លោក ហ៊ុន សែន ចូលរួមគោរពវិញ្ញាណក្ខន្ធអតីតមេដឹកនាំវៀតណាម លោក ឡេ ឌឹកអាញ់
2019.05.02
លោក ហ៊ុន សែន ថ្លែងការណ៍ក្នុងមហាសន្និបាទអង្គការសហប្រជាជាតិ កាលនៅថ្ងៃទី២៩ កញ្ញា ២០១៨។
Photo Screenshot
មេដឹកនាំរបបក្រុងភ្នំពេញ លោក ហ៊ុន សែន ដឹកនាំគណៈប្រតិភូ ទៅចូលរួមគោរពវិញ្ញាណក្ខន្ធអតីតមេដឹកនាំវៀតណាម លោក ឡេ ឌឹកអាញ់ (Le Duc Anh ) នៅរសៀលថ្ងៃព្រហស្បតិ៍ទី២ ខែ ឧសភា ឆ្នាំ២០១៩។
លោក ឡេ ឌឹកអាញ់ ជាអតីតប្រធានាធិបតី និងជាអតីតមេទ័ពល្បីឈ្មោះរបស់វៀតណាម បានទទួលមរណភាព នៅថ្ងៃច័ន្ទ ទី២២ ខែមេសា ឆ្នាំ២០១៩កន្លងទៅ ក្នុងវ័យ៩៨ឆ្នាំ។
លោក ហ៊ុន សែន បានសរសេរនៅលើទំព័រហ្វេសប៊ុករបស់លោក នៅថ្ងៃព្រហស្បតិ៍ ទី ២ ឧសភានេះថា លោក ឡេ ឌឹកអាញ់ ជារដ្ឋបុរសវៀតណាមមួយរូប និងជាតួអង្គនយោបាយដ៏សំខាន់នៅក្នុងប្រវត្តិសាស្ត្រនៃប្រទេសវៀតណាម និងប្រទេសកម្ពុជា ដោយសារតែបានចូលរួមយ៉ាងសកម្ម ក្នុងការវាយរំលំរបបប្រល័យពូជសាសន៍ ប៉ុល ពត។
ក៏ប៉ុន្តែ ឯកសារប្រវត្តិសាស្ត្រ ស្ដីពីកម្ពុជា មួយចំនួនបានសរសេរថា លោក ឡេ ឌឹកអាញ់ ជាអ្នកមានគុណរបស់លោក ហ៊ុន សែន ដែលបានលើកបន្តុបលោកឱ្យឡើងធ្វើជាមេដឹកនាំរបបក្រុងភ្នំពេញប្រមាណជា៤០ឆ្នាំកន្លងមកនេះ។
ឯកសារប្រវត្តិសាស្ត្រទាំងនោះ បានឱ្យដឹងទៀតថា វៀតណាមមិនបានចូលរំដោះកម្ពុជា ពីរបបខ្មែរក្រហមនៅដើមឆ្នាំ១៩៧៩នោះទេ តែជាការដឹកនាំកងទ័ពជាង ១២ម៉ឺននាក់ ចូលមកលុកលុយ ឈ្លានពានប្រទេសកម្ពុជា ហើយក្រោយមកចំនួនកងទ័ពនេះបានកើនឡើងជាង ២សែននាក់ ដោយមានការជួយជ្រោមជ្រែងពីលោក ហ៊ុន សែន និងលោក ហេង សំរិន ប្រធានសភាជាតិកម្ពុជា កាលពីពេលនោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលករខ្មែរមួយចំនួនធ្វើការនៅប្រទេសថៃប្រកាសស្វាគមន៍អមដំណើរលោក សម រង្ស៊ី វិលចូលស្រុកវិញ
- លោក ហ៊ុន សែន អះអាងថា សេដ្ឋកិច្ចកម្ពុជាលែងត្រូវការប្រព័ន្ធអនុគ្រោះពន្ធEBA ពីអឺរ៉ុបហើយ
- ពលរដ្ឋបង្ខំចិត្តចាកចេញពីតំបន់អង្គរ ប្រឈមនឹងជីវភាពខ្វះខាត និងបាត់បង់មុខរបរ
- ម្ចាស់អាជីវកម្មទាំងខ្នាតតូច និងខ្នាតធំកំពុងជួបវិបត្តិបង្វិលសាច់ប្រាក់មិនទាន់
- ពលរដ្ឋខ្មែរកម្ពុជាក្រោមនៅវៀតណាមរងការហាមឃាត់ និងប្រើហិង្សាពេលប្រារព្ធពិធីរំឭកការបាត់បង់ទឹកដី
អត្ថបទពេញនិយម
នយោបាយ
- អ្នកវិភាគថា លោក ហ៊ុន សែន នឹងក្លាយជាបងធំផ្ដាច់ការនៅតំបន់អាស៊ាន
- លោក ហ៊ុន សែន ស្នើចៅហ្វាយចាស់វៀតណាមឱ្យចាប់លោក សម រង្ស៊ី បើមេបក្សប្រឆាំងរូបនេះប្រើទឹកដីវៀតណាមចូលមកកម្ពុជា
- បក្សកាន់អំណាចច្រានចោលការលើកឡើងរបស់ប្រមុខអ.ស.បអំពីការបោះឆ្នោតនៅកម្ពុជា
- លោក ហ៊ុន សែន បញ្ជាឲ្យរដ្ឋមន្ត្រីក្រសួងយុត្តិធម៌កុំដោះលែងសកម្មជនសិទ្ធិមនុស្សកញ្ញា សេង ធារី
- ពលរដ្ឋមួយចំនួន នឹងមិនទៅបោះឆ្នោត ដោយសារគ្មានគណបក្ស ដែលខ្លួនគាំទ្រ