សង្គមស៊ីវិលសាទរនឹងក្រសួងដែលបណ្ដុះបណ្ដាលពីការផលិតស្រាសក្នុងខេត្តក្រចេះ
2018.11.02
អ្នកពុលស្រាសនៅភូមិដំរ៉ែ ឃុំបឹងចារ ស្រុកសំបូរ ខេត្តក្រចេះ កំពុងសម្រាកព្យាបាលនៅមន្ទីរពេទ្យ បង្អែកខេត្តក្រចេះ ថ្ងៃទី១៨ ខែតុលា ឆ្នាំ២០១៨។
រូប៖ បណ្ដាញហ្វេសប៊ុក មាន មាន
ប្រធានផ្នែកអង្កេតសិទ្ធិមនុស្សនៃសមាគមអាដហុក (Adhoc) លោក នី សុខា ស្វាគមន៍វិធានការ ក្រសួងឧស្សាហកម្ម និងសិប្បកម្ម ក្នុងការបង្រៀន ម្ចាស់សិប្បកម្មស្ដីពីបទដ្ឋានបច្ចេកទេស ក្នុងការផលិតស្រាស ក្នុងខេត្តក្រចេះ។ វគ្គបណ្ដុះបណ្ដាលកើតឡើយក្រោយពេលអ្នកភូមិ ៧នាក់បានស្លាប់និងមនុស្សជិត ១រយនាក់ទៀតបានពុលស្រាស។
លោក នី សុខា ចង់ឲ្យក្រសួងដែលពាក់ព័ន្ធធ្វើការស្រាវជ្រាវឲ្យកាន់តែច្បាស់លាស់ ដើម្បីរកឲ្យឃើញពីមូលហេតុដែលបណ្ដាល ឲ្យពលរដ្ឋខេត្តក្រចេះរងគ្រោះដោយសារស្រាសនោះ៖ «អង្កេត និងរកឲ្យឃើញពីមូលហេតុ ឲ្យបានត្រឹមត្រូវ ថាតើការពុលនេះ បណ្ដាលមកពីស្រាសដែលគាត់ផឹកហ្នឹង ឬក៏មកពីបញ្ហាអ្វីផ្សេង ពីព្រោះដូចជាយើងឃើញហើយថាមួយរយៈចុងក្រោយនេះ ឃើញមានការប្រទាក់ប្រទងគ្នា ពីការផ្ដល់ព័ត៌មានរវាងក្រសួង ដែលពាក់ព័ន្ធទាំងនោះដែរ»។
ចាប់តាំងពីចុងឆ្នាំ២០១៦ រហូតមកដល់បច្ចុប្បន្ន មានមនុស្សស្លាប់ជាង ៤០នាក់ និងជាង ៥០០នាក់ ត្រូវបញ្ជូនទៅសង្គ្រោះបន្ទាន់នៅមន្ទីរពេទ្យ បន្ទាប់ពីពលរដ្ឋពិសាស្រាស សាច់ឆ្កែដែលគេបំពុល ពុលត្រីកំពត ពុលទឹកក្រូច និងករណីពុលទឹកព្រែកទេរ នៅខេត្តក្រចេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- សភាកម្ពុជាប្រតិកម្មទៅនឹងការសម្រេចរបស់សភាអឺរ៉ុបរឿងដកប្រព័ន្ធអនុគ្រោះពន្ធEBA បន្ថែម
- ស្ត្រីដែលគ្រូពេទ្យវះកាត់ខុសបច្ចេកទេសបានបាត់បង់ជីវិត
- កម្ពុជារកចំណូលបាន ១.៤ពាន់លានដុល្លារ ពីកំណើនភ្ញៀវទេសចរបរទេសក្នុងឆ្នាំ២០២២
- លោក ហ៊ុន សែន ប្រើលុយដើម្បីដោះស្រាយបញ្ហាកម្មករក្នុងពេលរោងចក្រជាច្រើនបិទទ្វារ
- លោក ហ៊ុន សែន ជួយលោក ហ៊ុន ម៉ាណែត ឱ្យឡើងសក្ដិមួយកម្រិតទៀត