នាយកដ្ឋានអន្តោប្រវេសន៍បណ្ដេញជនជាតិចិន១២២នាក់ចេញពីកម្ពុជា
2017.08.24
ជនជាតិចិន ២២នាក់ដែលសមត្ថកិច្ចចាប់ខ្លួនបាននៅខេត្តស្វាយរៀង កាលពីថ្ងៃទី២៩ ខែសីហា ឆ្នាំ២០១៥។
នាយកដ្ឋានអន្តោប្រវេសន៍របស់ក្រសួងមហាផ្ទៃ បានបណ្ដេញជនជាតិចិន ដីគោកចំនួន ១២២នាក់ចេញពីប្រទេសកម្ពុជា តាមច្រកព្រលានយន្តហោះអន្តរជាតិខេត្តសៀមរាប នៅរសៀលថ្ងៃព្រហស្បតិ៍ ទី២៤ ខែសីហា។
ប្រធាននាយកដ្ឋានអន្តោប្រវេសន៍នៃក្រសួងមហាផ្ទៃ លោក អ៊ុក ហៃសិលា។ លោកមានប្រសាសន៍នៅល្ងាចថ្ងៃព្រហស្បតិ៍ ទី២៤ ខែសីហា ថា ក្រសួងសន្តិសុខរបស់សាធារណរដ្ឋចិន បានយកយន្តហោះ ២គ្រឿងមកទទួលជនជាតិចិន ទាំងនោះ។
ជនជាតិចិន ទាំង ១២២នាក់នោះ គឺចូលមកស្រុកខ្មែរដោយភាគច្រើនគ្មានលិខិតឆ្លងដែន ហើយសមត្ថកិច្ចបានឃាត់ខ្លួនកាលពីថ្ងៃទី២ ខែសីហា នៅភូមិក្បាលស្ពាន សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ៖ «ពួកនេះ គឺគាត់ជួលផ្ទះច្រើនជាន់ មានដល់ទៅ ១០០បន្ទប់ ប្រើប្រព័ន្ធអ៊ីនធឺណិត (Internet) បោកបញ្ឆោតជំរិតទារប្រាក់ពីប្រទេសចិន»។
មន្ត្រីក្រសួងមហាផ្ទៃ ឲ្យដឹងថា ចាប់តាំងពីអំឡុងឆ្នាំ២០១១ រហូតមកដល់ពេលនេះ កម្ពុជា បានបណ្ដេញជនជាតិចិន និងតៃវ៉ាន់ ចំនួន ១៣លើកហើយ ដោយក្នុងនោះគឺមានជនជាតិចិន ដីគោក និងតៃវ៉ាន់ ចំនួន ១.០៥២នាក់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- សភាកម្ពុជាប្រតិកម្មទៅនឹងការសម្រេចរបស់សភាអឺរ៉ុបរឿងដកប្រព័ន្ធអនុគ្រោះពន្ធEBA បន្ថែម
- មន្ត្រីជាន់ខ្ពស់ និងឧកញ៉ា សុំលោក ហ៊ុន សែន ឱ្យជួយរកយុត្តិធម៌ដោយមិនពឹងតុលាការ
- កម្ពុជារកចំណូលបាន ១.៤ពាន់លានដុល្លារ ពីកំណើនភ្ញៀវទេសចរបរទេសក្នុងឆ្នាំ២០២២
- លោក ហ៊ុន សែន មិនគាំទ្រដីកាតុលាការICCដើម្បីចាប់ខ្លួនមេដឹកនាំរុស្ស៊ី
- ស្ត្រីដែលគ្រូពេទ្យវះកាត់ខុសបច្ចេកទេសបានបាត់បង់ជីវិត