ໂຄງການເຂື່ອນນໍ້າອູ 5


2013-12-05
Share
F-Nam-ou ການກໍ່ສ້າງ ເຂື່ອນນໍ້າອູ ໃນເຂດ ແຂວງຜົ້ງສາລີ (9-19-2013)
MK

 

ເຂື່ອນນໍ້າອູ 5 ສໍາເຣັດ ໄປແລ້ວ 38 ສ່ວນຮ້ອຍ ແຕ່ ຍັງບໍ່ໄດ້ ໂຍກຍ້າຍ ຊາວບ້ານ ເທື່ອ ເພາະຍັງຊອກຫາທີ່ດິນບໍ່ໄດ້ ແລະ ຄ່າຊົດເຊີຍ ກໍຍັງບໍ່ຮຽບຮ້້ອຍ. ດັ່ງເຈົ້າໜ້າທີ່ ກະຊວງພະລັງງານ ແລະບໍ່ແຮ່ຂອງລາວ ທ່ານນຶ່ງເວົ້າວ່າ:

“ເຖິງບັດນີ້ກໍຄືບໜ້າຂື້ນ ຫລາຍເຕີບແລ້ວເດ່ ລວມທັງໝົດນີ່ຮອດ 38 ເປີເຊັນ ໂຍກຍ້າຍນີ່ຍັງບໍ່ຮູ້ ຄົນຈີນກັບຜແນກເຂົານັ້ນ ຍັງຫາດິນຈັດ ສັນໃຫ້ເຂົາຢູ່.”

ແຕ່ກ່ອນບໍຣິສັດ ພະລັງນໍ້າຂອງຈີນ ຫລື Sinohydro ມີແຜນຈະໂຍກຍ້າຍຊາວບ້ານ ທີ່ຈະໄດ້ຮັບຜົນກະທົບ ຈາກການສ້າງ ເຂື່ອນນໍ້າອູ 5 ອອກໄປຢູ່ບ່ອນໃໝ່ ໃຫ້ສຳເຣັດ ພາຍໃນປີນີ້ ແຕ່ຍ້ອນຊອກຫາ ທີ່ດິນບໍ່ໄດ້ ທາງບໍຣິສັດຈຶ່ງຈຳເປັນຕ້ອງເລື່ອນການ ໂຍກຍ້າຍອອກໄປ ຢ່າງ ບໍ່ມີກຳນົດ.

ເຂື່ອນໄຟຟ້ານໍ້າອູ 5 ຈະຖ້ວມຫລາຍບ້ານ ໃນເຂດເມືອງຜົ້ງສາລີ ແລະ ເມືອງສັມພັນ ແຂວງ ຜົ້ງສາລີ ປະຊາຊົນ 371 ຄອບຄົວຈາກ 15 ບ້ານ ຈໍາເປັນຕ້ອງໂຍກຍ້າຍ. ສຳລັບການກໍ່ສ້າງ ປັດຈຸບັນ ທາງບໍຣິສັດກໍາລັງ ສ້າງຄອງອວ່າຍນໍ້າ ແລະສ້າງຣະບົບ ປ້ອງກັນຕາຝັ່ງເຈື່ອນ.

ບໍຣິສັດ Sinohydro ຂອງຈີນ ມີແຜນຈະສ້າງເຂື່ອນໃນນໍ້າອູ ເຖິງ 7 ເຂື່ອນ ແຕ່ປັດຈຸບັນ ສາມາດສ້າງໄດ້ພຽງແຕ່ 3 ເຂື່ອນ ຄື:ເຂື່ອນນໍ້າອູ 2 ເຂື່ອນນໍ້າອູ 5 ແລະ ເຂື່ອນນໍ້າອູ 6 ແລະຈະສ້າງ 3 ເຂື່ອນນີ້ໃຫ້ສໍາເຣັດ ພາຍໃນປີ 2017. ເຂື່ອນທັງສາມ ເປັນເຂື່ອນຂນາດນ້ອຍ ຄື ເຂື່ອນນໍ້າອູ 2 ຈະຜລິດໄຟຟ້າໄດ້ພຽງແຕ່ 120 ເມກາວັດ ເຂື່ອນນໍ້າອູ 5 ຈະຜລິດໄດ້ 240 ເມກາວັດ ແລະເຂື່ອນນໍ້າອູ 6 ຈະຜລິດ ໄດ້ 120 ເມກາວັດ. ທັງເຈັດເຂື່ອນຢູ່ໃນແຂວງຜົ້ງສາລີ ແລະ ແຂວງຫລວງພະບາງ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