អាជ្ញាធរ​ខេត្ត​កំពង់ឆ្នាំង​រើ​ផ្ទះ​​បណ្ដែត​​ទឹក​​ជន​​ជាតិ​​វៀតណាម​​​ជិត ៤ពាន់​​គ្រួសារ​​ពី​​ផ្ទៃ​​បឹង​​ទន្លេ​​សាប

ដោយ មាន ឫទ្ធិ
2019-01-04
អ៊ីម៉ែល
មតិ
Share
បោះពុម្ព
ផ្ទះ​បណ្ដែត​ទឹក​ដែល​ភាគ​ច្រើន​ជា​ជនជាតិ​វៀតណាម នៅ​តំបន់​ផ្សារ​ក្រោម ក្រុង​កំពង់ឆ្នាំង ខេត្ត​កំពង់ឆ្នាំង ថត​ថ្ងៃ​ទី​២៨ ខែ​មីនា ឆ្នាំ​២០១៧។
ផ្ទះ​បណ្ដែត​ទឹក​ដែល​ភាគ​ច្រើន​ជា​ជនជាតិ​វៀតណាម នៅ​តំបន់​ផ្សារ​ក្រោម ក្រុង​កំពង់ឆ្នាំង ខេត្ត​កំពង់ឆ្នាំង ថត​ថ្ងៃ​ទី​២៨ ខែ​មីនា ឆ្នាំ​២០១៧។
រូបថត៖ RFA

អាជ្ញាធរ​ខេត្ត​កំពង់ឆ្នាំង​ឲ្យដឹង​ថា​ យុទ្ធនាការ​រុះរើ​ផ្ទះ​បណ្ដែត​ទឹក​ពី​ផ្ទៃ​បឹង​ទន្លេ​សាប ​សម្រេច​បាន​ជិត ១០០ភាគ​រយហើយ ​លើកលែង​តែ​ផ្ទះ ដែល​មាន​បែ​បណ្ដែត​ទឹក​កំពុង​ចិញ្ចឹម​ត្រី​ក្រោម​ផ្ទះ​ចំនួន​​ ៧៥០ ខ្នង នឹង​ត្រូវ​រុះរើ​នៅ​ខែ​កក្កដា ឆ្នាំ​២០១៩ ខាង​មុខ​។​ មន្ត្រី​សង្គម​ស៊ីវិល​បារម្ភ​ថា​ ​ការ​រក្សា​ជន​អន្តោប្រវេសន៍​ខុស​ច្បាប់​បន្ត​រស់​នៅ​ក្នុង​ប្រទេស​កម្ពុជា​ ​ជា​ការ​បន្ថែម​បន្ទុក​ចំណាយ​ធនធាន​រដ្ឋ​មួយ​កម្រិត​ទៀត​ ​និង​ប៉ះពាល់​អធិបតេយ្យ​ជាតិ​កាន់​តែ​ធ្ងន់ធ្ងរ ​ប្រសិនបើ​ការអនុវត្ត​ច្បាប់​នៅតែ​ធូរ​រលុង។

