង្គម លោក​បណ្ឌិត មាស នី ក្នុង​វេទិកា​អ្នក​ស្ដាប់​វិទ្យុ​អាស៊ីសេរី កាល​ពី​យប់​ថ្ងៃ​ទី​៣១ ខែ​មីនា ឆ្នាំ​២០១៧។ RFA
អ្នក​ឃ្លាំមើល​ផ្នែក​អភិវឌ្ឍន៍​សង្គម លោក​បណ្ឌិត មាស នី ក្នុង​វេទិកា​អ្នក​ស្ដាប់​វិទ្យុ​អាស៊ីសេរី កាល​ពី​យប់​ថ្ងៃ​ទី​៣១ ខែ​មីនា ឆ្នាំ​២០១៧។ RFA
Photo: RFA

គណបក្ស​ប្រជាជន​កម្ពុជា បដិសេធ​នឹង​សំណើ​របស់​គណបក្ស​សង្គ្រោះ​ជាតិ ដែល​ផ្ដួចផ្ដើម​ឲ្យ​មាន​កិច្ច​សន្ទនា​ថ្នាក់​ជាតិ​ដើម្បី​ដោះស្រាយ​វិបត្តិ​នយោបាយ​បច្ចុប្បន្ន និង​បញ្ចៀស​កុំ​ឲ្យ​មាន​ទណ្ឌកម្ម​អន្តរជាតិ​មក​លើ​ប្រទេស​កម្ពុជា។ គណបក្ស​ប្រឆាំង​ថា ការ​បដិសេធ​របស់​លោក ហ៊ុន សែន នៅ​ពេល​នេះ ជា​រឿង​ធម្មតា​ទេ ព្រោះ​របប​លោក ហ៊ុន សែន មិន​ទាន់​រង​សម្ពាធ​ខ្លាំង​ពី​អន្តរជាតិ​នៅ​ឡើយ បើ​អន្តរជាតិ​ដាក់​សម្ពាធ​ខ្លាំង​ជាង​នេះ​នឹង​ធ្វើ​ឲ្យ​បក្ស​កាន់​អំណាច​ងាក​រក​ការ​ចរចា​រវាង​ខ្មែរ​នឹង​ខ្មែរ​ជាក់​ជា​មិនខាន។

គណបក្ស​កាន់​អំណាច​នៅ​តែ​អះអាង​ថា វប្បធម៌​សន្ទនា​ដើម្បី​ដោះស្រាយ​បញ្ហា​ជាតិ​ត្រូវ​គណបក្ស​ប្រឆាំង​បំផ្លាញ​ចោល​អស់​ហើយ ដូច្នេះ​ការ​ជជែក​ដែល​គណបក្ស​សង្គ្រោះ​ជាតិ លើក​ឡើង​នៅ​ពេល​នេះ​មិន​អាច​កើត​មាន​ជា​ដាច់​ខាត។

​អ្នកនាំពាក្យ​គណបក្ស​ប្រជាជន​កម្ពុជា លោក សុខ ឥសាន បាន​សរសេរ​នៅ​លើ​ប្រព័ន្ធ​តេឡេក្រាម (Telegram) របស់​លោក​ថា ការ​ចរចា​មិន​អាច​ធ្វើ​ទៅ​រួច​ទេ ដោយ​លោក​ប្រៀបធៀប​គណបក្ស​សង្គ្រោះ​ជាតិ ដូចជា​ខ្មោច​ដែល​ងាប់​ហើយ​មិន​អាច​រស់​ឡើ​វិញ​បាន​ទេ។ អ្នកនាំពាក្យ​កាន់​អំណាច​រូប​នេះ​ដែល​តែង​តែង​ហៅ​គណបក្ស​សង្គ្រោះ​ជាតិ​ថា ក្រុម​ឧទ្ទាម​នោះ​បន្ត​ទៀត​ថា ការ​ចង់​ឲ្យ​មាន​របស់​ជជែក​ដែល​​ហៅ​ថា ​កិច្ច​សន្ទនា​ថ្នាក់​ជាតិ​នោះ វា​គ្រាន់តែ​បង្ហាញ​ឲ្យ​ឃើញ​ថា ទណ្ឌិត និង​ពពួក​ឧទ្ទាម​ក្រៅ​ច្បាប់​ដើរ​ដល់​ទី​បញ្ចប់​ហើយ។

