ຣັຖບານ ບໍ່ສາມາດ ຄວບຄຸມ ເງິນຕຣາ ຕ່າງປະເທດໄດ້

ອຸ່ນແກ້ວ
2022.06.09
Share on WhatsApp
Share on WhatsApp
ຣັຖບານ ບໍ່ສາມາດ ຄວບຄຸມ ເງິນຕຣາ ຕ່າງປະເທດໄດ້ ທ່ານ ສອນໄຊ ສິດພະໄຊ ຜູ້ວ່າການທະນາຄານແຫ່ງ ສປປ ລາວ ໃນໂອກາດ ລົງເຄື່ອນໄຫວຢ້ຽມຢາມ ແລະ ພົບປະກັບບັນດາ ທະນາຄານທຸລະກິຈ ພາກເໜືອ ແຂວງອຸດົມໄຊ ໃນວັນທີ 8 ມິຖຸນາ 2022 ນີ້.
ຮູບພາບ: KPL

ອັດ​ຕ​ຣາ​ເງິນ​ເຟີ້ໃນ​ເດືອນ​ມົກ​ກະ​ຣາ ຫາ ເດືອນ​ພຶ​ສ​ພາ ປີ 2022 ສະ​ເລັ່ຽ ແລ້ວ ເກືອບ 9 ເປີ​ເຊັນ ຕໍ່​ເດືອນ ອີງ​ຕາມຂໍ້​ມູນ​ຈາກ ຈາກທະ​ນາ​ຄານ​ແຫ່ງ ສ​ປ​ປ​ ລາວ.

ຂໍ້​ມູ​ນ​ຈາກ​ທະ​ຫນາ​ຄານ​ແຫ່ງ ສ​ປ​ປ ​ລາວ ໄດ້​ລະ​ບຸ​ ອັດ​ຕ​ຣາ​ເງິນ​ເຟີ້ ຄື:

  1. ເດືອນ​ມົກ​ກະ​ຣາ ອັດ​ຕຣາ​ເງິນ​ເຟີ ຢູ່​ທີ່ 6.25 ເປີ​ເຊັນ
  2. ເດືອນ​ກຸມ​ພາ ອັດ​ຕ​ຣາ​ເງິນ​ເຟີ 7.31 ເປີ​ເຊັນ
  3. ເດືອນ​ມີ​ນາ 8.54 ເປີ​ເຊັນ
  4. ເດືອນ​ເມ​ສາ 9.86 ເປີ​ເຊັນ
  5. ເດືອນ​ພຶ​ສ​ພາ 12.81 ເປີ​ເຊັນ

ໃນ​ຂະ​ນະ​ທີ່​ອັດ​ຕ​ຣາແລກ​ປ່ຽນ​ເງິນ ​ຢູ່​ ​ທະ​ນາ​ຄານ​ການ​ຄ້າ​ຕ່າງ​ປະ​ເທດ​ລາວ ໃນ​ວັນ​ທີ 8 ມິ​ຖຸ​ນາ ຢູ່​ທີ່ 495.99 ກີບ ຕໍ່ 1 ບາດ ແລະ 14,364 ກີບ ຕໍ່ 1 ໂດ​ລ້າ​ຣ໌.

ສ່ວນ​ວ່າ ອັດ​ຕ​ຣາ​ປ່ຽນເງິນ ​ຢູ່​ຮ້ານ​ແລກ​ປ່ຽນ​ນອກ​ລະ​ບົບ ຢູ່​ທີ່ 500 ປາຍ ກີບຕໍ່ 1 ບາດ ແລະ 16,000 ປາຍ​ກີບ ຕໍ່ 1 ໂດ​ລ້າ​ຣ໌ ແລ້ວ.

ນັກ​ທຸຣະກິຈ ແລະ ປະຊາຊົນລາວ ຈຳນວນນຶ່ງເຫັນວ່າ ການຄຸ້ມຄອງເງິນຣາ ຕ່າງປະເທດ ຢູ່ລາວ ມີຄວາມຫຍຸ້ງຍາກ ແລະ ບໍ່ສາມາດຄວບຄຸມໄດ້ ຍ້ອນວ່າ ການແລກປ່ຽນເງິນຣາ ມີຢູ່ທົ່ວທຸກບ່ອນ ທັງນອກລະບົບ ແລະ ໃນລະບົບ.

ນັກ​ທຸຣະກິຈ ທ່ານ ນຶ່ງ ຜູ້ທີ່ບໍ່ປະສົງອອກຊື່ ແລະ ສຽງ ໄດ້ກ່າວຕໍ່ວິທຍຸເອເຊັຽເສຣີ ວ່າ: ຊິຄຸມໄດ້ຈັ່ງໃດ ເງິນມັນບໍ່ມີ, ເງິນບໍ່ເຂົ້າມາ ບໍ່ໄດ້ດອກ ຄຸມຈັ່ງໃດກະບໍ່ໄດ້ດອກ ເງິນມັນບໍ່ເຂົ້າທະນາຄານ ເງິນຢູ່ນອກ ຊິຄຸມຈັ່ງໃດໄດ້.”

ທ່ານ ກ່າວ​ຕື່ມອີກວ່າ: ມັນໃຊ້ຈ່າຍຊະຊາຍຢູ່ດຽວນີ້ນະ ຄືໄທຍ ນີ້ມັນບໍ່ມີສາຂາເລີຍ ມັນບໍ່ໃຫ້ເລີຍ ເຮົາເອົາເງິນຫຼຽນໄປຊື້ ເຂົາບໍ່ເວົ້າເລີຍ ເຂົ້າຕ້ອງໃຫ້ໄປແລກເປັນເງິນບາດ, ແຕ່ ຢູ່ລາວ ຄຸມບໍ່ໄດ້ ແກ້ບໍ່ຕົກດອກ ມັນອັນລານຳພວກຮ້ານແຕກເງິນນີ້ລະ ມັນອັນລາຍ ບໍ່ໄດ້ແກ້ບໍ່ຕົກລະໂຕນີ້.”

ຮ້ານ​ແລກປ່ຽເກີດຂຶ້ນປານເຫັດ ປານປວກ ທັງນອກ ແລະ ໃນລະບົບ ເຊິ່ງມີການແລປ່ຽນເງິນ ຢ່າງຊະຊາຍ.

ປະ​​ຊາຊົນຊາວ ນະຄອນຫລວງວຽງຈັນ ທ່ານຶ່ງ ໄດ້ໃຫ້ສຳພາດຕໍ່ເອເຊັຽເສຣີ ວ່າ:

ນັກ​ຂ່າວ: ເປັນຈັ່ງໃດ ການຄຸ້ມຄອງເງິນຣາ ຄຶດວ່າ ເພິ່ນຊິເຮັດໄດ້ຢູ່ເບາະ ຢູ່ບ້ານເຮົາ?

ຊາວ​ນະຄອນຫລວງວຽງຈັນ:ໂອ້ຍ ຈັກມັນຊິຄຸມແນວໃດເນາະ ອັນ ຄັນວ່າ ມັນຊິຄຸມແທ້ໆ ຫັ້ນນ່າ ຮ້ານແລກປ່ຽນບໍ່ ອາແມ່ນຫຍັງເກາະ ເກີດຂຶ້ນປານເຫດ ປານປວກ ເອົາແຕ່ເຂົາຊິເຮັດໄປ.

ຄັນວ່າ ມັນເປັນເອກະພາຍກັນແທ້ເນາະ ເອີ ຜູ້ໃດມີເງິນຣາ ຢາກໄປປ່ຽນ ໃຫ້ໄປປ່ຽນທະນາຄານ ທະນາຄານພັດບໍ່ຕອບສນອງໃຫ້ ບາດນີ້ ມັນກະຮ້ານນ້ອຍເກີດຂຶ້ນລະ. ເປັນແບບນີ້ ແຕ່ໃດມາແລ້ວ ແຕ່ບ້ານເຮົາມັນມົ້ວ ແຕ່ວ່າ ເພິ່ນເວົ້າໄວ້ ງາມດູດີ ວ່າເພິ່ນຊິຄວບຄຸມໄດ້ຫັ້ນ ໂອ້ຍ ເບິ່ງໂຕຈິງລະຈັກ ຊິຄຸ້ມຈັ່ງໃດ.”