អភិបាល​រង​ខេត្ត​កំពង់ឆ្នាំង​ទទួលបន្ទុក​ជម្លៀស​ពលរដ្ឋ​វៀតណាម​ឡើង​គោក លោក​ ស៊ុន ​សុវណ្ណា​រិន ​ប្រាប់​អាស៊ី​សេរី​ថា អាជ្ញាធរ​ខេត្ត​កំពុង​រៀបចំ​ហេដ្ឋារចនាសម្ព័ន្ធ ប្រព័ន្ធ​ទឹក​ភ្លើង និង​មណ្ឌល​សុខភាព​ជាដើម​នៅ​ទីតាំង​ថ្មី ដែល​បាន​ជម្លៀស​ពលរដ្ឋ​ទាំងនោះ​ឡើង​គោក​វិញ​។ ​លោក​បញ្ជាក់​ថា​ អាជ្ញាធរ​ខេត្ត​សម្រេច​ពន្យារ​ពេល រុះរើ​ផ្ទះ​ជនជាតិ​វៀតណាម ​បែ​បណ្ដែត​ទឹក​ក្នុង​ផ្ទះ​ រហូតដល់​ ​ខែ​កក្កដា​ខាងមុខ​ នេះ​ ​ព្រោះ​ខ្លាច​ប៉ះពាល់​របប​ចិញ្ចឹម​ត្រី​ ​និង​ទុក​ពេល​ឲ្យ​ពួកគេ​ត្រៀមខ្លួន​ឡើង​គោក​វិញ​។​ អាជ្ញាធរ​ខេត្ត​កំពុង​ឆ្នាំង​ ឲ្យដឹង​នៅ​ថ្ងៃ​ទី​៤ ​មករា​ថា​ ​ផ្ទះ​បណ្ដែត​ទឹក​លើ​ផ្ទៃ​បឹង​​ទន្លេ​សាប​នៅ​ខេត្ត​កំពង់ឆ្នាំង​ សរុប​ចំនួន​ជិត​ ៤ពាន់​គ្រួសារ​ ក្នុង​នោះ​មាន​ផ្ទះ​បណ្ដែត​ទឹក​របស់​ជន​អន្តោប្រវេសន៍​វៀតណាម​ជិត​ ២ពាន់​គ្រួសារ។

ពលរដ្ឋ​វៀតណាម​ដែល​ចេញ​ពី​ផ្ទះ​បណ្ដែត​ទឹក​ខ្លះ​បាន​ទៅ​តាំង​លំនៅ​នៅ​តំបន់​អភិវឌ្ឍន៍​ថ្មី​ផ្ដល់​ដោយ​អាជ្ញាធរ និង​ខ្លះ​ទៀត​ទៅ​ស្នាក់​នៅ​នឹង​ផ្ទះ​បង​ប្អូន​ជា​បណ្ដោះអាសន្ន។

លោក​ថា ​អាជ្ញាធរ​បាន​​សិក្សា​ពី​ទីតាំង​ភូមិសាស្ត្រ​ចំនួន​ ៦ គោលដៅ និង​កំពុង​ត្រូវ​ដោះស្រាយ​ជា​បន្តបន្ទាប់។ លើស​ពី​នេះ​អាជ្ញាធរ​ខេត្ត​ ​បាន​សហការ​ជាមួយ​អង្គការ​នានា ​ស្ថាបនា​សាលារៀន និង​មណ្ឌល​សុខភាព​ជាដើម​នៅ​ទីតាំង​ថ្មី​នោះ​ដែរ៖ «មាន​ផ្ទះ​ខ្លះ អត់​ចិញ្ចឹម​ត្រី និង​មាន​ផ្ទះ​ខ្លះ មាន​បែ​ទឹក​នៅ​ខាង​ក្រោម ហើយ​ដំណាក់​ការ​នេះ យើង​មិន​ទាន់​រៀបចំ ហេដ្ឋារចនាសម្ព័ន្ធ​បាន​គ្រប់​គ្រាន់។ ពលរដ្ឋ ៧៥០គ្រួសារ មាន​បែ​ទឹក​អាជ្ញាធរ​ខេត្ត​ទុក​ពេល​វេលា​ឲ្យ​ពួក​គាត់ កុំ​ឲ្យ​ប៉ះពាល់​របប​ចិញ្ចឹម​ត្រី​របស់​គាត់ និង​ទុក​ពេល​វេលា​ឲ្យ​គាត់​ត្រៀម​ខ្លួន​ឡើង​គោក»

អាស៊ី​សេរី​បាន​ព្យាយាម​ទាក់ទង​ប្រធាន​សមាគម​វៀតណាម​ លោក សឹង ជី តែ​ទូរស័ព្ទ​ហៅ​ចូល​ច្រើន​ដង​គ្មាន​អ្នកទទួល​នៅ​ថ្ងៃ​ទី៤ មករា។

