អាមេរិក​ដាក់​ទណ្ឌកម្ម​ក្បាល​ម៉ាស៊ីន​ដឹកនាំ​របប​លោក ហ៊ុន សែន ដែល​បំផ្លាញ​ប្រជាធិបតេយ្យ និង សិទ្ធិមនុស្ស​ធ្ងន់ធ្ងរ

លោក ជុន ច័ន្ទបុត្រ និង​ មួង ណារ៉េត
2018-07-26
អ៊ីម៉ែល
មតិ
Share
បោះពុម្ព
រូបពីឆ្វេងទៅស្តាំ ជួរខាងលើជួរទី១៖ លោក ទៀ បាញ់, លោក ប្រាក់ សុខុន, លោក អូន ព័ន្ធមុនីរ័ត្ន, ស៊ុន ចាន់ថុល និង លោក កើត រិទ្ធ ជួរទី២៖ លោក ឱម យ៉ិនទៀង, លោក ជួន សុវណ្ណ, លោក ប៉ុល សារឿន, លោក នេត សាវឿន និងលោក សៅ សុខា, ជួរទី៣៖ លោក គុន គីម, លោក ហ៊ីង ប៊ុនហៀង, លោក ហ៊ុន ម៉ាណែត, លោកស្រី ហ៊ុន ម៉ាណា និង លោក សុខ ពុទ្ធីវុធ (រូបធំជាងគេឆ្វេងដៃខាងលើ គឺរូបលោក ហ៊ុន សែន និង ខាងក្រោមគឺលោក ស ខេង)។
រូបពីឆ្វេងទៅស្តាំ ជួរខាងលើជួរទី១៖ លោក ទៀ បាញ់, លោក ប្រាក់ សុខុន, លោក អូន ព័ន្ធមុនីរ័ត្ន, ស៊ុន ចាន់ថុល និង លោក កើត រិទ្ធ ជួរទី២៖ លោក ឱម យ៉ិនទៀង, លោក ជួន សុវណ្ណ, លោក ប៉ុល សារឿន, លោក នេត សាវឿន និងលោក សៅ សុខា, ជួរទី៣៖ លោក គុន គីម, លោក ហ៊ីង ប៊ុនហៀង, លោក ហ៊ុន ម៉ាណែត, លោកស្រី ហ៊ុន ម៉ាណា និង លោក សុខ ពុទ្ធីវុធ (រូបធំជាងគេឆ្វេងដៃខាងលើ គឺរូបលោក ហ៊ុន សែន និង ខាងក្រោមគឺលោក ស ខេង)។
RFA

សភា​អាមេរិក នៅ​ថ្ងៃទី២៦ ខែ កក្កដា​នេះ បាន​អនុម័ត​ច្បាប់​ប្រជាធិបតេយ្យ​កម្ពុជា​ឆ្នាំ​២០១៨ ដាក់​ទណ្ឌកម្ម​ក្បាលម៉ាស៊ីន ដឹកនាំ​របប​លោក ហ៊ុន សែន ទាំងអស់​ដែល​ចូល​ដៃ ក្នុង​ការ​បំផ្លាញ​ប្រជាធិបតេយ្យ និង​សិទ្ធិមនុស្ស​ធ្ងន់ធ្ងរ​នៅ​កម្ពុជា។ ពាក់ព័ន្ធ​នឹង​ការ​អនុម័ត​ច្បាប់ ដាក់​ទណ្ឌកម្ម​មន្ត្រី​របប​លោក ហ៊ុន សែន នេះ លោក ជុន ច័ន្ទបុត្រ សាកសួរ​លោក មួង ណារ៉េត ​ជុំវិញ​រឿង​នេះដូច​តទៅ​៖

ជុន ច័ន្ទបុត្រ៖ ក្បាលម៉ាស៊ីន​ដឹកនាំ​របប​លោក ហ៊ុន សែន មាន​ច្រើន​នាក់​ណាស់​លោក មួង ណារ៉េត តើ​ជា​ដំបូង ច្បាប់​នេះ កំណត់​បុគ្គល​ប៉ុន្មាន​នាក់​ដែល​ត្រូវ​ដាក់​ទណ្ឌកម្ម?

មួង ណារ៉េត៖ បាទ​! ដោយសារ​ក្បាលម៉ាស៊ីន​ដឹកនាំ​របប​លោក ហ៊ុន សែន មាន​មនុស្ស​ច្រើន ជា​ដំបូង​ច្បាប់​នេះ ផ្តោត​លើ​តែ​បុគ្គល​ចំនួន ១៧​រូប​សិន​ទេ។

ជុន ច័ន្ទបុត្រ៖ អ្នក​ទាំង ១៧នាក់​នោះ មាន​នរណា​ខ្លះ?

មួង ណារ៉េត៖ បុគ្គល​ដំបូង​គេ គឺ​លោកនាយក​រដ្ឋមន្ត្រី ហ៊ុន សែន ដែល​ជា​ប្រធាន​គណបក្ស​ប្រជាជន​កម្ពុជា ផ្ទាល់​តែម្ដង។ បន្ទាប់​មក អនុប្រធាន​គណបក្ស​ប្រជាជន និង​ជា​រដ្ឋមន្ត្រី​ក្រសួងមហាផ្ទៃ​លោក ស ខេង។ អ្នក​ទីបី គឺ​រដ្ឋមន្ត្រី​ការពារ​ជាតិ​លោក ទៀ បាញ់។ បន្ត​មក​ទៀត គឺ​មាន​រដ្ឋមន្ត្រី​បី​រូប​ទៀត គឺ​រដ្ឋមន្ត្រី​ក្រសួង​សេដ្ឋកិច្ច និង​ហិរញ្ញវត្ថុ គឺ​លោក អូន ព័ន្ធមុន្នីរ័ត្ត និង​រដ្ឋមន្ត្រីក្រសួង​សាធារណការ និង ដឹកជញ្ជូន​លោក ស៊ុន ចាន់ថុល និង​រដ្ឋមន្ត្រី​ក្រសួងការបរទេស​លោក ប្រាក់ សុខុន។ ក្រៅពីនោះ​មាន​ឧត្ដមសេនីយ៍ មេទ័ព​គ្រាក់ៗ និង​ស្នងការ​រង​នគរបាល​ជាតិ​ផង ដូចជា​លោក ប៉ុល សារឿន នាយ​ឧត្ដមសេនីយ៍​ផ្កាយ​មាស​៤ និង​ជា​អគ្គមេបញ្ជាការ​នៃ​កងយោធពល​ខេមរភូមិន្ទ លោក នេត សាវឿន នាយ​ឧត្ដមសេនីយ៍​ផ្កាយ​មាស​៤ និង​ជា​អគ្គស្នងការ​នគរបាល​ជាតិ លោក គន់ គីម នាយ​ឧត្ដមសេនីយ៍​ផ្កាយ​មាស​៤ និង​ជា​អគ្គមេបញ្ជាការ​រង​នៃ​កងយោធពល​ខេមរភូមិន្ទ និង​ជា​នាយសេនាធិការ​ចម្រុះ លោក សៅ សុខា នាយ​ឧត្ដមសេនីយ៍​ផ្កាយ​មាស ៤ និង​ជា​អគ្គមេបញ្ជាការ​រង​នៃ​កងយោធពល​ខេមរភូមិន្ទ និង​ជា​មេបញ្ជាការ​កងរាជអាវុធហត្ថ​លើ​ផ្ទៃ​ប្រទេស លោក ហ៊ីង ប៊ុនហៀង នាយ​ឧត្ដមសេនីយ៍​ផ្កាយ​មាស​៤ និង​ជា​អគ្គបញ្ជាការរង​នៃ​ទីបញ្ជាការដ្ឋាន​កង​អង្គរក្ស​លោក ហ៊ុន សែន លោក ជួន សុវណ្ណ នាយ​ឧត្ដមសេនីយ៍​ផ្កាយ​មាស​៤ និង​ជា​អគ្គ​ស្នងការ​រង​នគរបាល​ជាតិ និង​ជា​ស្នងការ​នគរបាល​រាជធានី​ភ្នំពេញ។ ប្រធាន​អង្គភាព​ប្រឆាំង​អំពើពុករលួយ លោក ឱម យ៉ិនទៀង ដែល​ជា​ទីប្រឹក្សា​លោក ហ៊ុន សែន ដែរ​នោះ ក៏​មាន​ឈ្មោះ​ក្នុង​បញ្ជី​ខ្មៅ​នេះ​ដែរ។ លោក កើត រិទ្ធិ ដែល​ជា​រដ្ឋលេខាធិការ​ក្រសួងយុត្តិធម៌ ក៏​ជាប់​ឈ្មោះ​ដែរ។ នៅសល់​ប៉ុន្មាន​ចុងក្រោយ នោះ​គឺ​ក្រុម​គ្រួសារ​ត្រកូល​ហ៊ុន​ទាំងអស់ រួមមាន​កូនប្រុស​ច្បង​លោក ហ៊ុន សែន គឺ​លោក ហ៊ុន ម៉ាណែត ឧត្ដមសេនីយ៍​ផ្កាយ​៣ ដែល​ជា​អគ្គមេបញ្ជាការ​រង​កង​ទ័ពជើងគោក ជា​មេ​បញ្ជាការរង​កង​អង្គរក្ស ជា​មេបញ្ជាការ​កម្លាំង​ពិសេស​ប្រឆាំង​ភេរវកម្ម និង​ជា​នាយរង​សេនាធិការ​ចម្រុះ​នៃ​កងយោធពល​ខេមរភូមិន្ទ កូនស្រី​លោក ហ៊ុន សែន គឺ​លោកស្រី ហ៊ុន ម៉ាណា ដែល​គ្រប់គ្រង​អាជីវកម្ម​ជាច្រើន​វិស័យ​នៅ​កម្ពុជា និង​កូនប្រសា​រលោក ហ៊ុន សែន ដែល​ជា​កូនបង្កើត​លោក សុខ អាន គឺ​លោក សុខ ពុទ្ធិវុធ ដែល​មាន​តំណែង​ជា​ប្រធាន​ក្រុមប្រឹក្សាភិបាល​ទូរគមនាគមន៍​កម្ពុជា ព្រមទាំង​ជា​ថៅកែ​ក្រុមហ៊ុន​ធំៗ​មួយ​ចំនួន​នៅ​កម្ពុជា។

