គ.ជ.ប​ នឹង​ចាក់​ផ្សាយ​កម្មវិធី​នយោបាយ​របស់​គណបក្ស​តាម​ទូរទស្សន៍ និង​វិទ្យុជាតិ​ ចាប់​ពី​ថ្ងៃ​ទី២១​ ខែឧសភា​ ដល់​ថ្ងៃទី៣​ មិថុនា​

2022.05.16
Share on WhatsApp
Share on WhatsApp
គ.ជ.ប​ នឹង​ចាក់​ផ្សាយ​កម្មវិធី​នយោបាយ​របស់​គណបក្ស​តាម​ទូរទស្សន៍ និង​វិទ្យុជាតិ​ ចាប់​ពី​ថ្ងៃ​ទី២១​ ខែឧសភា​ ដល់​ថ្ងៃទី៣​ មិថុនា​ ឯកឧត្ដម ហង្ស ពុទ្ធា សមាជិក គ.ជ.ប និងជាអ្នកនាំពាក្យ គ.ជ.ប បានផ្តល់បទសម្ភាសន៍ជាមួយប្រព័ន្ធផ្សព្វផ្សាយព័ត៌មាន
រូប៖ គណៈកម្មាធិការជាតិរៀបចំការបោះឆ្នោត (គ.ជ.ប)

គណៈកម្មាធិការ​ជាតិ​រៀបចំ​ការបោះឆ្នោត​ (..)​ នឹង​ចាក់​ផ្សាយ​កម្មវិធី​ស្មើភាព​ ស្ដីពី​គោលនយោបាយ​ និង​កម្មវិធី​នយោបាយ​របស់​គណបក្ស​នយោបាយ​ដែល​ចូលរួម​ប្រកួតប្រជែង​ការបោះឆ្នោត​ជ្រើសរើស​ក្រុមប្រឹក្សា​ឃុំ​សង្កាត់​អាណត្តិ​ទី៥នេះ​ តាម​ទូរទស្សន៍ និង​វិទ្យុជាតិ​កម្ពុជា ចាប់ពី​ថ្ងៃទី២១ ខែឧសភា រហូត​ថ្ងៃទី៣ ខែមិថុនា។

បើ​តាម​ គ..ប​ កាលវិភាគ​នៃ​ការ​ចាក់​ផ្សាយ​គោលនយោបាយ​ និង​កម្មវិធី​នយោបាយ​របស់​គណបក្ស​នយោបាយ​នេះ មាន​រយៈពេល ២ម៉ោង​ ពោល​គឺ​ពី​ម៉ោង​ ៨ព្រឹក​ ដល់​ម៉ោង​ ១០ព្រឹក​ និង​ម៉ោង​ ៣កន្លះ​រសៀល ដល់​ម៉ោង ៥កន្លះ​រសៀល​ តាម​ទូរទស្សន៍​ជាតិ​កម្ពុជា។ ក្រៅពី​នោះ​ ក៏​មាន​ការផ្សាយ​តាម​វិទ្យុជាតិ AM 918 kHz ពី​ម៉ោង​ ៦ព្រឹក ដល់​ម៉ោង ៨ព្រឹក និង​ពី​ម៉ោង ៥រសៀល ដល់​ម៉ោង៧​យប់។ សម្រាប់​បង់ FM វិញ កម្មវិធី​របស់ គ..ប​ មាន​ផ្សាយ​តាម​វិទ្យុ FM 96 MHz ពី​ម៉ោង​ ៨ព្រឹក​ ដល់​ម៉ោង​ ១០ព្រឹក, ពេល​យប់​ពី​ម៉ោង ៨កន្លះ ដល់ម៉ោង ១០កន្លះ និង​តាម​វិទ្យុ​វត្តភ្នំ FM 105.70 MHz ពេល​ព្រឹក​ពី​ម៉ោង​ ៦ ដល់​ម៉ោង​ ៨ និង​​ពី​ម៉ោង​ ៥ល្ងាច​ ដល់​ម៉ោង​ ៧យប់​។

ការបោះឆ្នោត​ជ្រើសរើស​ក្រុមប្រឹក្សា​ឃុំ​សង្កាត់​ ប្រព្រឹត្តទៅ​នៅ​ថ្ងៃអាទិត្យ​ ទី០៥ ខែមិថុនា។ ការ​បោះ​ឆ្នោត​នេះ មាន​ការចូលរួម​ពី​គណបក្ស​នយោបាយ​សរុប ១៧​គណបក្ស​ ក៏​ប៉ុន្តែ ពុំ​មាន​វត្តមាន​គណបក្ស​សង្គ្រោះ​ជាតិ​ ដែល​ត្រូវ​បាន​តុលាការ​កំពូល​ទម្លាយ​ចោល​កាល​ពី​ចុងឆ្នាំ​២០១៧​​នោះ​ទេ។​ គ..ប​ រង​ការ​រិះ​គន់​ថា​ ខ្វះ​ឯករាជ្យ​ ពុំ​អព្យាក្រឹត្យ និង​ជា​ឧបករណ៍​ចាំ​ប្រថាប់​ត្រា​ផ្តល់​ភាព​ស្រប​ច្បាប់​ឱ្យ​គណបក្ស​កាន់​អំណាច​ ដោយ​សារ​តែ​សមាជិក​ជាន់ខ្ពស់ រហូត​ដល់​សមាជិក​ថ្នាក់​កណ្តាល​របស់​ស្ថាប័ន​នេះ ភាគច្រើន​សុទ្ធសឹងតែ​ជា​មន្ត្រី​តែងតាំង​ដោយ​បក្ស​កាន់អំណាច ខណៈ​ពុំមាន​តំណាងមក​ពី​គណបក្ស​នយោបាយ​ដទៃទៀត ឬ​អង្គការ​សង្គម​ស៊ីវិល​ឡើយ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

រឿង​ដែល​គេ​អាន​​ច្រើន​បំផុត
នយោបាយ
បក្សភ្លើងទៀន​រំឭក​ខួប​២៧​ឆ្នាំ និង​កំណត់​ទិសដៅ​ប្រកួតប្រជែង​ការ​បោះឆ្នោត​ឆ្នាំ២០២៣
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។