មន្ត្រី​ឃ្លាំមើល​សិទ្ធិមនុស្ស​នៃ​សមាគម អាដហុក ខេត្ត​កំពង់ឆ្នាំង សំ ច័ន្ទគា សង្កេត​ឃើញ​ថា អាជ្ញាធរ​ផ្ដើម​រុះរើ ផ្ទះ​ពលរដ្ឋ​បណ្ដែត​ទឹក​ទាំង​នោះ​ជា​បណ្ដើរៗ ហើយ តែ​លោក​មិន​ប្រាកដ​ថា ការ​រុះរើ​នោះ​បាន​ប៉ុន្មាន​ភាគ​រយ​ទេ។ លោក​ថា ការ​រក​ដី​សម្បទាន​សង្គមកិច្ច​ផ្ដល់​ឲ្យ​ពលរដ្ឋ​វៀតណាម​ទាំង​នោះ​រស់​នៅ​លើ​គោក និង​ការ​អភិវឌ្ឍន៍​ហេដ្ឋារចនាសម្ព័ន្ធ នៅ​តែ​ជា​បញ្ហា​ប្រឈម​នៅ​ឡើយ នៅ​គ្រា​ដែល​តំបន់​ខ្លះ ប៉ះពាល់​ដី​ស្រែ​ពលរដ្ឋ និង​មាន​ផ្នែក​ខ្លះ​ទៀត​គ្រាន់​តែ​បោះ​បង្គោល​ចោល។

មន្ត្រី​សង្គម​ស៊ីវិល និង​ក្រុមការងារ ១០០រាត្រី ដែល​ចុះ​ស៊ើបអង្កេត​រឿង​នេះ មិន​ទាន់​ស្ងប់​អារម្មណ៍​នៅ​ឡើយ​ ពី​យន្តការ​ជម្លៀស​ជនជាតិ​វៀតណាម​ពី​ផ្ទៃ​បឹង​ទន្លេ​សាប ​ឲ្យ​មក​រស់នៅ​លើ​គោក​វិញ ដោយសារ​តែ​ពួកគេ​សង្ស័យ​ថា ជនជាតិ​វៀតណាម​ទាំង​នោះ ជា​ជន​អន្តោប្រវេសន៍​ខុស​ច្បាប់ និង​មាន​ជន​អន្តោប្រវេសន៍​មួយ​ចំនួន​ប្រើប្រាស់​ឯកសារ​មិន​ត្រឹមត្រូវ​មក​តាំង​ទីលំនៅ​ក្នុង​ប្រទេស​កម្ពុជា​ ​និង​លើ​ផ្ទៃ​បឹង​ទន្លេ​សាប​ជាច្រើន​ឆ្នាំ​មក​ហើយ។

សមាជិក​ក្រុមការងារ​ ១០០ រាត្រី ដែល​ចុះ​ស៊ើបអង្កេត​រឿង​នេះ លោក មួង សូនី បារម្ភ​ពី​មហិច្ឆតា​ឈ្លានពាន​ទឹកដី​កម្ពុជា​ពីសំណាក់​ប្រទេស​វៀតណាម​ តាមរយៈ​បញ្ជូន​ជនជាតិ​របស់​គេ​ឲ្យ​មក​រស់​នៅ​ក្នុង​ប្រទេស​កម្ពុជា​ជាបន្តបន្ទាប់។ រីឯ​ការអនុវត្ត​ច្បាប់​របស់​អាជ្ញាធរ​កម្ពុជា​ហាក់​ខ្សោយ​នៅឡើយ​។ ​លោក​ថា ប្រសិនបើ​អាជ្ញាធរ​ពាក់ព័ន្ធ នៅ​រក្សា​ជន​អន្តោប្រវេសន៍​វៀតណាម​ខុស​ច្បាប់​ឲ្យ​មក​រស់នៅ​លើ​គោក និង​លើ​ផ្ទៃ​ទឹក មិន​អនុវត្ត​ច្បាប់​ត្រឹមត្រូវ​នឹង​ធ្វើឲ្យ​ប៉ះពាល់​ដល់​អធិបតេយ្យ​ជាតិ និង​បរិស្ថាន​ទន្លេ​សាប​ធំធេង៖ « ប្រសិន​បើ​រដ្ឋាភិបាល​មិន​ព្រម​បញ្ជូន​ជន​អន្តោប្រវេសន៍​ទាំង​នោះ​ឲ្យ​ទៅ​ប្រទេស​គេ​វិញ ហើយ​យើង​រក្សា​ទុក​នៅ​ដដែល មិន​ព្រម​អនុវត្ត​តាម​វិធី​ច្បាប់​នោះ គឺ​យើង​ឃើញ​ថា នឹង​អាច​មាន​បញ្ហា​រឹត​តែ​ធំ​ទៅ​នៅ​ថ្ងៃ​អនាគត។ យើង​ដឹង​ហើយ​ថា យើង​បាត់បង់​ទឹក​ដី​កម្ពុជា​ក្រោម ដោយសារ​គេ​នាំ​ជន​អន្តោប្រវេសន៍​វៀតណាម​ច្រើន ដល់​ពេល​គេ​មក​ច្រើន គេ​នឹង​យក​ទឹក​ដី​ខ្មែរ​យើង​បាត់»

ឆ្លើយតប​រឿង​នេះ អភិបាល​រង​ខេត្ត​កំពង់ឆ្នាំង​ លោក​ ស៊ុន សុវណ្ណា​រិន អះអាង​ថា ជន​បរទេស​ណា ​ដែល​មក​តាំង​ទីលំនៅ​ខុស​ច្បាប់ គឺ​អាជ្ញាធរ​នឹង​ចាប់​បញ្ជូន​ឲ្យ​ត្រឡប់​ទៅ​ប្រទេស​គេ​វិញ។ លោក​ថា ​អាជ្ញាធរ​អនុញ្ញាត​ឲ្យ​ពលរដ្ឋ​វៀតណាម អាច​តាំង​លំនៅ​លើ​គោក​បាន តែ​ជន​អន្តោប្រវេសន៍​ណា​មាន​លិខិតស្នាម​ត្រឹមត្រូវ។ ទន្ទឹម នឹង​នេះ អាជ្ញាធរ​ខេត្ត​មាន​គម្រោង​អភិវឌ្ឍន៍​តំបន់​ទន្លេ​សាប ​ជា​កន្លែង​បម្រើ​វិស័យ​ទេសចរ​ក្នុង​តំបន់​ដែរ។ លោក​ថា អាជ្ញាធរ​ខេត្ត​បាន​សហការ​ជាមួយ​មន្ត្រី​ជំនាញ ធ្វើ​ជំនឿ​ជន​អន្តោប្រវេសន៍​ជា​រៀងរាល់​ឆ្នាំ ដើម្បី​ទប់ស្កាត់​ជន​បរទេស​មក​តាំង​ទីលំនៅ​ខុស​ច្បាប់ ហើយ​កន្លងមក​អាជ្ញាធរ​បាន​ចាប់​បញ្ជូន​ជន​អន្តោប្រវេសន៍​ន៏​ឲ្យ​ត្រឡប់​ទៅ​ប្រទេស​គេ​វិញ​ដែរ ក៏​ប៉ុន្តែ​លោក​មិន​បញ្ជាក់​លម្អិត ​ពី​តួលេខ​នៃ​ការ ចាប់​បញ្ជូន​នោះ​ទេ៖ «តាម​ច្បាប់​អន្តោប្រវេសន៍​អ្នក​ដែល​រស់នៅ​មិន​ត្រឹមត្រូវ អាជ្ញាធរ​ខេត្ត សហការ​ជាមួយ​អគ្គអន្តោប្រវេសន៍ គឺ​យើង​បាន​បញ្ជូន​គាត់​ត្រឡប់​ទៅ​ស្រុក​វិញ តែ​បើ​បងប្អូន​មាន​លិខិត​ស្នាម​ត្រឹមត្រូវ​នោះ យើង​នឹង​អនុញ្ញាត​ឲ្យ​គាត់​រស់​នៅ»

មន្ត្រី​នាំ​ពាក្យ​សមាគម អាដហុក (ADHOC) លោក សឹង សែន​ករុណា មាន​មន្ទិល​ថា តើ​អាជ្ញាធរ​អាច​ធានា​បាន​ទេ ចំពោះ​ការស្ថាបនា​ហេដ្ឋារចនាសម្ព័ន្ធ​ថ្មី​ទាំងនោះ​អាច នឹង​ទប់ស្កាត់​លំហូរ​ជន​អន្តោប្រវេសន៍​វៀតណាម​មិន​ឲ្យ​វិល​ទៅ​តាំង​ទីលំនៅ​ជា​ថ្មី​ទៀត លើ​ផ្ទៃ​បឹង​ទន្លេ​សាប? ខណៈ​ដែល​ ពលរដ្ឋ​វៀតណាម​ភាគ​ច្រើន មាន​ជីវភាព​ផ្អែក​លើ​ផល​នេសាទ និង​ការ​ចិញ្ចឹម​ត្រី។ លោក​ចង់​ឃើញ​អាជ្ញាធរ​ខេត្ត​កំពង់ឆ្នាំង​ អភិរក្ស​បឹង​ទន្លេ​សាប​ឡើងវិញ ដោយ​អនុវត្ត​ច្បាប់​អន្តោប្រវេសន៍​ឲ្យបាន​ពេញលេញ និង​លុបបំបាត់​អំពើពុករលួយ​ពាក់ព័ន្ធ​ការ ធ្វើ​លិខិតស្នាម​ស្នាក់នៅ ក្នុង​ប្រទេស​កម្ពុជា​ជាដើម៖ «ការ​ផ្លាស់​ទីនេះ គួរ​តែ​ធ្វើ​ដោយ​ត្រឹមត្រូវ​ទាំង​អស់​គ្នា និង​ចង់​ឲ្យ​មាន​ការ​ពិនិត្យ​ឡើង​វិញ​ដែរ ទៅ​លើ​ជន​អន្តោប្រវេសន៍​ទាំង​ឡាយ​ណា​ដែល​មក​រស់​នៅ​កម្ពុជា ព្រោះ​ប្រជាជន​កម្ពុជា​ទៅ​ប្រទេស​គេ​មិន​បាន​ទេ។ អត់​មាន​ច្បាប់​ត្រូវ​បាន​អាជ្ញាធរ​គេ​ចាប់»

មន្ត្រី​សិទ្ធិ​មនុស្ស​រូប​នេះ​ពន្យល់​ថា បឹង​ទន្លេ​សាប​ជា​ទ្រព្យ​សាធារណៈ​របស់​រដ្ឋ មិន​ត្រូវ បណ្ដោយ​មាន​ការ តាំង​ទីលំនៅ​បែប​អនាធិបតេយ្យ​នោះ​ទេ ហើយ​អាជ្ញាធរ​កម្ពុជា ត្រូវ​និរាករណ៍​រាល់​ឯកសារ​ទាំងឡាយ​ណា​ដែល​រក ឃើញ​ថា ជនជាតិ​វៀតណាម​ទាំងនោះ​ឃុបឃិត​ជាមួយ​អាជ្ញាធរ​ខ្មែរ​ធ្វើ​អត្តសញ្ញាណប័ណ្ណ​សញ្ជាតិ​ខ្មែរ​ខុស​ច្បាប់ និង​លិខិតស្នាម​នានា​ជាដើម។

