ព្រះមហាក្សត្រ​យាង​បំពេញ​ព្រះរាជ​ទស្សនកិច្ច​នៅ​ប្រទេស​វៀតណាម​រយៈពេល​៣​ថ្ងៃ

ដោយ អាស៊ីសេរី
2018-12-20
អ៊ីម៉ែល
មតិ
Share
បោះពុម្ព
ព្រះមហាក្សត្រ ព្រះករុណា ព្រះបាទ​សម្ដេច នរោត្ដម សីហមុនី យាង​ចូលរួម​ទិវា​បុណ្យ​ខួប​ឯករាជ្យជាតិ​លើក​ទី​៦៣ នា​វិមានឯករាជ្យ រាជធានី​ភ្នំពេញ នៅ​ថ្ងៃ​ទី​៩ ខែ​វិច្ឆិកា ឆ្នាំ​២០១៦។
ព្រះមហាក្សត្រ ព្រះករុណា ព្រះបាទ​សម្ដេច នរោត្ដម សីហមុនី យាង​ចូលរួម​ទិវា​បុណ្យ​ខួប​ឯករាជ្យជាតិ​លើក​ទី​៦៣ នា​វិមានឯករាជ្យ រាជធានី​ភ្នំពេញ នៅ​ថ្ងៃ​ទី​៩ ខែ​វិច្ឆិកា ឆ្នាំ​២០១៦។
RFA

មហាក្សត្រ ព្រះបាទ នរោត្តម សីហមុនី យាង​បំពេញ​ព្រះរាជ​ទស្សនកិច្ច នៅ​ទីក្រុង​ហាណូយ (Hanoi) និង​ទីក្រុង​ដាណាង (Danang) នៃ​សាធារណរដ្ឋ​សង្គមនិយម​វៀតណាម​រយៈពេល ៣​ថ្ងៃ ចាប់ពី​ថ្ងៃ​ទី១៩ ដល់​ទី២១ ធ្នូ ខាងមុខ។

ព្រះរាជសារ​របស់​ព្រះមហាក្សត្រ​ចុះ​ថ្ងៃ​ទី១៨ ធ្នូ ឱ្យ​ដឹង​ថា ព្រះរាជ​ទស្សនកិច្ច​នេះ ធ្វើឡើង​តាម​សំណើ​របស់​រដ្ឋាភិបាល​វៀតណាម ក៏ប៉ុន្តែ​មិនបាន​បញ្ជាក់​ទេ​ថា ព្រះរាជ​ទស្សនកិច្ច​នេះ​ធ្វើ​ឡើង​ក្នុង​បំណង​លើកកម្ពស់​កិច្ច​សហប្រតិបត្តិការ​រវាង​ប្រទេស​ទាំងពីរ ឬមួយ​ក៏​យ៉ាងណា​នោះ​ឡើយ។ ប្រធាន​ព្រឹទ្ធសភា​របប​ក្រុងភ្នំពេញ លោក សាយ ឈុំ នឹង​ត្រូវ​ធ្វើជា​ប្រមុខ​រដ្ឋ​ស្តីទី​របស់​កម្ពុជា នៅ​ពេល​អវត្តមាន​ព្រះមហាក្សត្រ។

កម្ពុជា និង​វៀតណាម​បាន​ភ្ជាប់​ទំនាក់ទំនង​ការទូត​ជា​ផ្លូវការ​នឹង​គ្នា កាលពី​ថ្ងៃ​ទី២៤ មិថុនា ឆ្នាំ ១៩៦៧ ដែល​គិត​មកដល់ពេលនេះ មាន​រយៈពេល ៥១​ឆ្នាំ​ហើយ។

កាល​ពី​ពេល​ថ្មីៗ​នេះ មេដឹកនាំ​របប​ក្រុងភ្នំពេញ​លោក ហ៊ុន សែន ក៏​ទើបតែ​បាន​ដឹកនាំ​ប្រតិភូ​ទៅ​បំពេញ​ទស្សនកិច្ច​នៅ​ប្រទេស​វៀតណាម​ដែរ ដើម្បី​ពង្រឹង​ទំនាក់ទំនង និង​កិច្ច​សហប្រតិបត្តិការ​រវាង​ប្រទេស​ទាំងពីរ។ សារសំខាន់​បំផុត​ដែល​លោក ហ៊ុន សែន បាន​បញ្ជាក់​ប្រាប់​ក្រុម​មេដឹកនាំ​វៀតណាម​នោះ គឺ​របប​របស់​លោក​នឹង​មិន​អនុញ្ញាត​ឱ្យ​មាន​មូលដ្ឋាន​ទ័ព​ជើងទឹក​របស់​ចិន​នៅ​លើ​ទឹកដី​កម្ពុជា​ឡើយ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល