អាជ្ញាធរកម្ពុជា នៅថ្ងៃទី២៦ ខែកញ្ញានេះ បានបិទរូបថត លោក សម រង្ស៉ី និងថ្នាក់ដឹកនាំគណបក្សសង្គ្រោះជាតិចំនួន ៨នាក់ផ្សេងទៀត នៅតាមច្រកព្រំដែនប្រទេសជិតខាងចូលមកប្រទេសកម្ពុជា។
សាលាដំបូងរាជធានីភ្នំពេញសម្រេចចោទប្រកាន់លោក សម រង្ស៉ី និងថ្នាក់ដឹកនាំពីបទ «ឧបឃាត» ពាក់ព័ន្ធការប៉ុនប៉ងធ្វើរដ្ឋប្រហារ ផ្ដួលរំលំរាជរដ្ឋាភិបាលស្របច្បាប់ ក្រោមឧបាយកល ជាផែនការនៃការវិលត្រឡប់ចូលប្រទេសកម្ពុជា ដោយបិទផ្ទាំងរូបថតនៅតាមច្រកព្រំដែន ដូចជា ប្រទេសថៃ ប្រទេសម៉ាឡេស៊ីជាដើម ដោយយោងតាមមាត្រា៤៥១ នៃក្រមព្រហ្មទណ្ឌ ដែលអាចមានទោសពី ១៥ឆ្នាំ ទៅ ៣០ឆ្នាំ។
អ្នកទាំងនោះរួមមាន លោក សម រង្ស៉ី លោក អេង ឆៃអ៊ាង អ្នកស្រី មូរ សុខហួរ លោក អ៊ូ ច័ន្ទឬទ្ធិ លោក ហូរ វ៉ាន់ លោក ឡុង រី លោក ម៉ែន សុថាវរិន្រ្ទ អ្នកស្រី ជូឡុង សូមួរ៉ា និងលោក នុត រំដួល។
តើការបិទរូបថតមេដឹកនាំគណបក្សសង្គ្រោះជាតិទាំងនេះ ជាការបង្អាក់ ឬនាំឲ្យភ័យខ្លាច អាចជាការរាំងដំណើរវិលចូលស្រុកវិញឬទេ?
សូមលោកអ្នកនាងស្ដាប់កិច្ចសម្ភាសន៍តាមទូរស័ព្ទរវាងអ្នកស្រី ខែ សុណង និងលោក អ៊ូ ច័ន្ទឬទ្ធិ ជា អ្នកនាំពាក្យដំណើរមាតុភូមិនិវត្តន៍របស់លោក សម រង្ស៊ី និងក្រុមមន្ត្រីគណបក្សសង្គ្រោះជាតិ...
(រូបថតដែលអាជ្ញាធរបិទប្រកាសឱ្យឃាត់ខ្លួននៅច្រកព្រំដែន។ រូបថតគេផ្ដល់ឱ្យ)
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។