តួលេខ​អាជ្ញាធរ​ខែ​ត្រ​បង្ហាញ​ថា នៅ​ខេត្ត​កំពង់ឆ្នាំង មាន​ផ្ទះ​បណ្ដែត​ទឹក​ ជិត ៤ពាន់​គ្រួសារ​ ក្នុង​នោះ​មាន​ជនជាតិ​វៀតណាម​ ជិត​ ២ ពាន់​គ្រួសារ។ បច្ចុប្បន្ន​នៅ​ខេត្ត​កំពង់ឆ្នាំង មាន​ជនជាតិ​វៀតណាម​រស់នៅ​ជាង ១ម៉ឺន​នាក់ (១០០៨៧) ហើយ​កន្លែង​ដែល​ជនជាតិ​វៀតណាម​រស់នៅ​ច្រើន​ជាង​គេ គឺ​នៅ​ផ្សារ​ក្រោម សង្កាត់​កំពង់ឆ្នាំង តំបន់​ឆ្នុក​ទ្រូ ស្ថិត​ក្នុង​ឃុំ​ឆ្នុក​ទ្រូ ស្រុក​បរិបូណ៌ ហើយ​ក្រៅពី​នោះ​នៅ​ស្រុក​កំពង់ត្រឡាច និង​តំបន់​ផ្សេងៗ ទៀត។

សមាជិក​ក្រុម​ការងារ ១០០រាត្រី លោក មួង សូនី យល់ថា អាជ្ញាធរ​កម្ពុជា ត្រូវ​ញែក​ឲ្យ​ដាក់​ រវាង​ជនជាតិ​វៀតណាម​រស់នៅ​ខុស​ច្បាប់ និង​ស្រប​ច្បាប់​ តែ​បើ​ពលរដ្ឋ​វៀតណាម​រស់នៅ​ខុស​ច្បាប់​អាជ្ញាធរ​ត្រូវ​អនុវត្ត​ច្បាប់​ឲ្យ​ម៉ឺងម៉ាត់។

លោក​ថា ​ផ្ទះ​បណ្ដែត​ទឹក​រាប់​ពាន់​ខ្នង​លើ​ផ្ទៃ​បឹង​ទន្លេ​សាប​ភាគ​ច្រើន​ជា​ជន​អន្តោប្រវេសន៍​វៀតណាម បង្ក​ផល ប៉ះពាល់​ធំធេង​ដល់​បរិស្ថាន​ទន្លេ​សាប ​ជីវៈ​ចម្រុះ ដែល​ជា​ជម្រក​ត្រី និង​ជា​ទីកន្លែង​ចិញ្ចឹម​ជីវិត​របស់​ពលរដ្ឋ​ខ្មែរ​រស់នៅ​តំបន់​បឹង​ទន្លេ​សាប​ទាំងមូល​។ ​លោក​ថា ​ជន​អន្តោប្រវេសន៍​វៀតណាម​ស្ទើរ​ទាំងអស់​ពុំ​មាន​ឯកសារ​ផ្លូវ​ច្បាប់​ត្រឹមត្រូវ​ទេ ​ហើយ​ពួក​គេ​តែង​នេសាទ​ប្រើ​ឧបករណ៍​ខុស​ច្បាប់​ ​ជា​ពិសេស គឺ​លួច​ចិញ្ចឹម​ត្រី​ឆ្ដោ​ក្នុង​បែ​ក្រោម​ផ្ទះ​របស់​ខ្លួន​ខុស​ច្បាប់៖ «យើង​អត់​ដឹង​ថា តើ​គេ​អាច​ទប់​ស្កាត់​បាន​អត់? ព្រោះ​តែ​យើង​អនុវត្ត​ច្បាប់ ហើយ​ប្រសិទ្ធភាព​វា​អត់​បាន​ខ្ពស់។ យើង​ត្រូវ​តាមដាន​ជាប់​ជា​និច្ច ចំពោះ​ជន​ជាតិ​វៀតណាម​លើ​បឹង​ទន្លេសាប បើ​យើង​ដឹង​ថា គេ​មក​រស់​នៅ​ខុស​ច្បាប់ យើង​ចាប់​គេ​ទៅ​វិញ។ ប៉ុន្តែ ខ្ញុំ​មើល​ទៅ​អត់​មាន​សោះ គឺ​ចេញ​ចូល​ដោយ​សេរី​លើ​បឹង​ទន្លេ​សាប។ អ្នក​ខ្លះ​មក​នេសាទ ៣ ទៅ ៤រដូវ ចប់​រដូវ​គេ​ទៅ​ផ្ទះ​គេ​វិញ​ក៏​មាន»

