ព្រះមហាក្សត្រ​យាង​មកដល់​កម្ពុជា​វិញ ក្រោយ​គង់​នៅ​ប្រទេស​ចិន​ជាង ១ខែ

ដោយ អាស៊ីសេរី
2019-10-02
Share
សីហមុនី ៦២២ ព្រះមហាក្សត្រ ព្រះបាទ​សម្តេចព្រះ បរមនាថ នរោត្តម សីហមុនី និង​សម្តេច​ម៉ែ មុនីនាថ សីហនុ យាង​និវត្តន៍​មកដល់​កម្ពុជា នៅ​​ថ្ងៃ​ទី២ ខែ​តុលា ២០១៩។
រូប​ពី​ហ្វេសប៊ុក ហ៊ុន សែន

ព្រះមហាក្សត្រ ព្រះបាទ​សម្តេចព្រះ បរមនាថ នរោត្តម សីហមុនី និង​សម្តេច​ម៉ែ មុនីនាថ សីហនុ យាង​និវត្តន៍​មកដល់​កម្ពុជា​វិញ​ហើយ នៅ​រសៀល​ថ្ងៃ​ទី២ ខែ​តុលា នេះ បន្ទាប់ពី​បាន​គង់​ពិនិត្យ​ព្រះរាជសុខភាព នៅ​ប្រទេស​ចិន អស់​រយៈពេល​ជាង ១​ខែ។

ក្រុម​មេដឹកនាំ​របប​ក្រុងភ្នំពេញ រួមមាន ប្រធាន​ព្រឹទ្ធសភា លោក សាយ ឈុំ ប្រធានរដ្ឋសភា​លោក ហេង សំរិន លោកនាយក​រដ្ឋមន្ត្រី ហ៊ុន សែន និង​មន្ត្រី​គ្រាក់ៗ​មួយ​ចំនួន​ទៀត ព្រមទាំង​ព្រះ​ញាតិវង្ស​ផង បាន​ទៅ​ទទួល​ព្រះរាជ​ដំណើរ​របស់​ព្រះអង្គ នៅ​អាកាសយានដ្ឋាន​អន្តរជាតិ​ភ្នំពេញ។

ក្នុង​ពេល​អវត្តមាន​ព្រះមហាក្សត្រ​ជាង ១ ខែ​មកនេះ លោក សាយ ឈុំ បាន​ឡើងជា​ប្រមុខ​រដ្ឋស្តីទី​ជំនួស​ព្រះអង្គ​។ អនុប្រធាន​គណបក្ស​កាន់អំណាច​រូប​នេះ បាន​ចុះហត្ថលេខា​តែងតាំង​មន្ត្រី និង​ទីប្រឹក្សា​ក្រសួង​ព័ត៌មាន​ចំនួន​ជាង​២០ នាក់ និង​បាន​បញ្ចប់​គោរព​ងារ​ឧកញ៉ា​របស់​មន្ត្រី​យោធា​ចំនួន​៧៥ រូប​ផង​ដែរ។

អំឡុង​ពេល​អវត្តមាន​ព្រះមហាក្សត្រ​នេះ​ដែរ សង្គម​ស៊ីវិល​ចំនួន​៤ មាន​ដូចជា សហភាព​សហជីព​កម្ពុជា និង​សមាគម​គ្រូបង្រៀន​កម្ពុជា​ឯករាជ្យ ជាដើម បាន​ថ្វាយ​លិខិត​សុំ​យាង​ព្រះអង្គ​ធ្វើជា​អធិបតី​ជួយ​សម្របសម្រួល​នយោបាយ​រវាង​ភាគី​គណបក្ស​ប្រជាជន​កម្ពុជា និង​គណបក្ស​សង្គ្រោះ​ជាតិ ដើម្បី​ស្ដារ​លទ្ធិប្រជាធិបតេយ្យ និង​ធានា​ប្រក្រតីភាព​របស់​ប្រទេស​កម្ពុជា​ឡើង​វិញ​។ ក្រុម​សង្គម​ស៊ីវិល​ទាំងនេះ​បារម្ភ​ថា ស្ថានភាព​នយោបាយ​អាប់អួ ព្រមទាំង​ការរំលោភ​សិទ្ធិមនុស្ស និង​ប្រជាធិបតេយ្យ​ធ្ងន់ធ្ងរ ធ្វើ​ឱ្យ​កម្ពុជា​ប្រឈមមុខ​នឹង​ការ​កាត់ផ្ដាច់​ការ​អនុគ្រោះ​ពន្ធ EBA ពី​សហភាព​អឺរ៉ុប និង GSP ពី​សហរដ្ឋអាមេរិក ដែល​នឹង​ប៉ះពាល់​ដល់​ប្រយោជន៍​ពលរដ្ឋ​ខ្មែរ​រាប់​លាន​នាក់៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)

មើល​មតិ​ទាំង​អស់.

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល