សកម្មជនគណបក្សប្រឆាំង លោក ផន ផាន់ណា ដែលលោក ហ៊ុន សែន ដាក់គោលដៅកម្ចាត់ឱ្យខាងតែបាន ទោះប្រើមធ្យោបាយអ្វីក៏ដោយនោះ បានរួចផុតពីប៉ុនប៉ងយាយីនេះហើយ។ លោក និងភរិយា ព្រមទាំងកូនប្រុសតូច ២នាក់ បានចាកចេញពីប្រទេសថៃ មកដល់សហរដ្ឋអាមេរិកដោយសុវត្ថិភាពហើយ កាលពីប៉ុន្មានម៉ោងមុននេះ។
លោក ហ៊ុន សែន កាលពីខែកញ្ញាកន្លងទៅ បានដាក់បញ្ជាឱ្យកូនចៅរបស់លោកសហការជាមួយអាជ្ញាធរថៃ ហើយប្រើប្រាស់ទាំងកម្លាំងសម្ងាត់ និងចំហ ដើម្បីតាមចាប់ខ្លួនលោក ផន ផាន់ណា បញ្ជូនមកស្រុកខ្មែរវិញ។ ក្នុងសារសំឡេងបែកធ្លាយជាង ២នាទី លោក ហ៊ុន សែន បានសង្កត់ធ្ងន់ថា «តម្លៃណាក៏ដោយ រស់ ឬស្លាប់» មិនអាចឱ្យលោក ផន ផាន់ណា ចេញទៅណាបានឡើយ ដោយលោកចោទថា លោក ផន ផាន់ណា បានរៀបចំបំផុសចលនាផ្សេងៗ។
ទោះជាយ៉ាងណាក្ដី ក្រោយជាន់ទឹកដីអាមេរិកភ្លាម លោក ផន ផាន់ណា បានបង្ហោះសារលើហ្វេសប៊ុក (Facebook) ថា លោក ហ៊ុន សែន បរាជ័យតាមសម្លាប់លោក ដោយសារប្រទេសជិតខាង និងអង្គការសិទ្ធិមនុស្ស តម្កល់ប្រយោជន៍សិទ្ធិមនុស្ស និងប្រជាធិបតេយ្យជាធំ ហើយរួមគ្នាការពាររូបលោក។
សម្រាប់លោកអ្នក ដែលចង់អានព័ត៌មានអំពីលោក ផន ផាន់ណា ជាភាសាអង់គ្លេស សូមចុចលើតំណភ្ជាប់នេះ៖ Cambodian opposition activist flees to US amid Hun Sen threats
Phorn Phanna said he recently moved 'from one hotel to another' to evade arrest.
A former Cambodian opposition party official who fled to Thailand several years ago has arrived in the United States days after Senate President Hun Sen ordered authorities to work with Thai officials to bring him back to Phnom Penh.
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។