កម្ពុជាឈ្នះមេដាយមាសជាប់លេខ៤ក្នុងចំណោមប្រទេសប្រកួតកីឡាស៊ីហ្គេមលើកទី៣២
2023.05.15
កីឡាការិនីកម្ពុជាអ្នកស្រី ស៊ន សៀវម៉ី (រូបកណ្ដាល) ឈ្នះមេដាយមាសប្រភេទកីឡាតៃក្វាន់ដូ WT ក្នុងព្រឹត្តិការណ៍ស៊ីហ្គេមលើកទី៣២។
រូប៖ ហ្វេសប៊ុកក្រសួងអប់រំ
លទ្ធផលបណ្ដោះអាសន្នបង្ហាញថា កម្ពុជាជាប់ចំណាត់ថ្នាក់លេខ៤ ក្នុងចំណោមប្រទេសទទួលបានមេដាយមាសច្រើនជាងគេក្នុងព្រឹត្តិការណ៍ប្រកួតកីឡាស៊ីហ្គេមលើកទី៣២។
គិតត្រឹមដំណាច់ថ្ងៃទី១៤ ខែឧសភា វៀតណាមគឺជាប្រទេសឈានមុខគេក្នុងការដណ្តើមបានមេដាយមាសច្រើនជាង គឺរហូតដល់ទៅ ១០៧គ្រឿង។ ប្រទេសថៃ និងប្រទេសឥណ្ឌូណេស៊ី (Indonesia) ជាប់លេខ២ និងលេខ៣ ខណៈកម្ពុជាជាប់លេខ៤។
កម្ពុជាទទួលបានមេដាយសរុប ២២៩គ្រឿង ក្នុងនោះមេដាយមាសចំនួន ៦៥គ្រឿង មេដាយប្រាក់ ៦១ គ្រឿង និងមេដាយសំរិទ្ធ ១០៣គ្រឿង។
កម្ពុជា ដែលជាម្ចាស់ផ្ទះរៀបចំព្រឹត្តិការណ៍កីឡាស៊ីហ្គេមជាលើកដំបូងក្នុងប្រវត្តិសាស្ត្រ ៦៤ឆ្នាំ កំពុងបំបែកឯតទគ្គកម្មកំណត់ត្រាខ្លួនឯងដោយទទួលបានមេដាយច្រើនបង្អស់ក្នុងប្រវត្តិចូលរួមប្រកួតកីឡាស៊ីហ្គេម។
កម្ពុជាធ្លាប់បំបែកឯតទគ្គកម្មចុងក្រោយទទួលបានមេដាយមាសច្រើនបំផុតកាលពីឆ្នាំ១៩៧១ នៅប្រទេសម៉ាឡេស៊ី (Malaysia)។ កាលនោះ កម្ពុជាទទួលបានមេដាយមាសសរុប ១៧គ្រឿង។
នេះគឺជាមោទនភាពរបស់ប្រជាជាតិកម្ពុជាទាំងមូល ខណៈកម្ពុជាមានប្រតិភូកីឡាសរុប ១.២០៣ នាក់ ក្នុងនោះមានកីឡាករចំនួន ៨៩៦ នាក់ ចូលរួមព្រឹត្តិការណ៍ប្រកួតកីឡាស៊ីហ្គេមលើកទី៣២៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- មន្ត្រីធនាគារបង្ខំឲ្យកូនបំណុលលក់ទ្រព្យសម្បត្តិសងលុយទៅធនាគារខ្លួន
- តំណាងរាស្ត្រនិងទីប្រឹក្សាបក្សប្រជាជនប្រតិកម្មលើការប្រមូលពន្ធថា គាបសង្កត់ពលរដ្ឋក្នុងគ្រាលំបាក
- អាជ្ញាធរបញ្ជូនកញ្ញា សេង ធារី ទៅឃុំខ្លួននៅពន្ធនាគារព្រៃសវិញ ក្រោយពេលមន្ត្រីអាមេរិកជួបលោក ហ៊ុន ម៉ាណែត ផ្ទួនៗ គ្នា
- អាមេរិកផ្ដល់ជំនួយ ១៨លានដុល្លារមកកម្ពុជាវិញ តែមិនបានទទួលស្គាល់ថា ការបោះឆ្នោតត្រឹមត្រូវទេ
- អ្នកវិភាគថា អាមេរិកផ្ដល់ជំនួយឲ្យកម្ពុជាឡើងវិញ ដើម្បីទប់ទល់នឹងឥទ្ធិពលចិន