ជុន ច័ន្ទបុត្រ៖ លោក ហ៊ុន សែន និង​កូនៗ និង​កូន​ប្រសារ រួម​ទាំង​មន្ត្រី​ជំនិត​របស់​គាត់ សុទ្ធតែ​ត្រូវ​រង​ទណ្ឌកម្ម​ដូច្នេះ តើ​ខាង​របប​លោក ហ៊ុន សែន មាន​ប្រតិកម្ម​យ៉ាង​ណាដែរ?

មួង ណារ៉េត៖ មិន​ខុស​ពី​រាល់ដង​ដែរ ចំពោះ​របប​លោក ហ៊ុន សែន គឺ​ហាក់​ដូច​ជា​គ្មាន​អ្វី​ភ្ញាក់ផ្អើល​នឹង​ទណ្ឌកម្ម​នេះ​ទេ ព្រោះ​សហរដ្ឋអាមេរិក បាន​ព្រមាន​យូរ​ក្រែល​ដែរ​ហើយ តែ​របប​លោក ហ៊ុន សែន មិន​ខ្ចី​ខ្វល់។ អ្នកនាំពាក្យ​របប​លោក ហ៊ុន សែន លោក ផៃ ស៊ីផាន អះអាង​ថា ទណ្ឌកម្ម​នេះ មិន​ប៉ះពាល់​អ្វី​ដល់​កម្ពុជា​ទេ ព្រោះ​កម្ពុជា​ជា​រដ្ឋ​ឯករាជ្យ មិន​ចំណុះ​ក្រោម​ឥទ្ធិពល​សហរដ្ឋ​អាមេរិក​នោះ​ឡើយ៖ «ការសម្រេច​ច្បាប់​នេះ គឺ​គ្រាន់តែ​ជា​ការ​វាយប្រហារ និង​ប្រមាថ​ដល់​កិត្តិយស នៃ​បុគ្គល​ដែល​ប្រជាពលរដ្ឋ​ខ្មែរ​ចាត់ទុកជា​វីរជន​នោះ​ទេ ពីព្រោះ​គាត់​ទាំងអស់​នោះ​ហើយ ដែល​មាន​ស្នាដៃ​រំដោះ​ជីវិត​កម្ពុជា និង​មាន​ស្នាដៃ​កសាង​ប្រទេស​កម្ពុជា រហូតដល់​ពេលនេះ ក្រៅពី​និន្នាការ​នយោបាយ​ប្រឆាំង​នឹង​វីរជន​ទាំងអស់​នោះ។ ច្បាប់​នេះ មាន​ទិស​ទៅ​គ្រាន់តែ​ចង់​បំផ្លាញ​កិត្តិយស​តែប៉ុណ្ណោះ​ឯង។ ហើយ​បើ​ច្បាប់​នោះ មាន​គោលដៅ​អនុវត្ត​ទៅ​អ្វី​ផ្សេងទៀត ខ្ញុំ​មើល​មិន​ឃើញ​ថា​មាន​ឥទ្ធិពល​ទេ ដោយសារ​កម្ពុជា ស្ថិត​ជា​ប្រទេស​មួយ​ឯករាជ្យ។ ការបោះឆ្នោត ការ​ជ្រើសតាំង​នៃ​អ្នកតំណាង​របស់​ខ្លួន នៃ​រដ្ឋាភិបាល​របស់​ខ្លួន គឺ​ឈរ​ទៅលើ​សិទ្ធិ​​សេរីភាព​ស្វ័យ​សម្រេច ដែល​ទទួលខុសត្រូវ​ជោគវាសនា​របស់​ខ្លួន។ ហើយ​ការបោះឆ្នោត​នេះ គឺ​មិនមែន​ជា​ការបោះឆ្នោត សម្រាប់​បម្រើ​ផលប្រយោជន៍ ក្រុម​នយោបាយ​មួយ​ចំនួន​នៅ​សហរដ្ឋអាមេរិក​នោះ​ទេ»

ជុន ច័ន្ទបុត្រ៖ នៅ​ពេល​ច្បាប់​នេះ ចូល​ជា​ធរមាន តើ​បុគ្គល​ទាំងអស់​នោះ នឹង​រង​ទណ្ឌកម្ម​អ្វីខ្លះ​?

មួង ណារ៉េត៖ ច្បាប់​នេះ មាន​គោលដៅ​ជាពិសេស គឺ​បិទ​ទិដ្ឋាការ មិន​ឲ្យ​បុគ្គល​ដែល​រង​ទណ្ឌកម្ម​ទាំងនេះ ចូល​ដឹក​ដី​អាមេរិក​។ មិនតែប៉ុណ្ណោះ ច្បាប់​នេះ ក៏​បង្កក​ទ្រព្យសម្បត្តិ ដែល​អ្នក​ទាំងនេះ អាច​មាន​នៅ​ក្នុង​យុត្តាធិការ ឬ​ដែន​សមត្ថកិច្ច​របស់​អាមេរិក។

ជុន ច័ន្ទបុត្រ៖ តើ​ច្បាប់​នេះ នឹង​ត្រូវ​ការ​ពេល​ប៉ុន្មាន​ថ្ងៃ ទើប​ចូល​ជា​ធរមាន ហើយ​វា​មាន​ឥទ្ធិពល​ប៉ុនណា?

