តុលាការកំពូលសម្រេចឱ្យលោក អៀ ចាន់ណា សកម្មជនបក្សភ្លើងទៀន នៅក្នុងដដែលឃុំដដែល
2022.10.28
(រូបឯកសារ) លោក អៀ ចាន់ណា សកម្មជនបក្សភ្លើងទៀន ក្នុងវីឌីអូរបស់លោក និយាយអំពីវិធានការបង្ការជំងឺកូវីដ១៩ កាលពីថ្ងៃទី១១ ខែមេសា ឆ្នាំ២០២០។
រូប៖ ហ្វេសប៊ុកលោក Ir Channa
តុលាការកំពូលសម្រេចមិនអនុញ្ញាតឱ្យសកម្មជនបក្សភ្លើងទៀន លោក អៀ ចាន់ណា នៅក្រៅឃុំ បណ្ដោះអាសន្ន តាមការស្នើសុំទេ។ ការសម្រេចនេះក្នុងពេលតុលាការបើកសវនាការបណ្ដឹងសុំនៅក្រៅឃុំរបស់ លោក អៀ ចាន់ណា នៅថ្ងៃទី២៨ ខែតុលា។
មេធាវីការពារក្ដី លោក អៀ ចាន់ណា គឺលោក ជូង ជូងី រិះគន់ថា សេចក្ដីសម្រេចរបស់តុលាការកំពូលពេលនេះថា មិនបានផ្ដល់យុត្តិធម៌ដល់កូនក្ដីរបស់លោកទេ។ លោកមេធាវី លើកឡើងទៀតថា លោក អៀ ចាន់ណា មិនបានធ្វើសកម្មភាពជាមួយមួយថ្នាក់ដឹកនាំគណបក្សសង្គ្រោះជាតិ នោះទេ ដូចការចោទប្រកាន់របស់តុលាការឡើយ។
សាលាដំបូងរាជធានីភ្នំពេញ បានចោទប្រកាន់ លោក អៀ ចាន់ណា ពីបទរួមគំនិតក្បត់ ប្រព្រឹត្តិនៅប្រទេសកម្ពុជា និងទីកន្លែងផ្សេងទៀត កាលពីឆ្នាំ២០២០។ សមត្ថកិច្ច បានចាប់ខ្លួន លោក អៀ ចាន់ណា ក្នុងអំឡុងពេលសកម្មជននយោបាយរូបនេះ បានចូលរួមយុទ្ធនាការរកសំឡេងឲ្យគណបក្សភ្លើងទៀន កាលពីការបោះឆ្នោតឃុំសង្កាត់អាណត្តិទី៥។ លោកមេធាវី ជូង ជូងី ឱ្យដឹងថា សំណុំរឿងនេះ តុលាការមិនទាន់បើកសវនាការជំនុំជម្រះ នៅឡើយ ប៉ុន្តែតុលាការបានឃុំកូនក្ដីលោកជាជាមួយឧក្រិដ្ឋជនផ្សេងទៀត ដែលករណីនេះបង្កការគំរាមកំហែង និងធ្វើឱ្យកូនក្ដីរបស់មានរងការភិតភ័យ។ លោកមេធាវីចង់ឃើញតុលាការ ឆាប់កំណត់ថ្ងៃបើកសវនាការជំនុំជម្រះលោក អៀ ចាន់ណា ដើម្បីរកឱ្យឃើញសកម្មជននយោបាយរូបនេះ មានទោស ឬគ្មានទោស។
សកម្មជននយោបាយ និងជាអ្នកឃ្លាំមើលបញ្ហាព្រំដែន រូបនេះបានភៀសខ្លួនរស់នៅប្រទេសន័រវេស៍ (Norway) ហើយលោកក៏មានសញ្ជាតិន័រវេស៍ដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- សភាកម្ពុជាប្រតិកម្មទៅនឹងការសម្រេចរបស់សភាអឺរ៉ុបរឿងដកប្រព័ន្ធអនុគ្រោះពន្ធEBA បន្ថែម
- មន្ត្រីជាន់ខ្ពស់ និងឧកញ៉ា សុំលោក ហ៊ុន សែន ឱ្យជួយរកយុត្តិធម៌ដោយមិនពឹងតុលាការ
- កម្ពុជារកចំណូលបាន ១.៤ពាន់លានដុល្លារ ពីកំណើនភ្ញៀវទេសចរបរទេសក្នុងឆ្នាំ២០២២
- លោក ហ៊ុន សែន មិនគាំទ្រដីកាតុលាការ ICC ដើម្បីចាប់ខ្លួនមេដឹកនាំរុស្ស៊ី
- ពិធីមង្គលការរបស់ពលករខ្មែរនៅប្រទេសថៃ
អត្ថបទពេញនិយម
នយោបាយ
- អ្នកឃ្លាំមើល ថា លោក ហ៊ុន សែន ទំនងលែងទុកចិត្តអ្នកណាក្រៅពីកូនរបស់ខ្លួនហើយ
- លោក ហ៊ុន សែន ជួយលោក ហ៊ុន ម៉ាណែត ឱ្យឡើងសក្ដិមួយកម្រិតទៀត
- អាជ្ញាធរក្រុងភ្នំពេញ ចាប់ខ្លួនមន្ត្រីគណបក្សភ្លើងទៀន៣នាក់
- តុលាការឧក្រិដ្ឋកម្មអន្តរជាតិចេញដីកាចាប់ខ្លួនប្រធានាធិបតីរុស្ស៊ីពីបទឧក្រិដ្ឋកម្មសង្គ្រាម
- ចិនបញ្ជូនកងទ័ពជាង២០០នាក់មកធ្វើសមយុទ្ធនាគមាសឆ្នាំ២០២៣ជាមួយកម្ពុជា