​លោក សុខ ឥសា លើក​ឡើង​បែប​នេះ ក្រោយ​ពេល​គណបក្ស​សង្គ្រោះ​ជាតិ ចេញ​សេចក្ដី​ថ្លែងការណ៍​មួយ​​ផ្សាយ​ថ្ងៃ​ទី​២៧ ខែ​កុម្ភៈ ដោយ​លើក​ឡើង​ថា  គណបក្ស​ប្រឆាំង​ត្រៀម​ខ្លួន​រួច​ជា​ស្រេច​ហើយ​ដើម្បី​បើក​ផ្លូវ​ឲ្យ​មាន​ដំណើរការ​កិច្ច​សន្ទនា​ថ្នាក់​ជាតិ​មួយ​ជាមួយ​នឹង​របប​លោក ហ៊ុន សែ ដើម្បី​ស្តារ​ឡើង​វិញ​នូវ​ប្រជាធិបតេយ្យ​ពិត​ប្រាកដ​នៅ​កម្ពុជា ដែល​អនុញ្ញាត​ឲ្យ​មាន​ការ​បោះឆ្នោត​ដោយ​សេរី និង​ត្រឹមត្រូវ និង​មាន​តំណាង​ពហុបក្ស។ គណបក្ស​សង្គ្រោះ​ជាតិ ស្នើ​ឲ្យ​អង្គការ​សហប្រជាជាតិ សហភាព​អឺរ៉ុប រដ្ឋ​សមាជិក និង​ប្រទេស​ហត្ថលេខី​កិច្ច​ព្រមព្រៀង​សន្តិភាព​ទីក្រុង​ប៉ារីស ដទៃ​ទៀត ចូលរួម​ធ្វើ​ជា​សាក្សី និង​ជា​ផ្នែក​មួយ​នៃ​កិច្ច​សន្ទនា​ថ្នាក់​ជាតិ​នោះ ប្រសិនបើ​របប​លោក ហ៊ុន សែន យល់​ព្រម​បើក​ឲ្យ​មាន​កិច្ច​សន្ទនា​នេះ។

អ្នកនាំពាក្យ​គណបក្ស​ប្រជាជន​កម្ពុជា លោក សុខ ឥសាន ថ្លែង​ទៅ​កាន់​​ក្រុម​អ្នក​សារព័ត៌មាន ​នៅខាង​មុខ​​សាលាដំបូង​រាជធានី​ភ្នំពេញ កាល​​ពី​​ថ្ងៃ​ទី​៦ ខែ​ឧសភា ឆ្នាំ​២០១៦។
អ្នកនាំពាក្យ​គណបក្ស​ប្រជាជន​កម្ពុជា លោក សុខ ឥសាន ថ្លែង​ទៅ​កាន់​​ក្រុម​អ្នក​សារព័ត៌មាន ​នៅខាង​មុខ​​សាលាដំបូង​រាជធានី​ភ្នំពេញ កាល​​ពី​​ថ្ងៃ​ទី​៦ ខែ​ឧសភា ឆ្នាំ​២០១៦។ Photo: RFA

​អ្នកឃ្លាំមើល​ផ្នែក​អភិវឌ្ឍន៍​សង្គម បណ្ឌិត មាស នី មាន​ប្រសាសន៍​ថា គណបក្ស​ទាំង​ពីរ​កំពុង​ប្រទាញប្រទង់​គ្នា​ដើម្បី​ការពារ​ពី​ការ​រិះគន់​ពី​ប្រជាពលរដ្ឋ​ថា ធ្វើ​ឲ្យ​ស្ថានការណ៍​នយោបាយ​ធ្លាក់​ចុះ​ដុនដាប និង​មាន​ការ​ដាក់​ទណ្ឌកម្ម​ពី​សហគមន៍​អន្តរជាតិ។ ទោះ​បី​ជា​បែប​នេះ​ក្ដី លោក​បណ្ឌិត មាស នី មាន​ប្រសាសន៍​ថា ប្រទេស​កម្ពុជា មិន​មែន​ជា​កម្មសិទ្ធិ​របស់​គណបក្ស​ណា​មួយ​ផ្ដាច់មុខ​នោះ​ទេ បញ្ហា​នេះ​មាន​តែ​ការ​ចរចា​ទេ ទើប​ធ្វើ​ឲ្យ​ស្ថានភាព​នយោបាយ​ប្រសើរ​ឡើង ហើយ​កម្ពុជា អាច​គេច​ផុត​ពី​ទណ្ឌកម្ម​ពី​សហគមន៍​អន្តរជាតិ៖ «សំខាន់​ប្រទេស​យើង​មិន​គ្រាន់​តែ​រៀបចំ​គ្រាន់​តែ​រស់​នៅ ១០ ២០​ឆ្នាំ​ទេ យើង​រៀប​រស់​នៅ​ត​កូន​ត​ចៅ​ជាច្រើន​សតវត្ស​ទៅ​មុខ​ទៀត​បាន អ៊ីចឹង​ការ​ដែល​ថា​ហួស​ពេល​នេះ មិន​ត្រឹមត្រូវ​ទេ ប្រទេស​យើង​នេះ មិន​មែ​ជា​កម្មសិទ្ធិ​របស់​អ្នក​ណា​ម្នាក់​ទេ ជា​កម្មសិទ្ធិ​យើង​ទាំង​អស់​គ្នា»

អនុ​ប្រធាន​គណបក្ស​សង្គ្រោះ​ជាតិ អ្នកស្រី មូរ សុខហួរ បញ្ជាក់​ថា អ្នកស្រី​មិន​ចង់​ឃើញ​កម្ពុជា មាន​រឿង​ដោយសារ​តែ​គណបក្ស​កាន់​អំណាច​ជា​អ្នក​បង្ក​ឡើង ដែល​ឈាន​ដល់​សហគមន៍​អន្តរជាតិ​ដាក់​ទណ្ឌកម្ម​ឡើយ បញ្ហា​នេះ​ហើយ ដែល​គណបក្ស​សង្គ្រោះ​ជាតិ ចង់​ឲ្យ​ងាក​មក​ផ្សះផ្សា​ឡើង​វិញ ដើម្បី​កុំ​ឲ្យ​ប្រទេស​កម្ពុជា រង​គ្រោះ​ដោយសារ​តែ​លោក ហ៊ុន សែន។

​សំណើ​របស់​គណបក្ស​សង្គ្រោះ​ជាតិ នៅ​ពេល​នេះ ធ្វើ​ឡើង​មួយ​ថ្ងៃ​ក្រោយ​ពី​ក្រុមប្រឹក្សា​សហភាព​អឺរ៉ុប បាន​ព្រមាន​ថា ក្នុង​ស្ថានភាព​នយោបាយ​ប្រទេស​កម្ពុជា ដូច​សព្វថ្ងៃ​នេះ ខ្លួន​គ្មាន​ជម្រើស​អ្វី​ក្រៅ​ពី​ការ​ដាក់​ទណ្ឌកម្ម​ផ្នែក​សេដ្ឋកិច្ច​មក​លើ​របប​លោក ហ៊ុន សែន នោះ​ឡើយ។ ចំណែក​រដ្ឋាភិបាល​អាមេរិក សម្រេច​កាត់ផ្ដាច់​ជំនួយ​ទៅ​របប​លោក ហ៊ុន សែន លើ​គម្រោង​កម្មវិធី​របស់​ទីភ្នាក់ងារ​សហរដ្ឋអាមេរិក សម្រាប់​អភិវឌ្ឍន៍​អន្តរជាតិ (USAID) និង​កម្មវិធី​ជំនួយ​ផ្នែក​យោធា​អាមេរិក ដែល​ធ្លាប់​ផ្ដល់​ឲ្យ​របប​លោក ហ៊ុន សែន ក្នុង​ការ​ជួយ​ដល់​អគ្គនាយកដ្ឋាន​ពន្ធដារ ជួយ​ដល់​ការ​កសាង​សមត្ថភាព​អាជ្ញាធរ​រដ្ឋ​នៅ​តាម​មូលដ្ឋាន និង​ជួយ​ដល់​កង​យោធពល​ខេមរភូមិន្ទ នៅ​ពេល​កន្លង​មក។

ប៉ុន្តែ អ្នកនាំពាក្យ​គណបក្ស​ប្រជាជន​កម្ពុជា លោក សុខ ឥសាន និយាយ​ថា ការ​សម្រេច​ផ្ដាច់​ជំនួយ​របស់​សហរដ្ឋ​អាមេរិក គឺ​ជា​សិទ្ធិ​សម្រេច​របស់​សហរដ្ឋអាមេរិក ដែល​ជា​ម្ចាស់​ជំនួយ។ លោក​អះអាង​ថា ចំពោះ​កម្ពុជា ការ​កាត់​ជំនួយ​តាម​រយៈ​កម្មវិធី​របស់​ទីភ្នាក់ងារ​សហរដ្ឋអាមេរិក សម្រាប់​អភិវឌ្ឍន៍​អន្តរជាតិ​ភាគ​ច្រើន​ប៉ះពាល់​ដល់​អង្គការ​មិន​មែន​រដ្ឋាភិបាល មិន​ប៉ះពាល់​ដល់​រាជរដ្ឋាភិបាល​កម្ពុជា​ទេ។

ចំណែក​តំណាងរាស្ត្រ​គណបក្ស​សង្គ្រោះ​ជាតិ លោក សួន រីដា យល់​ថា ទោះ​ក្នុង​របប​ណា​ក៏ដោយ ការ​បញ្ចប់​វិបត្តិ​នយោបាយ​គឺ​មាន​តែ​ការ​ចរចា ទើប​ស្ដារ​ស្ថានភាព​ឲ្យ​ល្អ​ប្រសើរ​វិញ​បាន។ លោក​និយាយ​ទៀត​ថា បើ​របប​លោក ហ៊ុន សែន នៅ​តែ​រឹងទទឹង​របប​នេះ​នឹង​ជួប​គ្រោះថ្នាក់៖ «មក​ដល់​ពេល​នេះ គាត់​ប្រហែល​ជា​មិន​ទាន់​បាន​ភ្លក់​រសជាតិ​នៃ​ការ​លំបាក​របស់​គាត់ អ៊ីចឹង​​គាត់​នៅ​ក្រអឺតក្រទម​ហើយ»

តំណាងរាស្ត្រ​គណបក្ស​សង្គ្រោះ​ជាតិ លោក សួន រីដា ព្រមាន​ថា បើ​សំណើ​ចរចា​ដោយ​សន្តិវិធី​នេះ​ត្រូវ​បរាជ័យ គណបក្ស​សង្គ្រោះ​ជាតិ នឹង​មាន​ផែនការ​ជា​បន្តបន្ទាប់​ទៀត គឺ​ស្នើ​ឲ្យ​អន្ត​រដាក់​សម្ពាធ​បន្ថែម​លើ​របប​នេះ និង​រូបភាព​ទី​២ គឺ​ការ​ផ្ទុះ​ការ​តវ៉ា​របស់​ពលរដ្ឋ​ទូទាំង​ប្រទេស​ប្រឆាំង​នឹង​របប​លោក ហ៊ុន សែន ប៉ុន្តែ​លោក​ថា គណបក្ស​សង្គ្រោះ​ជាតិ មិន​ចង់​ឃើញ​រូបភាព​ទាំង​នេះ​កើត​ឡើង​ទេ។

អ្នក​វិភាគ​នយោបាយ​លើក​ឡើង​ទៀត​ថា កម្ពុជា​នឹង​រង​ទណ្ឌកម្ម​ពី​សហគមន៍​អន្តរជាតិ​កាន់​តែ​ខ្លាំង​ថែម​ទៀត បើសិនជា​របប​លោក ហ៊ុន សែន នៅ​តែ​គ្រប់គ្រង​ប្រទេស​បែប​ផ្ដាច់ការ ហើយ​បំផ្លាញ​លទ្ធិប្រជាធិបតេយ្យ​បែប​នេះ ហើយ​នៅ​ពេល​នោះ លោក ហ៊ុន សែន ពិបាក​នឹង​ប្រឈម​ចំពោះ​ចលនា​បះបោរ​ណា​មួយ​កើត​ឡើង​ជា​មិន​ខាន៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (6)
Share

អ្នក​អាន​អនាមិក

ប្រទេសកម្ពុជាក៏មិនមែនជាប្រទេសរបស់ក្រុមអានាធិបតេយ្យ របស់ពួកអគតិយកធ្វើជាឧបករណ៍សម្រាប់ដោះដូរយកដុល្លាមកបំពេញហោប៉ៅរបស់ខ្លួននិងក្រុមរបស់ខ្លួនមួយក្តាប់តូច យកឲ្យបរទេសធ្វើជាទីលានសាកអាវុធសាកកំលាំងគ្នាលេង ដោយមិនគឹតពីវាសនាជាតិនិងប្រជាជនដូចបណ្តាប្រទេសនៅអារ៉ាប់នោះដែរ។

Mar 04, 2018 07:07 PM

អ្នក​អាន​អនាមិក

ក្រោយថ្ងៃ១៧មេសា១៩៧៥ គេបានសម្លាប់និងចោទរាស្ត្រកន្លះនគរថាជាខ្មាំងម្ដងរួចមកហើយ។ដល់ពេលនេះលោក ឥសាន មានប្រសាសន៍ថាបក្សសង្គ្រោះជាតិជាពួកឧទ្ទាមក្រៅច្បាប់ទៀត មាននយ័ស្មើនឹងថារាស្ត្រខ្មែរកន្លះនគរជាពួកឧទ្ទាមដែរ គួរឲ្យរន្ធត់ណាស់ចំពោះសម្ដីបែបនេះ!