មួង ណារ៉េត៖ អ្នកច្បាប់​អន្តរជាតិ និង​ជា​មេធាវី​ជនជាតិ​អង់គ្លេស​លោក រីឆាត រ៉ូជើរ (Richard Rogers) ពន្យល់​ថា ច្បាប់​នេះ​អាច​ត្រូវការ​ពេល​ប្រាំ​មួយ​ខែ ឬ​ក៏​ឆាប់​ជាង​នេះ អាស្រ័យ​ទៅ​លើ​ភាព​បន្ទាន់ និង​ឆន្ទានុសិទ្ធិ​របស់​ប្រធានាធិបតី​អាមេរិក លោក ដូណាល់ ត្រាំ ដែល​ត្រូវ​ចុះហត្ថលេខា ដាក់​ឲ្យ​ប្រើប្រាស់៖ «ពេល​ដែល​សំណើ​ច្បាប់​នេះ ត្រូវ​បាន​អនុម័ត និង​ដាក់​ឲ្យ​ចូល​ជា​ធរមាន​រួច ច្បាស់​ណាស់ វា​នឹង​មាន​ឥទ្ធិពល​ខ្លាំង។ ប៉ុន្តែ​ឥទ្ធិពល​នេះ គឺ​ចាំ​រហូតដល់ ១៨០​ថ្ងៃក្រោយ​ចេញ​ច្បាប់​នេះ​សិន ទើប​ឃើញច្បាស់។ ពេលនោះ យើង​នឹង​ឃើញ​បញ្ជីរាយនាម​បុគ្គល ដែល​ត្រូវ​រង​ទណ្ឌកម្ម។ ទណ្ឌកម្ម​ទាំងនោះ​រួមមាន ការ​បង្កក​ទ្រព្យសម្បត្តិ​របស់​មន្ត្រី​ទាំងនោះ ដែល​មាននៅ​សហរដ្ឋអាមេរិក ទាំង​ជា​ទ្រព្យ​បុគ្គល ឬ​ជា​ក្រុមហ៊ុន និង​ការ​ហាមឃាត់​ទិដ្ឋាការ​ធ្វើដំណើរ​មកកាន់​ទឹកដី​អាមេរិក។ មានន័យថា មន្ត្រី​របប​លោក ហ៊ុន សែន មិន​អាច​ជាន់​ដី​អាមេរិក​បានទេ លើកលែងតែ​ក្នុង​ករណី​មក​ប្រជុំ​អង្គការសហប្រជាជាតិ​ប៉ុណ្ណោះ។ ទណ្ឌកម្ម​នេះ គឺ​ដាក់​លើ​ជន​ទាំងឡាយ​ណា ដែល​បាន​ចូល​ដៃ​ចូល​ជើង ក្នុង​ការ​បំផ្លាញ​ប្រជាធិបតេយ្យ​នៅ​កម្ពុជា និង​ជន​ដែល​រំលោភ​សិទ្ធិមនុស្ស ដែល​ពាក់ព័ន្ធ​នឹង​ការបំផ្លាញ​ប្រជាធិបតេយ្យ​នេះ​ដែរ។ បើ​និយាយ​ពី​ជន​ដែល​ជាប់​ពាក់ព័ន្ធ​វិញ គឺ​មាន​ច្រើន​ស្អេកស្កះ នៅ​ស្រុក​ខ្មែរ​។ ដូច្នេះ បញ្ជី​ខ្មៅ​ច្បាស់​ជា​វែង​ខ្លាំង​ណាស់​ហើយ»

ជុន ច័ន្ទបុត្រ៖ តើ​ច្បាប់​នេះ ពាក់ព័ន្ធ​គ្នា​យ៉ាងម៉េច​ខ្លះ ទៅ​នឹង the US Global Magnitsky Act?

