ໄວ້ອາລັຍ ທ່ານ ພອນເທພ ເທພພິທັກສ໌

ພອນ ພູມ​ມີ​ທອນ
2022.07.30
ພາບ​ເລື່ອນ ພອນ​ເທ​ພ ໑

ພອນເທພ ເທພພິທັກສ໌ ເຈົ້າຂອງ ສຽງເພງອະມະຕະ “ເພັດໃນຕົມ”

ພາບ​ເລື່ອນ ພອນ​ເທ​ພ ໒

ພອນເທພ ເທພພິທັກສ໌ ເຈົ້າຂອງ ສຽງເພງອະມະຕະ “ຖິ່ນ​ທອງ”

ພາບ​ເລື່ອນ ພອນ​ເທ​ພ ໓

ທ່ານ ສຸ​ເທ​ພ ວົງ​ກຳ​ແຫງ (ຊ້າຍ) ແລະ ທ່ານ ພອນເທພ ເທພພິທັກສ໌ (ຂວາ)

ສະ​ບາຍ​ດີ ທ່ານ​ຜູ້​ຟັງ​ທີ່​ເຄົາ​ຣົບ, ຣາຍ​ການ​ບັນ​ເທີງ​​ສັ​ປ​ດານີ້ ຂ້າ​ພ​ະ​ເຈົ້າ ພອນ ພູມມີທອນ ພ້ອມດ້ວຍ ທີມງານວິທຍຸ ເອເຊັຽເສຣີ ຂໍສະເເດງຄວາມໄວ້ອາລັຍ ແດ່ດວງວິນຍານ ຂອງອາຈານ ພອນເທພ ເທພິທັກສ໌, ສິລປີນລາວ ອາວຸໂສ, ທີ່ເຕັມປ່ຽມໄປດ້ວຍ ຄວາມສາມາດ ມີພອນສວັນ ໃນການຮ້ອງເພງ ປະເພດລູກກຸງ ເປັນຂວັນໃຈ ຂອງມິຕຮັກແຟນເພງຊາວລາວ ຈົນຮອດທຸກມື້ນີ້. ສິລປີນ ອາຈານ ພອນເທ ເທພິທັກສ໌ ໄດ້ສ້າງຜົລງານ ເພງອະມະຕະຫລາຍໆເພງ ຝາກໄວ້ ໃນວົງການບັນເທີງລາວ ເຊັ່ນ: ເພັດໃນຕົມ, ຖິ່ນທອງ, ຫວງເພາະຮັກ, ອຸທະຍານຮັກ ຊຶ່ງຮ້ອງຄູ່ ກັບ ຍາ​ນາງ ນະຣຽມ ແລະ ຜົລງານເພງ ອື່ນໆ....

ສິລປີນ ອາຈານ ພອນເທ​ພ ເທພິທັກສ໌ ໄດ້ຈາກພວກເຮົາໄປແລ້ວ ໃນຕອນເຊົ້າຂອງ ວັນທີ 28 ກໍຣະກະດາ 2022 ທີ່ບ້ານໂນນແກ້ວ ເມືອງສີໂຄດຕະບອງ ແລະ ພິທີ ຊາປະນະກິດສົບ ໄດ້ຈັດຂຶ້ນ ໃນວັນເສົາ ວັນທີ 30 ເດືອນ ກໍຣະກະດາ ທີ່ຜ່ານມາ.

ພວກເຮົາ ນັກສິລປິນລາວຢູ່ຕ່າງແດນ ແລະ ຢູ່ທົ່ວທຸກມຸມໂລກ ຂໍສະແດງຄາມເສັຽໃຈມາຍັງ ຄອບຄົວຍາດຕິພີ່ນ້ອງ ໝູ່ຄູ່ ທີ່ໄດ້ສູນເສັຽ ຄົນທີ່ຮັກ ແລະ ນັບຖືໄປ ຢ່າງບໍ່ມີວັນກັບມາ.

ເຊັ່ນດຽວກັນກັບ ຄອບຄົວສິລປີນລາວ ໄດ້ສູນເສັຽສະມາຊິກ ບຸກຄົນທີ່ສຳຄັນ ໃນວົງການບັນເທີງລາວ ໄປອີກທ່ານນຶ່ງ ແຕ່ຄວາມດີງາມ ແລະ ຜົລງານເພງອະມະຕະເຫລົ່ານີ້ ຂອງເພິ່ນ ຍັງຈະຢູ່ໃນຄວາມຊົງຈຳ ຂອງພວກເຮົາ ແລະ ມິຕຮັກແຟນເພງຕລອດໄປ...

ຂໍໃຫ້ດວງວິນຍານ ຂອງ ອາຈານ ພອນເທພ ເທພິທັກສ໌ ຈົ່ງໄປສູ່ສຸຂຕິ ໄປຊູ່ສວັນຊັ້ນຟ້າດ້ວຍເທີ້ນ.....

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.