បទសម្ភាសន៍របស់លោក ជុន ច័ន្ទបុត្រ ជាមួយលោក សម រង្ស៊ី អំពីដំណើរទៅកម្ពុជាវិញ
2019.03.04
ប្រធានស្តីទីគណបក្សសង្គ្រោះជាតិលោក សម រង្ស៊ី ធ្វើដំណើរតាមបណ្ដោយមហាវិថីសហព័ន្ធរុស្ស៊ី ឆ្ពោះទៅរមណីយដ្ឋានវត្តភ្នំ នៅថ្ងៃទី១៩ ខែកក្កដា ឆ្នាំ២០១៤។
ការភ្នាល់គ្នារវាងលោក សម រង្ស៊ី និងលោក ហ៊ុន សែន ផុតកំណត់ត្រឹមថ្ងៃទី៤ ខែមីនាហើយ ក៏ប៉ុន្តែអ្នកដែលចាញ់ក្នុងការភ្នាល់គ្នានេះ នៅមិនទាន់គោរពតាមលក្ខខណ្ឌនៅឡើយទេ។
កាលពីដើមខែវិច្ឆិកា ឆ្នាំ២០១៨ លោក សម រង្ស៊ី បានបបួលលោក ហ៊ុន សែន ភ្នាល់គ្នាដោយដាក់លក្ខខណ្ឌថា បើលោក ហ៊ុន សែន មិនដោះលែងលោក កឹម សុខា ត្រឹមថ្ងៃទី៣ ខែមីនា ឆ្នាំ២០១៩ ទេ លោក សម រង្ស៊ី នឹងសុខចិត្តចូលស្រុកខ្មែរវិញឲ្យគេចាប់ខ្លួន។ ក៏ប៉ុន្តែ ប្រសិនបើលោក ហ៊ុន សែន ដោះលែងលោក កឹម សុខា មុនថ្ងៃទី៣ មីនានោះ លោក ហ៊ុន សែន ត្រូវចុះចេញពីតំណែង។
ទោះជាយ៉ាងណាក៏ដោយ នៅពេលពេលកំណត់នៃការភ្នាល់គ្នានេះប្រមាណ ២សប្ដាហ៍ លោក សម រង្ស៊ី សសេរសារនៅលើបណ្ដាញសង្គមហ្វេសប៊ុករបស់លោក ចោទលោក ហ៊ុន សែន ថា បានដាក់បញ្ចូលលក្ខខណ្ឌថ្មីមួយទៅក្នុងការភ្នាល់គ្នានេះ។ នោះ គឺការលើកលែងទោសពីព្រះមហាក្សត្រ។ ដោយផ្អែកលើហេតុផលនេះ លោក សម រង្ស៊ី ថា ជាស្វ័យប្រវត្តិ លោក ហ៊ុន សែន បានដកខ្លួនចេញពីការភ្នាល់គ្នានេះរួចទៅហើយ។ ថ្វីបើការភ្នាល់រវាងអ្នកនយោបាយធំ ២រូបនេះ គ្មានការទទួលពីស្ថាប័នណាមួយក្ដី ក៏ពលរដ្ឋជាទូទៅបានដឹងឮ និងរង់ចាំមើលលទ្ធផលគ្រប់ៗ គ្នា។ មកទល់ពេលនេះ លោក កឹម សុខា កំពុងជាប់ឃុំនៅឡើយ ឯលោក សម រង្ស៊ី ក៏នៅមិនទាន់វិលចូលស្រុកខ្មែរឲ្យគេចាប់ខ្លួនដែរ។
តើទីបំផុតទៅ លោក សម រង្ស៊ី នឹងវិលចូលប្រទេសកម្ពុជាតាមការសន្យាដែរឬទេ?
សូមលោកអ្នកនាងស្តាប់សំឡេងនៃបទសម្ភាសន៍ផ្ទាល់របស់លោក ជុន ច័ន្ទបុត្រ ជាមួយលោក សម រង្ស៊ី ជុំវិញជំហរចុងក្រោយរបស់លោក។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលករខ្មែរមួយចំនួនធ្វើការនៅប្រទេសថៃប្រកាសស្វាគមន៍អមដំណើរលោក សម រង្ស៊ី វិលចូលស្រុកវិញ
- លោក ហ៊ុន សែន អះអាងថា សេដ្ឋកិច្ចកម្ពុជាលែងត្រូវការប្រព័ន្ធអនុគ្រោះពន្ធEBA ពីអឺរ៉ុបហើយ
- ពលរដ្ឋបង្ខំចិត្តចាកចេញពីតំបន់អង្គរ ប្រឈមនឹងជីវភាពខ្វះខាត និងបាត់បង់មុខរបរ
- ម្ចាស់អាជីវកម្មទាំងខ្នាតតូច និងខ្នាតធំកំពុងជួបវិបត្តិបង្វិលសាច់ប្រាក់មិនទាន់
- ពលរដ្ឋខ្មែរកម្ពុជាក្រោមនៅវៀតណាមរងការហាមឃាត់ និងប្រើហិង្សាពេលប្រារព្ធពិធីរំឭកការបាត់បង់ទឹកដី
អត្ថបទពេញនិយម
នយោបាយ
- អ្នកវិភាគថា លោក ហ៊ុន សែន នឹងក្លាយជាបងធំផ្ដាច់ការនៅតំបន់អាស៊ាន
- លោក ហ៊ុន សែន ស្នើចៅហ្វាយចាស់វៀតណាមឱ្យចាប់លោក សម រង្ស៊ី បើមេបក្សប្រឆាំងរូបនេះប្រើទឹកដីវៀតណាមចូលមកកម្ពុជា
- បក្សកាន់អំណាចច្រានចោលការលើកឡើងរបស់ប្រមុខអ.ស.បអំពីការបោះឆ្នោតនៅកម្ពុជា
- លោក ហ៊ុន សែន បញ្ជាឲ្យរដ្ឋមន្ត្រីក្រសួងយុត្តិធម៌កុំដោះលែងសកម្មជនសិទ្ធិមនុស្សកញ្ញា សេង ធារី
- ពលរដ្ឋមួយចំនួន នឹងមិនទៅបោះឆ្នោត ដោយសារគ្មានគណបក្ស ដែលខ្លួនគាំទ្រ