ສລອງບຸນປີໃໝ່ລາວ ພ.ສ 2557

ອຸ່ນແກ້ວ ສຸກສວັນ
2014-04-10
Share
F-pimay ນາງ ສັງຂານ ປີໃໝ່ລາວ ປະຈໍາປີ ພ.ສ 2555 ທີ່ ວັດລາວ ພຸທທະວົງ ຂົງເຂດ ວໍຊິງຕັນ ດີ ຊີ ສະຫະຣັດ ອະເມຣິກາ
RFA

 

ໃນອີກບໍ່ ພໍເທົ່າໃດ ມື້ ກໍຈະ ເຂົ້າສູ່ ວາຣະ ເທສການ ບຸນ ປີໃໝ່ ລາວ ກໍ ແນ່ນອນ ວ່າ ຄົນລາວ ກໍກຳລັງ ຫ້າງຫາ ການ ຫລິ້ນ ບຸນ ປີໃໝ່ ລາວ ຢ່າງຄຶກຄື້ນ. ແນ່ນອນ ວ່າ ໃນການ ສລອງ ນັ້ນ ຄົນລາວ ກໍຕ້ອງ ມີການຫລິ້ນ ກິນ ມ່ວນຊື່ນ ແຕ່ ສິ່ງທີ່ ມາກັບ ຄວາມ ມ່ວນຊື່ນ ກໍຄື ເຣື້ອງ ອຸປຕິເຫດ ນັ້ນເອງ.

ເປັນຫຍັງ ຈຶ່ງ ເກີດ ອຸບັດຕິເຫດ ໃນງານ ເທສການ ປີໃໝ່ ຫລາຍ? ຄຳຕອບ ກໍຄື ເປັນຍ້ອນ ການດື່ມ ສິ່ງ ມຶນເມົາ. ແລ້ວ ເປັນຫຍັງ ຄົນລາວ ຈຶ່ງມັກດື່ມ ສິ່ງມຶນເມົາ ຫລາຍແທ້? ຄຳຕອບ ກໍຄືວ່າ ສປປລາວ ມີການ ໂຄສະນາ ເຄື່ອງດື່ມ ມຶນເມົາ ຫລາຍ ທີ່ສຸດ ໃນໂລກ ປະເທດ ນຶ່ງ ໂດຍສະເພາະ ການ ໂຄສະນາ ເບັຍ ແລະ ບໍ່ມີ ກົດໝາຍ ຄວບຄຸມ ການ ໂຄສະນາ ເຄື່ອງດື່ມ ປະເພດ ເຫລົ້າ ແລະ ເບັຍ.

ປ້າຍ ໂຄສະນາ ເບັຍລາວ ຢູ່ໃນ ປະເທດ ລາວ ເຫັນກັນຢູ່ ທຸກ ຂອກແຄ ແຈຮົ້ວ ຈົນ ບໍ່ສາມາດ ຄວບຄຸມ ໄດ້ ທິມງານ ວິທຍຸ ເອເຊັຍ ເສຣີ ໄດ້ ມີໂອກາດ ສຳພາດ ເຈົ້າໜ້າທີ່ ຂອງ ທາງການ ລາວ ທ່ານນຶ່ງ ວ່າ ເພີ່ນຄິດ ແນວໃດ ກ່ຽວກັບ ການ ໂຄສະນາ ເຄື່ອງດື່ມ ສິ່ງ ມຶນເມົາ ເພື່ອ ຈູງໃຈ ໃຫ້ ຄົນລາວ ດື່ມເບັຍ ຫລາຍ ຈົນເປັນ ສາເຫດ ຫລັກ ໃນການ ເກີດ ອຸບັດຕິເຫດ ສ້າງຄວາມ ເສັຍຫາຍ ໃນຊີວິດ ແລະ ຊັພສິນ.

ຜົນ ຂອງການ ດື່ມສິ່ງ ມຶນເມົາ ກໍຄື ອຸບັດຕິເຫດ ສູນເສັຍ ຊີວິດ. ອີງຕາມ ຂໍ້ມູນ ຈາກ ກົມ ຕຳຫຣວດ ຈະລາຈອນ, ກະຊວງ ປ້ອງກັນ ຄວາມສງົບ ພົບວ່າ ຈຳນວນ ຜູ້ເສັຍ ຊີວິດ ໃຊ້ຊ່ວງ ເທສການ ປີໃໝ່ ລາວ ໃນປີ 2012 ແລະ 2013 ເທົ່າກັນ ຄືມີຜູ້ ເສັຍ ຊີວິດ 23 ຄົນ ຈຳນວນ ການເກີດ ອຸບັດຕິເຫດ ໃກ້ຄຽງກັນ ຄື ມີຢູ່ 180 ຄັ້ງ. ທັງໝົດ ກໍຄື ການເກີດ ອຸບັດຕິເຫດ ສ່ວນຫລາຍ ແມ່ນ ມາຈາກ ການດື່ມ ສິ່ງ ມຶນເມົາ ການທີ່ ຄົນລາວ ດື່ມ ສິ່ງ ມຶນເມົາ ກັນ ຢ່າງແຜ່ຫລາຍ ຊຶ່ງ ເປັນຜົນ ມາຈາກ ການ ໂຄສະນາ ເຄື່ອງດື່ມ ມຶນເມົາ ເບຍ ແລະ ເຫລົ້າ ນັ້ນເອງ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