តុលាការឃុំខ្លួនលោក បែល វ៉ាន់ដែត បន្ទាប់ពីសមត្ថកិច្ចបានចាប់ខ្លួនសាជាថ្មី
2023.04.23
អគ្គនាយករងនៃអគ្គនាយកដ្ឋានរដ្ឋបាល និងកិច្ចការទូទៅ របស់រដ្ឋលេខាធិការដ្ឋានអាកាសចរស៊ីវិលលោក បែល វ៉ាន់ដែត (រូបកណ្ដាល) ពេលត្រូវចាប់ខ្លួន។
រូប៖ Police.gov.kh
សាលាដំបូងរាជធានីភ្នំពេញបានឃុំខ្លួនអតីតអគ្គនាយករងនៃអគ្គនាយកដ្ឋានរដ្ឋបាល និងកិច្ចការទូទៅ របស់រដ្ឋលេខាធិការដ្ឋានអាកាសចរស៊ីវិលលោក បែល វ៉ាន់ដែត បន្ទាប់ពីសមត្ថកិច្ចបានចាប់ខ្លួនសាជាថ្មី កាលពីថ្ងៃទី២១ ខែមេសា។
កាសែតក្នុងស្រុកចុះផ្សាយកាលពីថ្ងៃទី២២ ខែមេសា ឲ្យដឹងថា ចៅក្រមស៊ើបសួរ និងជាអនុប្រធានសាលាដំបូងរាជធានីភ្នំពេញ បានចេញដីកាបង្គាប់ឲ្យចាប់ខ្លួន លោក បែល វ៉ាន់ដែត អាយុ ៣៨ឆ្នាំ តាមមាត្រា ១៩៥ និងមាត្រា ១៩៦ នៃក្រមព្រហ្មទណ្ឌ និងបង្គាប់ឱ្យឃុំខ្លួនដាក់ពន្ធនាគារ ក្រោយពីជនត្រូវចោទមិនបានគោរពកាតព្វកិច្ច ដែលហាមទៅគំរាមកំហែង ឬទៅបរិវេណលំនៅឋានរបស់ជនរងគ្រោះ ឬដើមបណ្តឹងរដ្ឋប្បវេណី។
ការចាប់ខ្លួនឡើងវិញនេះ បន្ទាប់ពីលោកនាយករដ្ឋមន្ត្រី ហ៊ុន សែន បានបញ្ជាឱ្យក្រសួងយុត្តិធម៌និងតុលាការ ត្រូវចាត់វិធានការឡើងវិញចំពោះមន្ត្រីជាន់ខ្ពស់អាកាសចរណ៍ស៊ីវិល លោក បែល វ៉ាន់ដែត បានប្រើប្រាស់កាំភ្លើងគំរាមបាញ់សម្លាប់យុវជនម្នាក់ បន្ទាប់ពីតុលាការបានដោះលែងមន្ត្រីរូបនោះឱ្យនៅក្រៅឃុំ។ ចៅក្រមស៊ើបសួរនៃសាលាដំបូងរាជធានីភ្នំពេញ លោកស្រី អ៊ុក រ៉េតគន្ធា បានដោះលែង លោក បែល វ៉ាន់ដែត ឱ្យនៅក្រៅឃុំ បន្ទាប់ពីមន្ត្រីរូបនេះ ត្រូវបានចោទប្រកាន់កាលពីថ្ងៃទី៣១ មីនា ពីបទកាន់កាប់អាវុធដោយគ្មានការអនុញ្ញាត និងបទគំរាមកំហែងថា នឹងសម្លាប់។
លោក ហ៊ុន សែន ក៏បានចេញអនុក្រឹត្យកាលពីថ្ងៃទី១១ មេសា ដើម្បីបញ្ចប់មុខតំណែងលោក បែល វ៉ាន់ដែត ចេញពីតួនាទីជាអគ្គនាយករងនៃអគ្គនាយកដ្ឋានរដ្ឋបាលនិងកិច្ចការទូទៅ នៃរដ្ឋលេខាធិការដ្ឋានអាកាសចរណ៍ស៊ីវិល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ក្រសួងមហាផ្ទៃបញ្ជាក់ថា កូនមន្ត្រីជាន់ខ្ពស់ ដែលបើកឡានបុកមនុស្សស្លាប់ពីរនាក់ នៅអូស្ត្រាលីនោះ គឺឈ្មោះ ឌឿន ឧត្ដមសេនីយ៍
- ក្រុមប្រឹក្សាអភិវឌ្ឍន៍កម្ពុជាគ្រោងធ្វើបេសកកម្មដើរគោះទ្វាររកវិនិយោគិននៅអាមេរិកជាថ្មី
- លោក ហ៊ុន ម៉ាណែត ប្រតិកម្មអ្នករិះគន់ព្រឹត្តិការណ៍ Gumball 3000
- លោក ហ៊ុន សែន បង្កើនការគំរាមកំហែងឆ្លងដែនលើអ្នករិះគន់
- សមត្ថកិច្ចម៉ាឡេស៊ីចាប់ពលករខ្មែរម្នាក់ពាក់ព័ន្ធរិះគន់រដ្ឋាភិបាលកម្ពុជា
