លោក​នាយករដ្ឋមន្ត្រី ហ៊ុន ម៉ាណែត តែងតាំង​លោក ហ៊ុន ម៉ានី ជា​ឧបនាយក​រដ្ឋមន្ត្រីទី១១

ដោយ ម៉ៅ សុធានី
2024.02.15
លោក​នាយករដ្ឋមន្ត្រី ហ៊ុន ម៉ាណែត តែងតាំង​លោក ហ៊ុន ម៉ានី ជា​ឧបនាយក​រដ្ឋមន្ត្រីទី១១ (ឆ្វេង) លោកនាយករដ្ឋមន្ត្រី​ ហ៊ុន ម៉ាណែត និង ហ៊ុន ម៉ានី ប្ដូនប្រុសបង្កើត​របស់​លោក។
រូប៖ ហ្វេសប៊ុកលោក​ ហ៊ុន ម៉ាណែត និង ហ៊ុន ម៉ានី

រដ្ឋសភា នៅ​ថ្ងៃ​ទី១៥ ខែកុម្ភៈ បាន​ចេញ​សេចក្ដី​ប្រកាស​បើក​កិច្ចប្រជុំ​វិសាមញ្ញ នៅ​ថ្ងៃ​ទី២១ ខែកុម្ភៈ សប្ដាហ៍​ក្រោយ ដើម្បី​បោះ​ឆ្នោត​ផ្តល់​សេចក្ដី​ទុក​ចិត្ត​លើ​ការ​តែងតាំង​រដ្ឋមន្ត្រី​ក្រសួង​មុខងារ​សាធារណៈ លោក ហ៊ុន ម៉ានី ជា​ឧបនាយក​រដ្ឋមន្ត្រី។ ក្រៅ​ពី​បោះ​ឆ្នោត​ផ្តល់​សេចក្ដី​ទុក​ចិត្ត​លើ​ការ​តែងតាំង លោក ហ៊ុន ម៉ានី រដ្ឋសភា​ក៏​នឹង​បោះ​ឆ្នោត​ផ្តល់​សេចក្ដី​ទុក​ចិត្ត​លើ​ការ​ស្នើ​តែងតាំង​ទេសរដ្ឋមន្ត្រី​ទទួល​បន្ទុក​បេសកកម្ម ២រូប​បន្ថែម​ទៀត គឺ លោក ស្រ៊ី ថាមរុង្គ និង លោក ប៉ែន វិបុល។ លោក ស្រ៊ី ថាមរុង្គ និង​លោក​ ប៉ែន វិបុល មាន​តួនាទី​ជា​រដ្ឋមន្ត្រី​ប្រតិភូ​អម​នាយក​រដ្ឋមន្ត្រី ​នឹង​ឡើង​ឋានៈ​ជា​ទេសរដ្ឋមន្ត្រី​ទទួលបន្ទុក​បេសកកម្ម​ពិសេស​។

រដ្ឋាភិបាល​លោក​នាយក​រដ្ឋមន្ត្រី ហ៊ុន ម៉ាណែត មាន​ឧបនាយក​រដ្ឋមន្ត្រី​ចំនួន ១០នាក់ និង​ទេសរដ្ឋមន្ត្រី ២១នាក់​រួច​ហើយ។ ដូចនេះ ប្រសិនបើ​រាប់​ទាំង​លោក ហ៊ុន ម៉ានី ទៀត នឹង​ឡើង​ដល់​ចំនួន ១១នាក់ ហើយ​ទេសរដ្ឋមន្ត្រី នឹង​មាន​ចំនួន​ដល់​ទៅ ២៣នាក់។ រដ្ឋាភិបាល​បច្ចុប្បន្ន ត្រូវ​បាន​គេ​មើល​ឃើញ​ថា កំពុង​តែងតាំង​ក្រុម​គ្រួសារ និង​ញាតិ​មិត្ត​ជិតស្និទ្ធ​របស់​ខ្លួន ដើម្បី​កាន់​អំណាច​បន្ត​ត្រកូល ពី​ឪពុក​លោក ហ៊ុន សែន ដោយ​ផ្ទេរ​អំណាច​មក​លោក ហ៊ុន ម៉ាណែត ជា​នាយក​រដ្ឋមន្ត្រី៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។