កម្មករជីករ៉ែមាសឲ្យក្រុមហ៊ុនចិនឈ្មោះ សឹង យន្ដ គ័ងយិក (Xing Yuan Kanng Yeak) ម្នាក់នៅខេត្តក្រចេះ ស្លាប់ និងម្នាក់ទៀតរបួស
សមត្ថកិច្ចចុះបិទទីតាំជីករ៉ែមាសរបស់ក្រុមហ៊ុន សឹង យន្ដ គ័ងយិក (Xing Yuan Kanng Yeak CO., LTD.) ក្នុងខេត្តក្រចេះ បន្ទាប់ពីកម្ករម្នាក់ស្លាប់ និងម្នាក់ទៀរបួស នៅថ្ងៃទី១៣ ខែកញ្ញា ឆ្នាំ២០២៤។
រូប៖ ហ្វេសប៊ុក
កម្មករជីករ៉ែមាសឲ្យក្រុមហ៊ុនចិនឈ្មោះ សឹង យន្ដ គ័ង យិន ខូអិលធីឌី នៅខេត្តក្រចេះម្នាក់ស្លាប់បាត់បង់ជីវិត និងម្នាក់ទៀតរងរបួសធ្ងន់ ខណៈពួកគាត់កំពុងជីកយករ៉ែមាសនៅក្នុង អណ្ដូងទី១ ត្រូវបានថ្មបាត់សង្កត់លើស្លាប់នៅពេលបញ្ជូនទៅមន្ទីរពេទ្យ។
កម្មករជនជាតិខ្មែរម្នាក់ស្លាប់បាត់បង់ជីវិតមាន ឈ្មោះ ផុន សារ៉ាន់ ភេទប្រុស អាយុ ២៤ឆ្នាំ រស់នៅភូមិព្រែកទ្រព្យ ឃុំជលសា ស្រុកជលគិរី ខេត្តកំពង់ឆ្នាំង។
វិទ្យុអាស៊ីសេរីមិនអាចទាក់ទងអ្នកនាំពាក្យក្រសួងរ៉ែ និងថាមពល លោក អ៊ីង ឌីប៉ូឡា និងស្នងការនគរបាលខេត្តក្រចេះ លោក លន់ សុផាត បានទេនៅថ្ងៃទី១៣ ខែកញ្ញា។
ក្រុមកម្មករមានគ្នាចំនួន ៦នាក់ បានចុះទៅយកអាចម៍ដី ដែលមេការបានជីកទុក នៅត្រង់ចំណុចអណ្ដូងទី១ ដែលមានជម្រៅជាង ៣០០ម៉ែត្រ បន្ទាប់មកកម្មករទាំង ៦នាក់ នាំគ្នាឈប់សម្រាក ក៏មានថ្មដំបូលរណ្ដៅ ដែលមានកម្ពស់ជាង ២ម៉ែត្របាក់ធ្លាក់សង្កត់ពីលើតែម្ដង។
កន្លងទៅក្រុមហ៊ុនចិន សឹង យន្ដ គ័ង យិក ត្រូវបានសហគមន៍រាយការណ៍ថា ការធ្វើអាជីវកម្មរ៉ែមាសរបស់ក្រុមហ៊ុននេះ តែងតែធ្វើឲ្យប៉ះពាល់បរិស្ថាន និងប្រជាពលរដ្ឋកំពុងរស់នៅជុំវិញតំបន់នោះ។
អាជ្ញាធរនៃក្រសួងរ៉ែ និងថាមពល សម្រេចផ្អាកដំណើរការអណ្ដូងជីកយករ៉ែមាសទី១ របស់ក្រុមហ៊ុនចិន សឹង យន្ដ គ័ង យិន ដែលមានទីតាំងស្ថិតនៅស្រុកសំបូរ ខេត្តក្រចេះហើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ក្រសួងមហាផ្ទៃបញ្ជាក់ថា កូនមន្ត្រីជាន់ខ្ពស់ ដែលបើកឡានបុកមនុស្សស្លាប់ពីរនាក់ នៅអូស្ត្រាលីនោះ គឺឈ្មោះ ឌឿន ឧត្ដមសេនីយ៍
- ក្រុមប្រឹក្សាអភិវឌ្ឍន៍កម្ពុជាគ្រោងធ្វើបេសកកម្មដើរគោះទ្វាររកវិនិយោគិននៅអាមេរិកជាថ្មី
- លោក ហ៊ុន ម៉ាណែត ប្រតិកម្មអ្នករិះគន់ព្រឹត្តិការណ៍ Gumball 3000
- លោក ហ៊ុន សែន បង្កើនការគំរាមកំហែងឆ្លងដែនលើអ្នករិះគន់
- សមត្ថកិច្ចម៉ាឡេស៊ីចាប់ពលករខ្មែរម្នាក់ពាក់ព័ន្ធរិះគន់រដ្ឋាភិបាលកម្ពុជា
