បាតុករវៀតណាមដើរកាត់សង្កាត់ពាណិជ្ជកម្មឆើតឆាយ ឈ្មោះ Roppongi និង Ebisu ក្នុងចម្ងាយជាច្រើនគីឡូម៉ែត្រ ដោយបន្ទរនូវពាក្យស្លោកថា កុំសម្លាប់អ្នកនេសាទក្នុងស្រុកវៀតណាម ជាភាសាជប៉ុន។ ក្រុមអ្នករៀបចំបាតុកម្មដោយអហិង្សា ដែលគេស្គាល់ថាជាសមាគមវៀតណាមការពារសន្តិភាពក្នុងសមុទ្រចិនខាងត្បូង ប្រាប់អ្នកកាសែតជាភាសាជប៉ុនថា នេះជាលើកទីមួយហើយ ដែលជនជាតិវៀតណាមរស់នៅប្រទេសជប៉ុន បានធ្វើបាតុកម្មប្រភេទនេះ។
តាមទីភ្នាក់ងារព័ត៌មាន អាអែហ្វប៉េ (AFP) បដាខ្លះមានសរសេរពាក្យស្លោកជាភាសាអង់គ្លេសថា "គំនិតចិន គឺអ្វីជារបស់យើង គឺជារបស់យើង។ អ្វីជារបស់អ្នក ក៏ជារបស់យើងដែរ"៕