គ.ជ.ប​ទទួល​ពាក្យ​បណ្តឹង​តវ៉ា​ចំនួន​២៦​ករណី ពី​ទូទាំង​ប្រទេស

ដោយ ម៉ៅ សុធានី
2022-01-14
Share
គ.ជ.ប​ទទួល​ពាក្យ​បណ្តឹង​តវ៉ា​ចំនួន​២៦​ករណី ពី​ទូទាំង​ប្រទេស ពលរដ្ឋ​ពិនិត្យ​បញ្ជី​ឈ្មោះ​បោះឆ្នោត។
RFA/Sorn Chanratha

គណៈកម្មាធិការ​ជាតិ​រៀបចំ​ការបោះឆ្នោត (..) ទទួល​បាន​ពាក្យ​បណ្តឹង​ចំនួន ២៦​បណ្តឹង នៅ​ទូទាំង​ប្រទេស រហូត​មក​ដល់​ថ្ងៃទី ១២ ខែមករា។

សេចក្តី​ប្រកាស​ព័ត៌មាន​របស់​គ..ប កាល​ពី​ថ្ងៃទី​១៣ ខែ​មករា ឲ្យ​ដឹង​ថា ក្នុង​ដំណាក់កាល​បិទ​ផ្សាយ​បញ្ជី​បោះឆ្នោត​ដំបូង និង​បញ្ជី​ឈ្មោះ​អ្នកបោះឆ្នោត​ដែល​នឹង​ត្រូវ​លុបចេញ ពី​បញ្ជី​បោះឆ្នោត ឆ្នាំ​២០២១ នៃ ក្រុមប្រឹក្សាឃុំ​-​សង្កាត់ (កបឃស) ទូទាំង​ប្រទេស ចំនួន ២៦ បណ្តឹង​នេះ សុទ្ធសឹងតែ​ជា​ពាក្យ​បណ្ដឹង​តវ៉ា នៅ​តាម​ឃុំ​សង្កាត់​ក្នុង​រាជធានី​និង​ខេត្ត​មួយចំនួន ប៉ុន្តែ​សំរាប់​ការិយាល័យ​គ​.​ជ​.​ប និង​ក្រុមប្រឹក្សាធម្មនុញ្ញ​វិញ គឺ​នៅ​ពុំ​ទាន់​ទទួល​បាន​ពាក្យបណ្ដឹង​ណាមួយ​ឡើយ។

សេចក្តី​ប្រកាស​ព័ត៌មាន​ដដែល​បន្ត​ថា ការ​ដាក់ ការ​ទទួល និង​ការ​ដោះស្រាយ​ពាក្យ​បណ្តឹង​ក្នុង​ដំណាក់កាល នៃ​ការ​បិទ​ផ្សាយ​បញ្ជី​បោះឆ្នោត​ដំបូង និង​បញ្ជី​ឈ្មោះ​អ្នកបោះឆ្នោត​ដែល​នឹង​ត្រូវ​លុប​ចេញពី​បញ្ជី​បោះឆ្នោត​ឆ្នាំ​២០២១ មាន​៣​ដំណាក់កាល រួម​មាន៖

ដំណាក់កាល​ទី​១ ការ​ដាក់ ការ​ទទួល​ពាក្យ​បណ្តឹង​នៅ កបឃ.ស មាន​រយៈពេល ១០​ថ្ងៃ​យ៉ាង​យូរ បន្ទាប់​ពី​ថ្ងៃ​បិទ​ផ្សាយ​បញ្ជី​បោះឆ្នោត​ដំបូង និង​ការ​ដោះស្រាយ​ពាក្យ​បណ្តឹង​មាន​រយៈពេល ៣​ថ្ងៃ​យ៉ាង​យូរ បន្ទាប់​ពី​ថ្ងៃ​បាន​ទទួល​ពាក្យបណ្ដឹង។

ទី​២ ការ​ដាក់ ការ​ទទួល​ពាក្យ​បណ្តឹង​នៅ គ​.​ជ​.​ប មាន​រយៈពេល ៥​ថ្ងៃ​យ៉ាង​យូរ បន្ទាប់​ពី​ថ្ងៃ​បាន​ទទួល​សម្រង់​សេចក្ដីសម្រេច (​ទ​.១២០៣) របស់ កបឃ​.​ស និង​ការ​ដោះស្រាយ​ពាក្យ​បណ្តឹង​រយៈពេល ៥​ថ្ងៃ​យ៉ាង​យូរ បន្ទាប់​ពី​ថ្ងៃ​បាន​ទទួល​ពាក្យបណ្ដឹង។

ចំណែក​ទី​៣​វិញ គឺ​ការ​ដាក់ ការ​ទទួល​ពាក្យ​បណ្តឹង​នៅ​ក្រុមប្រឹក្សាធម្មនុញ្ញ មាន​រយៈពេល ៥​ថ្ងៃ​យ៉ាង​យូរ បន្ទាប់​ពី​ថ្ងៃ​បាន​ទទួល​សម្រង់​សេចក្ដី​សម្រេច (​ទ​.១២០៣) របស់ គ​.​ជ​.​ប និង​ការ​ដោះស្រាយ​ពាក្យ​បណ្តឹង រយៈពេល ១០​ថ្ងៃ​យ៉ាង​យូរ បន្ទាប់​ពី​ថ្ងៃ​បាន​ទទួល​ពាក្យ​បណ្ដឹង។

ពាក់ព័ន្ធ​នឹង​ការរៀបចំ​បោះឆ្នោត​ក្រុម​ប្រឹក្សាឃុំ​សង្កាត់ ដែល​គ្រោង​ធ្វើ​ធ្វើឡើង​នៅ​ថ្ងៃអាទិត្យ សប្ដាហ៍​ទី​១ នៃ​ខែមិថុនា ឆ្នាំ​២០២២ ខាងមុខនេះ គណបក្ស​នយោបាយ​មួយ​ចំនួន ស្នើ​ឲ្យ​កែ​សមាសភាព​គណៈកម្មាធិការ​ជាតិ​រៀបចំ​ការបោះឆ្នោត ដែល​មកពី​គណបក្ស​កាន់អំណាច​តែមួយ ដែល​មិន​អាច​ធ្វើ​ឲ្យ​ដំណើរការ​បោះឆ្នោត ប្រព្រឹត្ត​ទៅ​ដោយ​សេរី ត្រឹមត្រូវ និង​យុត្តិធម៌ បាន​នោះ​ឡើយ​។​

ពួកគាត់​ព្រមាន​ថា បើ គ​.​ជ​.​ប​. នៅតែ​មិន​កែទម្រង់​សមាសភាព​នេះ ឲ្យ​បាន​នៅមុន​ការបោះឆ្នោត​ខាងមុខ​នោះ​ទេ ពួកគាត់​នឹង​ធ្វើ​ពហិការ ដោយ​មិន​ចូលរួម​ការបោះឆ្នោត​នោះ​តែម្តង​។​

កន្លងមក​មាន​គណបក្ស​នយោបាយ ៣ ប៉ុណ្ណោះ ដែល​ធ្លាប់​មាន​លទ្ធភាព​ដាក់​បេក្ខភាព​ឈរឈ្មោះ​គ្រប់​ឃុំ​សង្កាត់​ទូទាំង​ប្រទេស គឺ​គណបក្ស​ប្រជាជន​កម្ពុជា គណបក្ស​ហ៊្វុនស៊ិនប៉ិច និង​គណបក្ស​សង្គ្រោះជាតិ។ ប៉ុន្តែ​គណបក្ស​សង្គ្រោះ​ជាតិ ត្រូវ​បាន​តុលាការ​កំពូល រំលាយ​ចោល​តាម​ការ​ចង់​បាន​របស់​លោកនាយក​រដ្ឋមន្ត្រី ហ៊ុន សែន បន្ទាប់ពី​គណបក្ស​ប្រឆាំង​ដ៏​មាន​ឥទ្ធិពល​មួយ​នេះ បាន​ដណ្តើម​អាសនៈ​ក្រុមប្រឹក្សាឃុំ​-​សង្កាត់​ជាង ៥ ពាន់​អាសនៈ កាលពី​ឆ្នាំ​២០១៧។

ចំណែក ប្រធាន​គណបក្ស​ភ្លើងទៀន​លោក ថាច់ សេដ្ឋា វិញ​ធ្លាប់​បញ្ជាក់​ថា ប្រសិន​បើ​បរិយាកាស​ដំណើរការ​បោះឆ្នោត​មាន​ភាព​ល្អ​ប្រសើរ គ្មាន​ការ​គំរាមកំហែង និង​ការ​គាបសង្កត់ គណបក្ស​ប្រឆាំង​មួយ​នេះ មាន​គម្រោង​ដាក់​បេក្ខភាព​ឈរឈ្មោះ​បោះឆ្នោត​ក្រុមប្រឹក្សា​ឆ្នាំ​២០២២ នៅ​គ្រប់​ឃុំ​សង្កាត់​ទូទាំង​ប្រទេស ដែល​នឹង​ត្រូវ​បញ្ជូន​ឈ្មោះ​បេក្ខជន​ឈរឈ្មោះ​នៅ​តាម​ឃុំ​សង្កាត់ ឲ្យ​ទៅ​គណៈកម្មាធិការ​ជាតិ​រៀបចំ​ការបោះឆ្នោត (..) នៅ​ត្រឹម​ខែមីនា​ខាងមុខ​នេះ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)

មើល​មតិ​ទាំង​អស់.

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល