សមត្ថកិច្ចបន្តសួរចម្លើយជនជាតិចិនដែលយកបំពង់ដែលគេសង្ស័យថាជាគ្រាប់បែក ទៅដាក់នៅផ្ទះមិត្តភ័ក្ដិ
2019.05.01
សមត្ថកិច្ចឃុំខ្លួនជនជាតិចិនដែលសង្ស័យថាយកគ្រាប់បែកកែច្នៃ ចូលក្នុងហាងលក់គជ់របស់ជនជាតិចិនដូចគ្នា។
រូបថតពី ហ្វេសប៊ុកស្នងការរាជធានីភ្នំពេញលោក ស ថេត។
ស្នងការរងនគរបាលជាតិនិងជាស្នងការរាជធានីភ្នំពេញលោក ស ថេត បានឱ្យដឹងថាសមត្ថកិច្ចកំពុងសាកសួរជនជាតិចិនម្នាក់ដែលយកបំពង់ដែលគេសង្ស័យថាជាគ្រាប់បែកនេះទៅដាក់នៅផ្ទះមិត្តភ័ក្ដិ។
លោកថា ប្រសិនបើសមត្ថកិច្ចរកឃើញថា ជនសង្ស័យមានជាប់ពាក់ព័ន្ធនឹងបទល្មើសណាមួយខាងសមត្ថកិច្ចនឹងចាត់វិធានការទៅតាមផ្លូវច្បាប់។
កាលពីព្រឹកថ្ងៃទី០១ ខែឧសភា ជនសង្ស័យជាជនជាតិចិនម្នាក់វ័យ ៣៨ឆ្នាំ ឈ្មោះលីវ ជីន បានយកបំពង់រុំដោយស្គុត ពណ៌លឿង មានភ្ជាប់ដោយនាឡិកា ចូលទៅក្នុងហាងលក់គជ់ចិនមួយកន្លែង ស្ថិតនៅក្នុងភូមិត្រពាំងថ្លឹង១សង្កាត់ចោមចៅ១ខណ្ឌសែនសុខ។ ដោយមានការសង្ស័យ ម្ចាស់ទីតាំងបានប្ដឹងទៅសមត្ថកិច្ចដើម្បីឱ្យមកធ្វើអន្តរាគមន៍។
សមត្ថកិច្ចថាបំពង់ដែលជនជាតិចិនយកទៅដាក់នៅផ្ទះមិត្តភ័ក្ដិនោះមិនមែនជាគ្រាប់បែកកែច្នៃទេប៉ុន្តែជាបំពង់ធម្មតាដែលផ្ទុកទៅដោយខ្សាច់ដោយសារតែជនល្មើសមានគំនុំរវាងដៃគូរកស៊ីជាមួយគ្នា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- មេធាវីគ្រោងដាក់សេចក្តីសន្និដ្ឋានទៅសាលាឧទ្ធរណ៍ភ្នំពេញបញ្ជាក់ពីភាពស្អាតស្អំលោក កឹម សុខា
- អ្នកតាមដាននយោបាយថា អាមេរិកដាក់ទណ្ឌកម្ម លោក លី យ៉ុងផាត់ ជាការកាត់ផ្ដាច់សរសៃឈាមសេដ្ឋកិច្ចរបស់បក្សកាន់អំណាច
- កម្មករវៀតណាមកំពុងសម្ងំធ្វើការក្នុងក្រុមហ៊ុនចម្ការចេកខេត្តរតនគិរី
- លោក ហ៊ុន សែន អួតនៅក្នុងវេទិកាប្រទេសកូរ៉េថា កម្ពុជាមានសន្តិភាព ខណៈអ្នកតវ៉ាទាមទារប្រជាធិបតេយ្យ
- កម្ពុជា និងចិន «មិនអាចទប់ស្កាត់បញ្ហាឆបោកតាមអនឡាញ និងជួញដូរមនុស្សនៅកម្ពុជាបាន»