មួង ណារ៉េត៖ លោក​មេធាវី រីឆាត រ៉ូយជើរ ពន្យល់​បន្ថែម​ថា ច្បាប់ Global Magnitsky Act ដែល​ជា​វិធានការ​ដាក់ទណ្ឌកម្ម​សាកល​នេះ ដែល​មាន​ស្រាប់​នេះ គឺ​មិន​ខុស​ពី​ច្បាប់​ថ្មី​នេះ​ប៉ុន្មាន​ទេ ខុសគ្នា​ត្រង់​តែ​ថា វា​ប្រើ​សម្រាប់​ដាក់ទណ្ឌកម្ម​ប្រទេស​ណាមួយ​ក៏បាន ពេលណា​ក៏បាន។ ច្បាប់​ចាស់ និង សំណើ​ច្បាប់​ថ្មី​នេះ ដែល​ហៅថា​ច្បាប់​ប្រជាធិបតេយ្យ​កម្ពុជា​ឆ្នាំ​២០១៨ នេះ គឺ​មាន​គោលដៅ​ដាក់ទណ្ឌកម្ម តែ​លើ​របប​លោក ហ៊ុន សែន មួយ។ ប៉ុន្តែ ច្បាប់​ទាំងពីរ​នេះ ជួយ​បំពេញ​គ្នា​ទៅវិញទៅមក​។ អ្វី​ដែល​គួរ​កត់​សម្គាល់ ចំពោះ​សំណើ​ច្បាប់​ថ្មី​នេះ គឺ​ការ​បង្ហាញ​នូវ​ឆន្ទៈ​រួមគ្នា របស់​សមាជិកសភា​អាមេរិក ទាំង​បក្ស​កាន់អំណាច និង​បក្ស​ប្រឆាំង ដែល​សុទ្ធតែ​មានបំណង​ដាក់​សម្ពាធ​របប​លោក ហ៊ុន សែន ដើម្បី​ស្ដារ​លទ្ធិប្រជាធិបតេយ្យ​ឡើងវិញ​។ ដូច្នេះ នៅ​ពេល​ច្បាប់​ថ្មី​នេះ​ចេញ រដ្ឋាភិបាល​អាមេរិក នឹង​ប្រើ​គួប​គ្នា​ជាមួយ​ច្បាប់​មាន​ស្រាប់ ដើម្បី​ដាក់ទណ្ឌកម្ម​របប​លោក ហ៊ុន សែន កាន់តែ​ខ្លាំង និង​ប៉ះពាល់​ដល់​មន្ត្រី​របប​នេះ កាន់តែច្រើន​បន្ថែម​ទៀត ដើម្បី​ឲ្យ​របប​នេះ​បញ្ឈប់​ការរំលោភ​សិទ្ធិមនុស្ស​ត​ទៅទៀត។

ជុន ច័ន្ទបុត្រ៖ តើ​តំណាងរាស្ត្រ​អាមេរិក ពី​ខាង​បក្ស​ប្រឆាំង និង​បក្ស​កាន់អំណាច ដែល​រួមគ្នា ស្នើ​ច្បាប់​នេះ​ឡើង ចង់​ជួយ​អ្វីខ្លះ​ដល់​ប្រទេស​កម្ពុជា?

មួង ណារ៉េត៖ បាទ​! តំណាងរាស្ត្រ​អាមេរិក​លោក អេដ រ៉យស៍ (Ed Royce) ដែល​ជា​ប្រធាន​គណៈកម្មការ​កិច្ចការ​បរទេស​នៅ​រដ្ឋសភា ដែល​ចូលរួម​ជំរុញ​ឲ្យ​ចេញ​ច្បាប់​នេះ ថ្លែង​នៅ​ក្នុង​រដ្ឋសភា​ថា ពលរដ្ឋ​ខ្មែរ សម​នឹង​ទទួល​បាន​របប​ដឹកនាំ​មួយ ប្រសើរ​ជាង​ការដឹកនាំ​បែប​ផ្ដាច់ការ​របស់​លោក ហ៊ុន សែន ដូច​សព្វថ្ងៃ។ លោក អេដ រ៉យស៍ បន្ថែម​ទៀត​ថា ច្បាប់​នេះ​មាន​សារសំខាន់​ខ្លាំង​ណាស់ សម្រាប់​ពេល​ជិត​បោះឆ្នោត​នេះ និង​ជា​សារ​មួយ​បង្ហាញ​ទៅ​របប​លោក ហ៊ុន សែន ថា​សភា​អាមេរិក មិន​អត់ឱន​ឲ្យ​លោក ហ៊ុន សែន និង​របប​លោក ហ៊ុន សែន ក្នុង​ការ​បន្ត​រំលោភ​សិទ្ធិ​មនុស្ស និង ប្រជាធិបតេយ្យ​យ៉ាង​ធ្ងន់ធ្ងរ​ដូច្នេះ​បាន​នោះ​ឡើយ។

ចំណែកឯ តំណាងរាស្ត្រ​លោក ថិត យ៉ូហូ (Ted YOHO) សម្ដែង​ក្តី​សោមនស្ស ដែល​ច្បាប់​នេះ​អនុម័ត​នៅមុន​ការបោះឆ្នោត​នៅ​ថ្ងៃទី២៩ ខែ​កក្កដា។ លោក​បញ្ជាក់​ថា ពលរដ្ឋ​ខ្មែរ ត្រូវ​គេ​បោកប្រាស់ សិទ្ធិ ដែល​មិន​អាច​ឲ្យ​ពួកគាត់​ចូលរួម​បោះឆ្នោត​មួយ ដោយ​សេរី ត្រឹមត្រូវ និង​យុត្តិធម៌​បាន ដោយសារ​លោក ហ៊ុន សែន បន្ត​ក្រាញ​អំណាច និង ធ្វើទុក្ខបុកម្នេញ​សំឡេង​ប្រឆាំង​។ លោក​បន្ត​ថា ច្បាប់​ប្រជាធិបតេយ្យ​កម្ពុជា ២០១៨ នេះ នឹង​រាំង​ខ្ទប់​របប​លោក ហ៊ុន សែន កុំ​ឲ្យ​បន្ត​បំផ្លាញ​ប្រជាធិបតេយ្យ និង​រំលោភ​សិទ្ធិ​មនុស្ស​ធ្ងន់ធ្ងរ​បាន​តទៅទៀត។

ចំពោះ​លោក​តំណាងរាស្ត្រ​មួយ​រូប​ទៀត គឺ​លោក អាឡាន់ ឡូវេនថល (Alan Lowenthal) ថ្លែង​ថា​របប​លោក ហ៊ុន សែន បាន​ប្រឹងប្រែង​ធ្វើ​អ្វី​សព្វបែបយ៉ាង ដើម្បី​បន្ត​ក្រាញ​អំណាច ដោយ​មិន​ខ្លាច ក្នុង​ការ​បំផ្លាញ​ចោល​នូវ​ក្តី​សង្ឃឹម ដើម្បី​លទ្ធិ​ប្រជាធិបតេយ្យ​នៅ​កម្ពុជា។ ពលរដ្ឋ​ខ្មែរ​សមតែ​នឹង​ទទួល​បាន​ការបោះឆ្នោត មួយ​ដែល​សេរី ត្រឹមត្រូវ និង​យុត្តិធម៌ តែ​ជា​អកុសល ការបោះឆ្នោត​ខាងមុខនេះ គឺ​គ្មាន​អ្វី​ក្រៅពី​ការបោះឆ្នោត​តាម​បែប​បោក​បន្លំ និង ក្លែងក្លាយ​ប៉ុណ្ណោះ ដែល​ជា​ការរៀបចំ​ដោយ​របប​លោក ហ៊ុន សែន ដើម្បី​គ្រាន់តែ​បន្ត​ក្រាញ​អំណាច ជិះជាន់​ពលរដ្ឋ​ខ្មែរ​តទៅទៀត​។ លោក អាឡាន់ ក៏​បញ្ជាក់​ថា ច្បាប់​នេះ គឺជា​ការ​បញ្ជាក់​ថា បាបកម្ម​ដែល​លោក ហ៊ុន សែន បាន​សាង​ក្នុង​ការ​បំបាត់​សេរីភាព​របស់​ពលរដ្ឋ​ខ្មែរ នឹង​រង​ការ​តបស្នង​វិញ​យ៉ាង​ចាស់ដៃ។ លោក អាឡាន់ នឹង​មាន​បទសម្ភាសន៍​ដាច់ដោយឡែក​មួយ ចំពោះ​រឿង​នេះ នៅ​ក្នុង​ការផ្សាយ​របស់​យើង​នៅ​ពេល​ក្រោយ។