ប្រធាន​អង្គការ​ការពារ​សិទ្ធិ​ជនជាតិ​ដើម​ភាគ​តិច​ប្រចាំ ខេត្ត​កំពង់ឆ្នាំង លោក ទត គឹម​ស្រួយ ធ្លាប់​លើក​ឡើង​ថា ពលរដ្ឋ​វៀតណាម​ភាគ​ច្រើន គឺ​បាន​មក​តាំង​ទីលំនៅ​ខុស​ច្បាប់​មាន​ជាប់ពាក់ព័ន្ធ​ពី​ភាព​ធូរ​រលុង​ការអនុវត្ត​ច្បាប់​។ ​លោក​រក ឃើញ​ថា កន្លងទៅ​សមត្ថកិច្ច​បាន​អនុញ្ញាត ឲ្យ​ពលរដ្ឋ​មក​រស់នៅ​ខុស​ច្បាប់ មាន​សិទ្ធិ​បង់​ពន្ធ​ស្នាក់នៅ​រយៈពេល ២ឆ្នាំ​ដោយ​ស្វ័យប្រវត្តិ ខុស​នីតិវិធី​បណ្ដាល​ឲ្យ​ជន​អន្តោប្រវេសន៍​កាន់​តែ​កើន​ឡើង​ច្រើន៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (2)
Share

n.vietnamese illegal migrants VS tmil Hun Sen weakest govm't

They have to send them back to where they belonged...because the khmer govm't can't do nothing with all these n.vietnamese illegal immigration and no khmer govm't call them to come here at all"it's illegally to enter another country,and they have a right to send them back home".To quick resolve this illegal immigration unsolved mystery in the last decades just send them back home that set.Every countries around the world have a right to deport illegal migration back home if they found illegal entry.All these n.vietnamese illegal immigration just came here when the n.vietnam commies foot soldiers invaded of Cambodia in 1979-1993 and present.They all had been destroyed waters ecosystem and wildlife with polluted all kind of chemical materials into Tonle Sab lake and riverbank with unsafe drinking water and take years to be back normally"they dumped all kind of chemicals into riverbed"and khmer govm't must quick to clean up all those kind of material as they can.Khmer govm't should put restrict signs on the billboard on along highways and around all lakes and riverbanks forbidden all kind of illegal activity in those areas must be arrest,heavy fine and an imprisoning before deport back to their home country"no excuse".These illegal migrants are not run away from any political reason,or from bad govm't,or fascist communism,or war,but just come here illegally,or maybe they have many reasons with their own law or criminal most wanted or face an economic hardship at home.

Jan 06, 2019 02:29 PM

n.vietnamese illegal migrants VS tmil Hun Sen weakest govm't

They have to send them back to where they belonged...because the khmer govm't can't do nothing with all these n.vietnamese illegal immigration and no khmer govm't call them to come here at all"it's illegally to enter another country,and they have a right to send them back home".To quick resolve this illegal immigration unsolved mystery in the last decades just send them back home that set.Every countries around the world have a right to deport illegal migration back home if they found illegal entry.All these n.vietnamese illegal immigration just came here when the n.vietnam commies foot soldiers invaded of Cambodia in 1979-1993 and present.They all had been destroyed waters ecosystem and wildlife with polluted all kind of chemical materials into Tonle Sab lake and riverbank with unsafe drinking water and take years to be back normally"they dumped all kind of chemicals into riverbed"and khmer govm't must quick to clean up all those kind of material as they can.Khmer govm't should put restrict signs on the billboard on along highways and around all lakes and riverbanks forbidden all kind of illegal activity in those areas must be arrest,heavy fine and t run awayace an imprisoning before deport back to their home country"no excuse".These illegal migrants are not run away from any political reason,or from bad govm't,or fascist communism,or war,but just come here illegally,or maybe they have many reasons with their own law or criminal most wanted or face an economic hardship at home.

Jan 06, 2019 02:26 PM

គេហទំព័រ​ទាំងមូល