ນັກ​ຂ່າວ: ເປັນຈັ່ງໃດຊັ້ນນະ ຢູ່ຈັ່ງໃດກິນຈັ່ງໃດຊັ້ນນະ ຂັ້ນາເຟີຈັ່ງຊີ້?

ຊາວ​ນະຄອນຫລວງວຽງຈັນ:ກະຈຳເປັນແຫຼະ ເສກິເຈົ້າແນວນີ້ ວຽກງາເຈົ້າແນວນີ້ ເປັນບໍ່. ພປອດ ກະພໍພາປອດ ພາກັນຫຼັ່ງໄຫຼໄປໄທໝົດ. ເຈົ້າເປັນຫຍັງ ເຈົ້າບໍ່ມີວຽກເຮັດງານທຳ ໃຫ້ເຂົາ ຄັນວ່າ ມີເງິນເດືອນມັນກະບໍ່ກຸ້ມກິນ ເອົາເງິນເດືອນລ້ານປາຍ ຄືເງິນໂດລ້າຣ໌ ຫັ້ນລະ ດຽວນີ້ ມັນບໍ່ແມ່ນ.”

ນັກ​ຂ່າວ: ຄັນຊັ້ນກະວຸ້ນຕົ່ວບ້ານເຮົານະ?

ຊາວ​ນະຄອນຫລວງວຽງຈັນ:ໂອ້ ບໍ່ວຸ້ນແນວໃດເນາະ ເພິ່ນກະວ່າ ບໍ່ໃຫ້ແຕກຕື່ນ ເພິ່ນເວົ້າໝໍ ອັນນັ້ນຫັ້ນ ຈິສາຕ ພັດວ່າ ຈິສາຕ ຜີບ້າມັນຫຍັງ ເຂົາວ່າ ໂຣປະສາຫັ້ນ​​​ຕີ້. ຄືເບິ່ງຂ່າວເບິ່ງຫຍັງຫັ້ນລະ ເພິ່ນເວົ້າຫັ້ນ ບໍ່ມີນ້ຳມັນໃສ່ຣົຖ ພາລູກພາເຕົ້າໄປໂຮງຮ່ຳ ໂຮງຮຽນ ບໍ່ໄດ້ ກະບໍ່ໃຫ້ຕື່ນເຕັ້ນ ບໍ່ໃຫ້ຕື່ນນົກ ມັນເປັນຈິສາຕ ປະຊົນຫາກຄິດໄປເອງ ເຂົາດ່າເພິ່ນໝົທົ່ວປະເທດຕົ່ວຫັ້ນນ່າ.”

ປະ​ຊາຊົນ ຍັງບໍ່ມີຄວາມໝັ້ນໃຈວ່າ ການຄຸ້ມຄອງ ເງິນຣາຕ່າງປະເທດ ຈະໄປລອດ ເຖິງວ່າ ນາຍົກຣັມົນຣີ ໄດ້ແຕ່ງຕັ້ງຄະນະຮັບຜິດຊອບ ມາແກ້ໄຂບັນຫາເງິນເຟີ້ ກໍຕາມ.

ຊ​າວນະຄອນຫລວງວຽງຈັນ ອີກທ່ານນຶ່ງ ໄດ້ໃຫ້ສຳພາດຕໍ່ວິທຍຸເອເຊັຽເສຣີ ວ່າ: ກະຫັ້ນແຫຼະ ອັນໃດກະຂຶ້ນລາຄາ ມັນຊິໄປລອດບໍ້ຈັ່ງວ່າ ໄດ້ຍິນວ່າ ນາຍົກເພິ່ນແຕ່ງຕັ້ງ ຄະນະຮັບຜິດຊອບວ່າຊັ້ນ.

