រដ្ឋបាល​ជលផល​ប្រកាស​បិទ​រដូវ​នេសាទ​​ដែន​ទឹក​​សាប​​ចាប់​ពី​​ថ្ងៃ​​ទី​១ មិថុនា​ទៅ

ដោយ មាន ឬទ្ធិ
2019-05-10
អ៊ីម៉ែល
មតិ
Share
បោះពុម្ព
ពលរដ្ឋ​នេសាទ​នៅ​តាម​ដង​ទន្លេ​មេគង្គ​លើ ឋិត​នៅ​សង្កាត់​ព្រះបាទ ក្រុង​ស្ទឹងត្រែង ខេត្ត​ស្ទឹងត្រែង កាល​ពី​​ថ្ងៃ​ទី​១៦ ខែ​ឧសភា ឆ្នាំ​២០១៦។
ពលរដ្ឋ​នេសាទ​នៅ​តាម​ដង​ទន្លេ​មេគង្គ​លើ ឋិត​នៅ​សង្កាត់​ព្រះបាទ ក្រុង​ស្ទឹងត្រែង ខេត្ត​ស្ទឹងត្រែង កាល​ពី​​ថ្ងៃ​ទី​១៦ ខែ​ឧសភា ឆ្នាំ​២០១៦។
Photo: RFA

រដ្ឋបាល​ជលផល ប្រកាស​បិទ​ដែន​នេសាទ ចាប់ពី​ថ្ងៃ​ទី​១ មិថុនា ដល់​ថ្ងៃ​ទី​៣០ កញ្ញា សម្រាប់​ដែនទឹក​សាប នៅ​ភាគ​ខាងជើង​ទន្លេ​ចតុមុខ (​ឬ​ផ្នែក​ខាងលើ​) និង​ខេត្ត​ទាំងអស់​ជុំវិញ​បឹង​ទន្លេសាប រួមមាន ​ខេត្ត​កំពង់ចាម ត្បូងឃ្មុំ ក្រចេះ រតនគិរី មណ្ឌលគិរី ព្រះវិហារ ប៉ៃលិន ឧត្តរមានជ័យ រាជធានី​ភ្នំពេញ និង​ផ្នែក​ខាងជើង​ទន្លេ​ចតុមុខ​នៅ​ខេត្ត​កណ្ដាល។

ចំណែក​ដែនទឹក​សាប នៅ​ភាគ​ខាង​ត្បូង​ទន្លេ​ចតុមុខ (​ឬ​ផ្នែក​ខាងក្រោម​) រួមមាន ​ផ្នែក​ខាងត្បូង​​រាជធានី​​ភ្នំពេញ ខេត្ត​កណ្ដាល ព្រៃវែង តាកែវ កំពង់ស្ពឺ និង​ស្វាយរៀង នឹង​ត្រូវ​បិទ​ដែន​នេសាទ ចាប់ពី​ថ្ងៃ​ទី​១ កក្កដា ដល់​ថ្ងៃ​ទី៣១ តុលា។

ក្នុង​រយៈពេល​បិទ​ដែន​នេសាទ រដ្ឋបាល​ជលផល​អនុញ្ញាត​ឱ្យ​អ្នកនេសាទ​ទាំងអស់ នេសាទ​ត្រី​ដោយ​ឧបករណ៍​បែប​លក្ខណៈ​គ្រួសារ​តែប៉ុណ្ណោះ​។ ចំពោះ​ឧបករណ៍ អួន ម៉ាញ់ ចៃរ៉ា ជន សាប នាម ឈ្នក់ អាជ្ញាធរ​មិន​អនុញ្ញាត​ឱ្យ​ប្រើ​ក្នុង​រដូវ​បិទ​នេសាទ​ឡើយ​។ ប៉ុន្តែ​អ្នកនេសាទ​អាច​ប្រើ​ឧបករណ៍​មង ប្រវែង​មួយ​រយ (១០០)​ ម៉ែត្រ នេសាទ​បាន៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល