ស្ត្រី​ម្នាក់​ត្រូវ​បង​ថ្លៃ​ចាប់​រំលោភ​ហើយ​សម្លាប់​នៅ​ក្រចេះ

មន្ត្រី​ប៉ូលិស និង​មន្ត្រី​សិទ្ធិ​មនុស្ស​នៅ​ខេត្ត​ក្រចេះ មាន​ទស្សនៈ​ស្រប​គ្នា​ថា ករណី​រំលោភ និង​ករណី​ឧក្រិដ្ឋកម្ម​សម្លាប់​នៅ​ឆ្នាំ​២០១០ មាន​ការ​កើន​ឡើង។
ដោយ ឱ ភារិទ្ធ
2011.03.31
Share on WhatsApp
Share on WhatsApp

លោក ស៊ុំ ធារិទ្ធ ឪពុក​ជន​រង​គ្រោះ​នៅ​ភូមិ​ឃុំ​ស្រុក​សម្បូណ៌ ខេត្ត​ក្រចេះ បាន​មាន​ប្រសាសន៍​កាល​ពី​ល្ងាច​ថ្ងៃ​ទី​៣០ មីនា ថា​កូន​ស្រី​លោក​អាយុ​១៨​ឆ្នាំ រៀន​ថ្នាក់​ទី​១១ បាន​ត្រូវ​ជន​ល្មើស​ជា​បង​ថ្លៃ​ចាប់​រំលោភ​ហើយ​សម្លាប់​កាល​ពី​ព្រឹក​ថ្ងៃ​ទី​២៩ មីនា វេលា​ម៉ោង​ប្រមាណ​បី​ភ្លឺ ៖ "ប៉ូលិស​សួរ​ចម្លើយ​វា​ថា​បាន​ត្រូវ​រ៉ូវ​គ្នា តាម​ការ​ពិត​វា​វ៉ៃ​សន្លប់​មាន​បែក​ឈាម​ខ្លះ បាន​ន័យ​ថា​វា​វ៉ៃ​សន្លប់​ហើយ​វា​យក​ចេញ​ទៅ​ក្រៅ​វា​រំលោភ ដឹង​ខ្លួន​ហើយ វា​វ៉ៃ​សម្លាប់​ចោល ភ្ញាក់​ឡើង​គេ​ចេញ​រក​ស៊ី​មើល​កូន​វា​បាត់​យើង​ឆោឡោ​ទៅ​ឃើញ​កូន​នៅ​ក្រឺត​ក្រកៗ អត់​ទាន់​ស្លាប់ ខ្ញុំ​យក​ទៅ​ដល់​ក្រចេះ វា​ក៏​ចុះ​ធ្វើ​ជួយ ប៉ុន្តែ​យើង​ដឹង​ខ្លះ​ទៅ​ប៉ូលិស​ក៏​ឃាត់​ខ្លួន"

មន្ត្រី​ប៉ូលិស​ទទួល​បន្ទុក​ផ្នែក​ព្រហ្មទណ្ឌ គឺ​លោក អ៊ុំ ភី បាន​មាន​ប្រសាសន៍​កាល​ពី​រសៀល​ថ្ងៃ​ទី​៣១ មីនា ថា​រឿង​នោះ​មិន​មែន​ជា​ករណី​រំលោភ​ទេ គឺ​ជា​ការ​រួម​សេពសន្ថវៈ​ដោយ​ស្រុះ​ស្រួល​គ្នា តែ​ពាក់ព័ន្ធ​ទៅ​និង​ករណី​ឃាតកម្ម​ដោយ​ចេតនា ដែល​លោក​បញ្ជាក់​ក្រោយ​ការ​ស៊ើប​អង្កេត​ថា ៖ "យើង​មើល​ឯកសារ​ហ្នឹង វា​មិន​អាច​ទៅ​រំលោភ​ទេ បើ​វា​គ្មាន​ចេតនា និង​ឲ្យ​លូក​ដៃ​ទៅ​ស្រែក​វ៉ាស​វា​ផ្អើល​ហើយ ប៉ុន្តែ​អា​ផ្ដើម​សម្លាប់​គឺ​ផ្ដើម​ចេញ​ពី​ការ​អត់​ទទួល​ខុស​ត្រូវ​ពី​ការ​រួម​ភេទ​នេះ​ឯង"