ຈັ່ງວ່າ ຊິໄປລອດບໍ່ ຈັ່ງວ່າ ຟັງຢູ່ນີ້ ກະຫຍຸ້ງຢູ່ ບ້ວງເງິນລາຍຮັບ ມັນບໍ່ເຂົ້າທະນາຄານນີ້ຕີ້ ບາດນີ້ທະນາຄານກາງ ບໍ່ມີເງິນຣາຕ່າງປະເທດ ມັນກະຫຍຸງໂອ້ ແກ້ໄຂ, ແກ້ໄຂ ແນວໃດ ມີແຕ່ຢືມນຳຈີນຫັ້ນແຫຼ ທ່າດຽວ. ເພີ່ມໜີ້ຂຶ້ນອີກ ກະຊິເອົາຫຍັງໃຊ້ເຂົາ ກະຫຍຸ້ງຢູ່ດຽວນີ້ນິ ບໍ່ຈັກແນວຊິຄິດຈັ່ງວ່າ ຈັ່ງວ່າຊິເຮັດແນວໃດເຣື່ອງ ເສກິາວເຮົານີ້. ໝາຍຄວາມວ່າ ເສກິສົ່ງອອກມັນລະບໍ່ມີ ຍ້ອນໂຄວິດນີ້ແຫຼະ ບາດນີ້ຊ້ຳວ່າ ສົ່ງອອກ ຄືບໍ່ສົ່ງອອກ ບໍ່ມີອັນສົ່ງ ມີແຕ່ວ່ານຳເຂົ້າ ນີ້ໂອ້ ມັນອັນຣາຍ ຄັນບໍ່ນໍາຂົ້າ ພັດບໍ່ມີອັນຄົບອັນກິນ ອັນໃຊ້ ອັນສອຍໂອ້ ມັນກະຄາແລ້ວ ອັນນີ້ນ່າ. ບໍ່ຮູ້ຈັກວ່າ ຊິຄຶດແນວໃດ ຈັ່ງວ່າ ບັນຫາໂຕນີ້ນິ ຈັກເພິ່ນຊິແກ້ໄຂແນວໃດ ມັນອາຫານການກິນ ປະຊາຊົນກະຈົ່ມ ເອີ ຖ້າວ່າ ເງິນເປັນແນວນີ້ແລ້ວ ຊິໄປຊອກໄປຫາກິນຕາມທັມມະຊາຕ ພໍໄດ້ຢູ່ ແຕ່ວ່າ ບາດນີ້ ຊ້ຳບັນຫານ້ຳມັນອີກ.”

ເຖິງ​ຢ່າງໃດກໍຕາມ, ສຳນັກຂ່າວສານປະເທາດລາວ ໄດ້ຣາຍງານ ໃນວັນທີ 9 ມິຖຸນາ ທີ່ຜ່ານມາ ວ່າກອງປະຊຸມສະພາແຫ່ງຊາຕ ຈະມີການນຳເນີ ຮ່າງກົດໝາຍການຄຸ້ມຄອງ ເງິນຣາຕ່າງປະເທດ ສະບັບປັບປຸງ.

ສຳ​ນັກ​ຂ່າວ​ສານ​ ປະ​ເທດ​ລາວ ຍັງ​ຣາຍ​ງານ​ວ່າ 8 ມິຖຸນາ 2022 ວ່າ: ທ່ານ ສອນໄຊ ສິດພະໄຊ ຜູ້ວ່າການທະນາຄານແຫ່ງ ສປປ ລາວ ໄດ້ເນັ້ນໃຫ້ບັນດາທະນາຄານ ທຸລະກິຈ ຢູ່​ແຂວງ​ອຸ​ດົມໄຊ ເອົາໃຈໃສ່ ໃນຄຸ້ມຄອງການໝູນວຽນ ຂອງເງິນໃນແຕ່ລະໄລຍະ, ເອົາໃຈໃສ່ຄຸ້ມຄອງສິນເຊື່ອ ໃຫ້ກຸ່ມເປົ້າໝາຍຢ່າງມີຄຸນນະພາບ ແລະ ຮັບປະກັນດ້ານຄວາມສ່ຽງ, ຄຸ້ມຄອງການແລກປ່ຽນ ເງິນຕຣາ ຕາມຈຳນວນທີ່ທະນາຄານກາງ ກຳນົດໄວ້.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.