ក្រុមអ្នកឃ្លាំមើលបរិស្ថាននៅមានមន្ទិលសង្ស័យអំពីការខកខានរបស់រដ្ឋមន្ត្រីក្រសួងចំនួនបី គឺក្រសួងបរិស្ថាន ក្រសួងរ៉ែ និងថាមពល និងក្រសួងធនធានទឹក ដែលមិនបានចេញមុខបកស្រាយអំពីបញ្ហាពុលទឹកព្រែកទេរ ក្នុងខេត្តក្រចេះ ដែលបណ្ដាលឲ្យអ្នកស្រុកនៅទីនោះចំនួនជាងដប់នាក់បានស្លាប់ ហើយរាប់រយនាក់ទៀតធ្លាក់ខ្លួនឈឺធ្ងន់ធ្ងរ។ ក្រុមអ្នកអភិរក្សបរិស្ថានជំរុញឲ្យក្រសួងទាំងបីស្វែងរកមុខក្រុមហ៊ុនរ៉ែមាស ដែលធ្វើឲ្យមានសារធាតុគីមីពុលហូរចូលទៅក្នុងទន្លេ មកទទួលខុសត្រូវចំពោះមុខច្បាប់ និងសងជំងឺចិត្តដល់ក្រុមអ្នករងគ្រោះដោយសារការពុលសារធាតុគីមីទាំងនេះ។
សូមលោកអ្នកនាងស្តាប់បទសម្ភាសន៍របស់លោក តាំង សារ៉ាដា ជាមួយលោក អាឡេហាន់ដ្រូ ហ្កាន់ហ្សាឡេ ដេវីដសិន (Alejandro Gonzalezdavidson) ដែលជាស្ថាបនិកអង្គការមាតាធម្មជាតិជុំវិញបញ្ហានៃការពុលនេះ ដូចតទៅ ...
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។