Mar 03, 2018 08:20 PM

ភ​វរ្ម័ន

ពី បាវិត​ ស្វាយ​រៀង​

ស្ទើរតែរាល់ថ្ងៃ លោកហ៊ុនសែនប្រើសម្ដីហែកហួរ ប្រមាថកាតទាន បៀតបៀនឲ្យប្រជាជាតិខ្មែរឲ្យបែកបាក់គ្នា ខាតប្រយោជន៍ ជាតិកាន់តែជ្រាលជ្រៅទៅៗ… ។ ភាសា (មានសែនអត់ស៊ី មានស៊ីអត់សែន) ត្រូវបានលោកសមរង្ស៊ីនិយាយតាំងពី ២០ឆ្នាំមកហើយ តែលោកហ៊ុនសែន យកមកនិយាយដដែលៗស្ទើរតែរាល់ពេល រាល់ឆ្នាំ ធ្វើឲ្យអ្នកនយោបាយជាតិខ្មែរបែកបាក់ឯកភាពជាតិ ដុតឲ្យឆេះក្ដៅងំ មើលមុខគ្នាមិនបាន ទោះបីជាលោកសមរង្ស៊ី ខិតខំ ផ្សះផ្សារ បង្កើតវប្បធម៌និយាយគ្នា យ៉ាងណា ក៏ ឥតប្រយោជន៍ វាបានតែ១រយៈខ្លី ត្រូវលោកហ៊ុនសែន ជាន់កម្ទេចចោលវិញអស់ ។ ពេលនេះលោកហ៊ុនសែន ទុកប្រជាជន និងមាតុភូមិខ្មែរជាចំណាត់ខ្មាំង ដើម្បីរក្សាអំណាចទោះជាត្រូវប្រឆាំងនឹងលិទ្ធិប្រជាធិបតេយ្យ ប្រឆាំងនឹងកិច្ចព្រមព្រៀងសន្ដិភាព២៣តុលា១៩៩១ ទោះបីជាធ្វើឲ្យប្រទេសធ្លាក់ទៅក្នុងកណ្ដាប់ដៃចិន យួនឃាតកប្រល័យពូជសាសន៍ខ្មែរ ឈ្លានពានទឹកដី សាជាថ្មីទៀត ក៏គាត់មិនខ្វល់ ។ លោកហ៊ុនសែននិយាយ ដដែលៗ ទោះជាប្រទេសសហគមន៍ប្រកាន់លិទ្ធិប្រជាធិបតេយ្យបញ្ឈប់ជំនួយ មិនគាំទ្ររបបបក្សរបស់គាត់ ក៏គាត់មិនស្លាប់ដែរ គាត់ប្រាប់ឲ្យប្រជាជនខ្មែរឲ្យត្រៀមខ្លួនត្រឡប់ទៅរស់ក្នុងរបបសង្គមនិយម នាទសវត្សរ៍ ១៩៨០ឡើងវិញ ទោះបីជាត្រូវហូបគល់ចេក គល់ល្ហុងក៏មិនខ្វល់ ឲ្យតែ របបបក្ស និងលោកហ៊ុនសែនបានក្ដាប់អំណាចបន្ដទៅទៀត ។

Mar 03, 2018 01:36 AM

Boss

ពី USA

to the idiots:

You believe that only your opinion counts. So you should not allow this comment section. You're the shameful reflection of your society back home. Take this section out.

Mar 01, 2018 09:34 AM

អ្នក​អាន​អនាមិក

ការចោទមួលបង្កាច់បក្សសង្គ្រោះជាតិ របស់ជនផ្តាច់ការ ហ៑ុន សែន . នៅលើឆាកជាតិ និង ឆាកអន្តរជាតិ គេដឹងអស់ហើយ
ការចរចា រវាងខ្មែរនិងខ្មែរ (បក្សសង្គ្រោះជាតិនិងបក្សប្រជាជន) ត្រូវបានពួកផ្តាច់ការ សុខ អីសាន ដែលមានមេក្លោង តាចាស់ ហ៑ុន សែន មិនព្រមចរចា (ឬ មួយចៅហ្វាយវៀតណាមចិន មិនអោយចរចា) .
អីឡូវនេះ តើអ្នកណា ទុកអោយខ្មែរក្រ នៅឆ្ងាយពី ពិភពលោក ?

Feb 28, 2018 07:07 PM

មើល​មតិ​ទាំង​អស់.

គេហទំព័រ​ទាំងមូល