ស៊ីម៉ាក់​អំពាវនាវ​ឱ្យ​ប្រុងប្រយ័ត្ន​ពី​គ្រាប់​មិន​ទាន់​ផ្ទុះ ក្រោយ​ពី​មាន​ករណី​យាយ​ចៅ​២​នាក់​ស្លាប់

ដោយ វ៉ែន សុមេធ
2019-06-12
អ៊ីម៉ែល
មតិ
Share
បោះពុម្ព
ករណី​ស្លាប់​យាយ​ចៅ​ពីរ​នាក់ ដោយ​សារ​គ្រាប់​បែក នៅ​ខេត្ត​ស្វាយរៀង កាល​ពី​ថ្ងៃ​ទី១០ ខែ​មិថុនា ឆ្នាំ​២០១៩។
ករណី​ស្លាប់​យាយ​ចៅ​ពីរ​នាក់ ដោយ​សារ​គ្រាប់​បែក នៅ​ខេត្ត​ស្វាយរៀង កាល​ពី​ថ្ងៃ​ទី១០ ខែ​មិថុនា ឆ្នាំ​២០១៩។
រូប​ពី​ហ្វេសប៊ុក កែវ រតនា

អគ្គនាយក​អង្គភាព​កម្ចាត់​មីន​កម្ពុជា លោក ហេង រតនា បាន​អំពាវនាវ​ឱ្យ​ពលរដ្ឋ​ប្រុងប្រយ័ត្ន ដោយសារតែ​មនុស្ស​ពីរ​នាក់ យាយ និង​ចៅ បាន​ស្លាប់ ពេល​រើស​គ្រាប់​មិន​ផ្ទុះ​ទៅ​បំបែក​យក​បំណែក​លក់​អេតចាយ។

លោក​បញ្ជាក់​ថា បើ​ពលរដ្ឋ​ណា​ជួប​ប្រទះឃើញ​មាន​គ្រាប់​យុទ្ធភណ្ឌ​ដែល​មិន​ទាន​ផ្ទុះ ឬ​វត្ថុ​ដែល​សង្ស័យ​ថា ជា​សំណល់​ដែល​មាន​ជាតិ​ផ្ទុះ​សល់​ពី​សម័យ​សង្គ្រាម សូម​រាយការណ៍​ទៅ​ប្រាប់​អាជ្ញាធរ​នៅ​តាម​មូលដ្ឋាន​ជាពិសេស​នគរបាល​ជាតិ និង​នគរបាល​ប៉ុស្តិ៍​ដែល​នៅ​ក្បែរៗ​ខ្លួន​ដើម្បី​ទំនាក់ទំនង​រក​អ្នក​ជំនាញ​បច្ចេកទេស ឬក៏​ទាក់ទង​មក​អង្គភាព ស៊ី​ម៉ាក (CMAC) ដើម្បី​ដោះស្រាយ​បញ្ហា​ជូន​ពលរដ្ឋ ចៀសវាង​យក​គ្រាប់​យុទ្ធភណ្ឌ​ដែល​សង្ស័យ​នោះ​ទៅ​ដំ​ដែល​អាច​បណ្ដាល​ឱ្យ​មាន​​គ្រោះថ្នាក់​ដល់​​អាយុជីវិត។

លោក ហេង រតនា បាន​ប្រាប់​អាស៊ីសេរី​ថា គ្រាប់​ដែល​ជីដូន និង​ចៅ​យក​ទៅ​ដំ​ផ្ទុះ​នៅ​ឃុំ​សំបួរ ស្រុក​ស្វាយទាប ខេត្ត​ស្វាយរៀង នោះ​ជា​ប្រភេទ​គ្រាប់បែកដៃ៖ «ជា​ប្រភេទ​គ្រាប់បែក ដែល​គេ​ហៅថា​គ្រាប់បែក​ក្រសាំង​ហើយ​គ្រាប់​នេះ នៅសល់​តាំងពី​គ្រួសារ​គាត់​រក្សាទុក​កន្លងមក​ជា​គ្រាប់បែកដៃ ជា​អតីត​កងទ័ព​ហើយ​គាត់​យក​មក​ដំ​ដើម្បី​យកជាតិ​ដែក​លក់​អេតចាយ»

លោក​មិន​អាច​បញ្ជាក់​បាន​ថា គ្រាប់បែកដៃ​នោះ​សល់​តាំងពី​សម័យ​ណា​មក​នោះ​ទេ ដោយសារតែ​ខាង​​ស៊ីម៉ាក់​​មិន​​ទាន់​​មាន​​លទ្ធភាព​​ស្រាវជ្រាវ​​រក​​គ្រាប់​​យុទ្ធភណ្ឌ​​មិន​ទាន់​​ផ្ទុះ​​នៅ​ឡើយ​​ទេ។ ស៊ី​ម៉ាក់ ​(CMAC) ធ្វើការ​ស្រាវជ្រាវ​តែ​ទៅ​លើ​​ផ្ទៃដី​​ចម្ការ​​មីន​តែ​ប៉ុណ្ណោះ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល