លោក សុរិយា ស៊ូប៊ែឌី រិះគន់បញ្ហាសិទ្ធិលើដីធ្លីនៅកម្ពុជា
2012.12.14
ថ្លែងនៅក្នុងសន្និសីទសារព័ត៌មាននៅរសៀលថ្ងៃទី១៤ ខែធ្នូ ឆ្នាំ២០១២ នាការិយាល័យឧត្ដមស្នងការទទួលបន្ទុកសិទ្ធិមនុស្សរាជធានីភ្នំពេញ លោក សុរិយា ស៊ូប៊ែឌី បានលើកឡើងថា នៅក្នុងពេលបំពេញបេសកកម្មនេះ លោកបានប្រាស្រ័យទាក់ទងជាមួយដៃគូពាក់ព័ន្ធទាំងឡាយនៅក្នុងសង្គមកម្ពុជា រាប់ទាំងសង្គមស៊ីវិល សហគមន៍មូលដ្ឋាន បុគ្គលឯកជន និងដៃគូអភិវឌ្ឍន៍របស់កម្ពុជា។
លោកបានលើកឡើងថា កម្ពុជា បានបន្តអនុវត្តបានល្អលើសូចនាករជាច្រើនក្នុងវិស័យសេដ្ឋកិច្ច គាំទ្រដោយស្ថិរភាពនយោបាយ។ ប៉ុន្តែលោកបានរិះគន់បញ្ហាសិទ្ធិលើដីធ្លីបានក្លាយជាបញ្ហាដ៏ធំមួយនៅកម្ពុជា និងមានកង្វល់ជាច្រើនអំពីការអនុវត្តកម្មវិធីផ្ដល់ប័ណ្ណកម្មសិទ្ធិដីធ្លី ដូចជាកង្វះតម្លាភាព ផលប៉ះពាល់របស់កម្មវិធីនេះទៅលើជនជាតិដើមភាគតិច និងអំពីរបៀបជ្រើសរើសសហគមន៍ដែលត្រូវផ្ដល់ប័ណ្ណកម្មសិទ្ធិដីធ្លី។
នៅក្នុងសន្និសីទនេះដែរ លោក សុរិយា ស៊ូប៊ែឌី បានសម្ដែងការសោកស្ដាយដែលលោកមិនអាចជួបប្រាស្រ័យទាក់ទងជាមួយដៃគូពិភាក្សាក្នុងជួររដ្ឋាភិបាលចំពោះបញ្ហាទាំងអស់នេះ។
លោក សុរិយា ស៊ូប៊ែឌី អ្នករាយការណ៍ពិសេសអង្គការសហប្រជាជាតិទទួលបន្ទុកសិទ្ធិមនុស្សប្រចាំនៅកម្ពុជា បានបញ្ជាក់ថា បញ្ហាប្រឈមរបស់កម្ពុជា នេះ លោកនឹងដាក់ក្នុងរបាយការណ៍របស់លោកជូនទៅក្រុមប្រឹក្សាសិទ្ធិមនុស្សអង្គការសហប្រជាជាតិ។
លោក សុរិយា ស៊ូប៊ែឌី បានមកបំពេញទស្សនកិច្ចជាផ្លូវការនៅកម្ពុជា លើកទី៨ មានរយៈពេល ៥ថ្ងៃ គឺបានចាប់ផ្ដើមពីថ្ងៃទី៩ ហើយបានបញ្ចប់នៅថ្ងៃទី១៤ ខែធ្នូ ឆ្នាំ២០១២៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- លោក ឃួង ស្រេង ពីមន្ត្រីខណ្ឌតូចតាចទៅជាអភិបាលក្រុងភ្នំពេញដោយសារស្នាដៃបម្រើគ្រួសារត្រកូលហ៊ុន
- លោក ហ៊ុន ម៉ានី ស្នើឲ្យនាយករដ្ឋមន្ត្រី លោក ហ៊ុន ម៉ាណែត ដកប្រធានមន្ទីរបរិស្ថានចំនួន៤ ខេត្ត នៅជុំវិញតំបន់ព្រៃឡង់
- លោក ហេង សិទ្ធី ត្រូវបានចាប់ខ្លួនដល់រុស្សីក្រោយស្នើឱ្យលោក ហ៊ុន ម៉ាណែត ចុះចេញពីតំណែង
- ខ្មាន់កាំភ្លើងបង្ហាញអត្តសញ្ញាណអ្នកបញ្ជាឱ្យបាញ់សម្លាប់លោក លិម គិមយ៉ា ក្រោយពេលតុលាការចេញដីកាចាប់ខ្លួនលោក លី រតនរស្មី
- មន្ត្រីបក្សកាន់អំណាចព្យាយាមលាងជម្រះលោក ហ៊ុន សែន ពាក់ព័ន្ធឃាតកម្មលើលោក លិម គិមយ៉ា
អត្ថបទពេញនិយម
ព័ត៌មានថ្មីៗ
- លោក សម រង្ស៊ី អំពាវនាវឱ្យកងកម្លាំងប្រដាប់អាវុធ និងអ្នកនយោបាយរួមគ្នាផ្លាស់ប្ដូររបបត្រកូល ហ៊ុន
- តុលាការថៃចេញដីកាចាប់ខ្លួនជនសង្ស័យជនជាតិខ្មែរគឺលោក លី រតនរស្មី ករណីឃាតកម្មលើលោក លិម គិមយ៉ា
- តុលាការបារាំង បានសាកសួរភរិយាលោក លិម គិមយ៉ា អំពីករណីឃាតកម្មលើលោក លិម គិមយ៉ា
- ភាពស្ងប់ស្ងាត់លើករណីឃាតកម្មលោក លិម គិមយ៉ា «បង្ហាញពីភាពគ្មានទំនួលខុសត្រូវរបស់រដ្ឋាភិបាល»
- អាជ្ញាធរត្រៀមបញ្ជូនអតីតឧកញ៉ា ហេង សិទ្ធី មកកម្ពុជា ក្រោយចាប់ខ្លួនបាននៅរុស្ស៊ី