លោក អ៊ុំ ភី បាន​បន្ថែម​ថា ករណី​មនុស្ស​ឃាត​ក្នុង​ឆ្នាំ​២០១១ នេះ មាន ៩​ករណី​ហើយ ឯ​បទ​រំលោភ​មាន​ប្រមាណ ៥​ករណី​ដែល​ចែក​ដាច់​ចេញ​ពី​គ្នា ដែល​របាយ​ការណ៍​នេះ​មន្ត្រី​សិទ្ធិ​មនុស្ស​នៃ​សមាគម​អាដហុក គឺ​អ្នក​ស្រី ធីម ណារីម បាន​បញ្ជាក់​បន្ថែម​ថា ករណី​ទាំង​នោះ​មិន​មែន​កើន​ឡើង​ទេ គឺ​ដោយ​ហេតុ​ថា ពី​មុន​ប្រជា​ពល​រដ្ឋ​មិន​មាន​របាយ​ការណ៍​ប្តឹង​ដោយ​មិន​យល់​ពី​ច្បាប់ តែ​ក្រោយ​រួម​សហការ​ផ្សព្វ​ផ្សាយ​ពី​ច្បាប់ ទើប​កើត​មាន​ការ​ប្ដឹង​ជា​ច្រើន ដែល​មើល​ទៅ​ហាក់​ដូច​ជា​កើន​ឡើង។

ពាក់ព័ន្ធ​ករណី​សម្លាប់​យុវតី អាយុ​១៨​ឆ្នាំ នេះ ឪពុក​ជន​រង​គ្រោះ​សំណូមពរ​កុំ​ឲ្យ​មាន​ការ​ដោះ​លែង​ជន​ល្មើស​នៅ​ក្រៅ​ឃុំ ព្រោះ​លោក​បារម្ភ​ពី​សុវត្ថិភាព​បន្ទាប់​ពី​ឮ​ជន​ល្មើស​បោះ​ពាក្យ​សំដី​ថា​នឹង​សម្លាប់​ទាំង​ពូជ បើ​រួច​មក​វិញ។ ការ​បារម្ភ​នេះ​បន្ទាប់​ពី​ឪពុក​ជន​រង​គ្រោះ​បាន​និយាយ​ថា គាត់​បាន​ទទួល​ដំណឹង​ថា​ម្ដាយ​ជន​ល្មើស​បាន​ទូរស័ព្ទ​សួរ​សមត្ថកិច្ច​ថា ចំណាយ​ប៉ុន្មាន​ពាន់​ដុល្លារ​ទើប​ដោះ​រួច។ តែ​ពុំ​មាន​របាយ​ការណ៍​ពី​មន្ត្រី​ស្ថាប័ន​ណា​ម្នាក់​អះអាង​ពី​រឿង​នេះ​ឡើយ៕

រឿង​ដែល​គេ​អាន​​ច្រើន​បំផុត
RFA
ធនាគារ​ABA មិន​ព្រម​បើកប្រាក់​ជាង​១​ម៉ឺន ៥​ពាន់​ដុល្លារ ដែល​ឧបត្ថម្ភ​ដល់​បុគ្គលិក​ណាហ្គាវើលដ៍
រឿង​ដែល​គេ​អាន​​ច្រើន​បំផុត
ព័ត៌មាន​ថ្មីៗ
លោក ហ៊ុន សែន បន្ត​ប្រកាស​ថា ​​​នឹង​ការពារ​មិន​ឱ្យ​មាន​​​រដ្ឋប្រហារ​ ដើម្បី​​​អភិវឌ្ឍប្រទេស​ឱ្យ​រីក​ចំរើន
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។