ជុន ច័ន្ទបុត្រ៖ សូម​អរគុណ

មួង ណារ៉េត៖ បាទ​! សូម​អរគុណ

សេចក្តី​កែតម្រូវ៖ ចំនួន​បុគ្គលដែលត្រូវ​បាន​ស្នើឲ្យ​ដាក់ទណ្ឌកម្មដំបូង​ មានទាំងអស់ ១៧ រូប។

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (3)
Share

ICC will setup more room for those criminals

Those who were committed too many horrible crimes,atrocities,crime against humanity in the last 4 decades with ever never face a justice and their govm't ever never responsibled or no hold anyone accountable would face a serious crime charges and bring them to justice at Hague Netherlands"ICC/world most wanted".Those criminals the world most wanted are comradeships Hun Sen,Sar Kheng"two heads machine",Tea Banh"pm defense",Prak Sokhon"foreign pm",Own Punirath,Sun Chantol"pm telecommunication",Kit Rith,Om Yin Tieng"pm ACU anti-Corruption Unit",Choun Sovann"head police officer",Pol Saroeun"Hun Sen's rapid deadly squad top commander",Net Savoeun"Hun Sen's deadly squad top commander 911 at Toul Krasaing based",Sao Sokha"pm national defense/Hitler's psycho student",Kong Kim"Hun Sen's left-wing radical commander/911"Hing Bunhieng"Hun Sen's 911 deadly squad commander",Hun Maneth"Hun Sen's intelligent agent officer/national homeland security officer/national defense etc...",Hun Mana"Hun Sen's daughter land grabber/corruption/business criminal conspiracy empire Inc.,Sok Putivuth,and plus 4 more are the top predators such as Mong Rithy "in land grabbing,drug smuggler,scams,drug kingpin,illegal logging trafficking,Tax evasion,tax loophole,illegal counterfeit,money laundering,sexual predator,Lyong Path"land grabber,business criminal conspiracy,illegal logging trafficking,money laundering,counterfeit,tax evasion,tax loophole",Try Pheap"illegal logging trafficking,illegal mining trafficking,land grabber,money laundering,drug smuggler,business criminal conspiracy and counterfeit",kit Meng"criminal business conspiracy Inc,land grabber,money laundering,illegal logging trafficking,counterfeit and much more,and Lao Meng Khin"business criminal conspiracy,money laundering,criminal minds,illegal slavery trafficking,drug cartel,illegal mines trafficking and much more.And the world will looking more who's the person of interest and bring them to face a justice ahead.

Aug 01, 2018 01:24 PM

GW Bush

ពី Ha Noi

All right, hun sen and Lê Đức Thọ boy hun manet you are the king of lawsuit. Now sue them sue the Congress of The United States of America, heh heh! Lê Đức Thọ BOY hun manet, pal used to beat them and used to live in USA land for a while in West Point, now come on show them you're a tough guy and fight like a MAN and don't be a chicken and coward!

Jul 26, 2018 08:03 AM

Pearannasey

ពី Chak Kro Val

I praise the decision made by US congress but we need to see some more of the bad guys around one-eyed Hun Sen. I left Cambodian Arm Force years ago and I believe there are lots more of them who need to be enlisted. May be the US will release that list later. But at least this is the first concrete step of the US toward this dictatorship regime.
Thanks for US congress.

Jul 26, 2018 03:21 AM

គេហទំព័រ​ទាំងមូល