មនុស្ស​ស្លាប់​​ដោយ​​គ្រោះថ្នាក់​ចរាចរណ៍​រយៈ​ពេល ៥ថ្ងៃ ក្នុង​អំឡុង​​​ចូល​ឆ្នាំ​ខ្មែរ​ឆ្នាំ​នេះ ​កើន​ជាង​ឆ្នាំ​មុន ​១២​នាក់

2019-04-18
អ៊ីម៉ែល
មតិ
Share
បោះពុម្ព
គ្រោះថ្នាក់​មួយ​នេះ​កើត​ឡើង​នៅ​លើ​ផ្លូវ​គ្រួ​ស​ក្រហម​ក្នុង​ភូមិ​ចំបក់​ហែ ឃុំ​ពួក ស្រុក​ពួក  ខេត្ត​សៀមរាប កាល​ពី​ថ្ងៃ​ទី១៧ ខែ​មេសា ឆ្នាំ២០១៩ មាន​មនុស្ស​របួស​ធ្ងន់​ស្រាល ៦នាក់។
គ្រោះថ្នាក់​មួយ​នេះ​កើត​ឡើង​នៅ​លើ​ផ្លូវ​គ្រួ​ស​ក្រហម​ក្នុង​ភូមិ​ចំបក់​ហែ ឃុំ​ពួក ស្រុក​ពួក ខេត្ត​សៀមរាប កាល​ពី​ថ្ងៃ​ទី១៧ ខែ​មេសា ឆ្នាំ២០១៩ មាន​មនុស្ស​របួស​ធ្ងន់​ស្រាល ៦នាក់។
រូប៖ ហ្វេសប៊ុក​អគ្គស្នងការដ្ឋាន​នគរបាល​ជាតិ

របាយការណ៍​របស់​ការិយាល័យ​នគរបាល​ផ្លូវ​គោក ​នៃ​អគ្គ​ស្នងការ​នគរបាល​ជាតិ ចេញ​ផ្សាយ​នៅ​ថ្ងៃ​ទី១៧ មេសា បង្ហាញ​ថា ចំនួន​អ្នក​ស្លាប់​ក្នុង​គ្រោះ​ថ្នាក់​ចរាចរណ៍ ក្នុង​ថ្ងៃ​ទី១៧ មេសា ឆ្នាំ២០១៩ នេះ មាន​ចំនួន ៧នាក់។ តួលេខ​អ្នក​ស្លាប់​នេះ បាន​ថយ​ចុះ​ចំនួន ៨នាក់ បើ​ធៀប​ទៅ​នឹង​ថ្ងៃ​ទី១៧ ខែ​មេសា​ដូច​គ្នា កាល​ឆ្នាំ២០១៨ គឺ​មាន​អ្នក​ស្លាប់​ដល់​ទៅ ១៥នាក់។

ប៉ុន្តែ​​របាយការណ៍​ដដែល​បង្ហាញ​ថា អ្នក​ស្លាប់​រយៈ​ពេល ៥ថ្ងៃ នៃ​អំឡុង​ពេល​ពិធី​បុណ្យ​ចូល​ឆ្នាំ​ខ្មែរ ​ពី​ថ្ងៃ​ទី១៣ ដល់​ថ្ងៃ​ទី១៧ មេសា​នេះ​វិញ មាន​ចំនួន ៥៩នាក់ ដែល​កើន​ឡើង ១២នាក់ បើ​ធៀប​រយៈ​ពេល​ដូច​គ្នា កាល​ពី​ឆ្នាំ២០១៨ មាន​ចំនួន​អ្នក​ស្លាប់ ៤៧នាក់។

ចំណែក​អ្នក​រង​របួស​ធ្ងន់​ស្រាល ចំនួន ៩៥នាក់ គឺ​កើន​ឡើង​ជាង​ឆ្នាំ២០១៨។ ឆ្នាំ២០១៩ អ្នក​រង​របួស​ធ្ងន់​ស្រាល​ក្នុង​គ្រោះ​ថ្នាក់​ចរាចរណ៍ បាន​កើន​ឡើង​ដល់ ២៣៨នាក់ ឯ​ឆ្នាំ​២០១៨ មាន​ចំនួន ១៤៣នាក់។

គ្រោះថ្នាក់​ចរាចរណ៍​ដែល​កើត​ឡើង​រយៈ ៥ថ្ងៃ​ ក្នុង​អំឡុង​ពេល​ចូល​ឆ្នាំ​ខ្មែរ​ឆ្នាំ​នេះ គឺ​បណ្ដាល​មក​ពី​ការ​បើក​ហួស​ល្បឿន នៅ​តែ​ជា​មូលហេតុ​នាំ​មុខ​គេ គឺ​មាន ៥៤ករណី មិន​គោរព​សិទ្ធិ ១៩ករណី មិន​ប្រកាន់​ស្ដាំ ១៨ករណី បត់​គ្រោះ​ថ្នាក់ ១៧ករណី ស្រវឹង​ស្រា ៨ករណី កត្តា​យានយន្ត ៤ករណី និង​បើក​បរ​ដោយ​ងងុយ​ដេក ១ករណី។

ភូមិសាស្ត្រ ដែល​មាន​ចំនួន​គ្រោះ​ថ្នាក់​ចរាចរណ៍​កើត​ឡើង​ច្រើន​ជាង​គេ គឺ​នៅ​ភ្នំពេញ មាន​គ្រោះថ្នាក់​ចរាចរណ៍ ២០ដង បណ្ដាល​ឲ្យ​មាន​អ្នក​ស្លាប់ ៦នាក់៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល