ໄມ້ຂະຍຸງຖືກສົ່ງອອກແທ້

ສິດນີ
2016-06-28
ອີແມວລ໌
ຄໍາເຫັນ
Share
ພິມ
ພໍ່ຄ້າໄມ້ວ່າຈ້າງຄົນຂັບຣົດອີ່ແຕ໋ນ ໃຫ້ຂົນໄມ້ອອກໄປຊາຍແດນ ວຽດນາມ ທີ່ ແຂວງສະຫວັນນະເຂດ.
ພໍ່ຄ້າໄມ້ວ່າຈ້າງຄົນຂັບຣົດອີ່ແຕ໋ນ ໃຫ້ຂົນໄມ້ອອກໄປຊາຍແດນ ວຽດນາມ ທີ່ ແຂວງສະຫວັນນະເຂດ.
RFA/LX

ເຈົ້າຫນ້າທີ່ ຣະດັບສູງ ຈາກ ກະຊວງ ຊັພຍາກອນ ທັມມະຊາດ ແລະ ສີ່ງແວດລ້ອມ ກ່າວຕໍ່ ເອເຊັຽ ເສຣີວ່າ ຜ່ານມາ, ໃນແຕ່ລະປີ ມີການ ສົ່ງອອກ ໄມ້ຂະຍູງ ຈາກລາວ ໄປຈີນ ຜ່ານວຽດນາມ ແທ້, ເນື່ອງຈາກ ຕລາດຈີນ ມີຄວາມ ຕ້ອງການສູງ, ແຕ່ທ່ານກໍ ປະຕິເສດ ທີ່ຈະໃຫ້ ຂໍ້ມູນວ່າ ການສົ່ງອອກ ໄມ້ຂະຍູງ ນັ້ນ ເກີນໂຄຕາ ທີ່ ທາງການ ກຳນົດໃຫ້. ດັ່ງ ທ່ານກ່າວ ໃນ ຕອນນຶ່ງວ່າ:

"ກໍບໍ່ຮູ້ ເພາະວ່າ ສົ່ງອອກ ໄປວຽດນາມ ມັນຫຼາຍ ຈຳນວນເທົ່າໃດ ມັນກໍຢູ່ ກັບ ວຽດນາມ ສ່ວນມາກ ຢູ່ວຽດນາມ, ວຽດນາມ ກໍເອົາໄປຈີນ ໄມ້ໄດ້ ຣາຄາຕົກ ກໍແມ່ນຈີນ, ຈີນເຮັດ ແຕ່ກ່ອນ ມັນແພງ ດຽວນີ້ ມັນບໍ່ແພງ ຈີນ ບໍ່ຊື້ ກໍບໍ່ມີ ຣາຄາ".

ໄມ້ຂະຍຸງ ທີ່ ສົ່ງອອກໄປ ນັ້ນ ຈຳນວນນຶ່ງ ແມ່ນໄມ້ ທີ່ຕັດຈາກ ພື້ນທີ່ ໂຄງການ ພັທນາຕ່າງໆ ເປັນຕົ້ນ ການສ້າງເຂື່ອນ ໄຟຟ້າ ຂຸດຄົ້ນ ແຮ່ທາດ ໂດຍ ບໍຣິສັດ ທີ່ໄດ້ຮັບ ສຳປະທານ ຈາກ ຣັຖບານລາວ ສ່ວນຫຼາຍ ຈະເປັນ ບໍຣິສັດ ຈີນ ແລະ ວຽດນາມ ເປັນຜູ້ ຕັດແລະສົ່ງ ໄມ້ ເຫລົ່ານັ້ນອອກ. ແຕ່ບໍຣີສັດ ດັ່ງກ່າວ ບໍ່ ປະຕິບັດ ຕາມກົດ ຣະບຽບ ຂອງຣັຖບານ ໃນການ ສົ່ງໄມ້ທ່ອນ ອອກຈາກ ລາວ.

ທ່ານ ກ່າວຕື່ມວ່າ ໃນທຸກມື້ນີ້ ໃນລາວ ຍັງເຫລືອ ໄມ້ຂະຍູງ ໃນປ່າ ພຽງເລັກນ້ອຍ ເທົ່ານັ້ນ ຍ້ອນວ່າ ກຸ່ມຄ້າໄມ້ທ່ອນ ລັກ ຕັດອອກ ໄປຂາຍ ຢ່າງຫຼວງຫຼາຍ ໃນຣະຍະ ທີ່ຜ່ານມາ ແລະ ທາງການລາວ ກໍບໍ່ມີ ຂໍ້ມູນ ຂອງຈຳນວນ ໄມ້ຂະຍູງ ໃນ ປ່າຢູ່ລາວ, ຍ້ອນວ່າ ຂາດງົປມານ ໃນການສຳຣວດ ທ່ານກ່າວ ເພີ້ມວ່າ:

"ກຳລັງເກັບກຳ ຂໍ້ມູນ ແຕ່ວ່າ ຕ້ອງເປັນ ພາກສ່ວນອື່ນ ເກັບກຳຂໍ້ມູນ ຍ້ອນວ່າລາວ ບໍ່ມີ ງົປມານ ສຳລັບ ເກັບກຳ ຂໍ້ມູນອັນນີ້ ບາງເທື່ອ ໄມ້ຂະຍູງ ກໍເກືອບຫມົດແລ້ວ ໃນລາວ ຄີດວ່າ  ແຕ່ວ່າໃນປ່າ ສງວນມີ ກັບ ປ່າຜລິດມີ".

ໄມ້ຂະຍູງ ເປັນໄມ້ ທີ່ຫວງຫ້າມ ໃນບັນຊີ ການຄ້າ, ການອະນຸຮັກ ສັດປ່າ ແລະ ພືດປ່າ ທີ່ກຳລັງ ຈະສູນພັນ ຂອງ ອົງການ CITES ໃນປີ 2013 ເນື່ອງຈາກ ພົບວ່າ ມີການສົ່ງ ໄມ້ຂະຍູງ ຈາກ ລາວ,ໄທ, ກຳພູຊາ ແລະ ວຽດນາມ ໄປຈີນ ຢ່າງຫຼວງຫຼາຍ ຣະຫວ່າງ ປີ 2000 ຫາ 2013.

ຄໍາເຫັນ (4)
Share

ພຽງ

ຈາກ ​ສອງ​ຄອນ

ເໝິດ​ແທ້ໆ​ໄມ້​ບ້ານ​ເມືອງ​ລາວ​ເຮົາ. ລົງ​ມາ​ເບິ່ງ​ແຖວ​ເມືອງ​ພີນ​ແດ່ ໄທ​ບ້ານ​ເຂົາ​ຍັງ​ລັກ​ຕັດ​ໄມ້​ຢູ່ບໍ່​ເຊົາ, ຂົນ​ອອກ​ໄປ​ຕາມ​ປ່າ​ ຫາ​ຊາຍ​ແດນ​ແກວ​ຢູ່​ທ​ຸກມື້ ອະ​ໂກ້ຍ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 17, 2016 01:33 PM

ທິມມະວົງ

ຈາກ ແຂວງ ໄຊສົມບູນ

ປະຊາຊົນແລະກອງກຳລັງປະກອບອາວຸດ ຢູ່ ແຂວງໄຊສົມບູນ ພ້ອມແລ້ວທີ່ຈະກຽມກຳລັງຮັກສາເຂດ ທີ່ຢືດຄອງໃຫ້ໝັ້ນຄົງຕໍ່ໄປ ຫລັງຈາກການປົດຕຳແໜ່ງ ສະຫາຍສົມບັດ ເຍຍລິເຮີ່ ອອກຈາກເລຂາພັກແຂວງໄຊສົມບູນ ໄປແລ້ວ ປະຊາຊົນມີຄວາມລະເວັນສົງໄສ ບໍ່ວ່າຄົນເລຶອດປະຕີວັດທີ່ ສືບທອດມາຈາກການ ສ້າງຕັ້ງແນວລາວອິດສະລະກໍ່ບໍ່ໄວ້ວັງໃຈຕໍ່ພັກເປັນລະດັບໄປD ແຂວງ ໄຊສົມບູນ ມີປະຊາກອນປະມານ 82 ພັນຄົນ ແລະມີກອງ ກຳລັງຕໍ່ສູ້ ທີ່ ອົງອາດກະຫານ ທີ່ຝືກຊ້ອມຈາກ ກອງລາຊະການລັບ ຊີໄອເອ ຂອງສະຫະລັດໃນປາງສົງຄາມຫວຽດນາມທີ່ ຖືກສະຫະລັດປະຖີ້ມ ແລະກາຍເປັນເປົ້າບັງລູກກະສູນຕາຍທົບແທນສົງຄາມສະຫະລັດນັ້ນ ມາເປັນເວລານານພໍສົມຄວນ ລັດຖະບານ ສປປລາວ ຍັງບໍ່ປະລະແລະລືມໄດ້ ຍັງຈະສື້ບຕໍ່ທຳລາຍໃຫ້ ກົມນີ້ ສິ້ນຊາດໄປ ແຕ່ ກອງກຳລັງ ປະກອບ ອາວຸດດັງກ່າວຍັງຈະສຶ້ບຕໍ່ ຕ້ານພັກລັດໄປຈົນກ່າວມີການ ປຽນແປນລະບອບການປົກຄອງ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 29, 2016 04:01 PM

lao

ຈາກ lao

ພີ່ນ້ອງເອີຍນາຍົກເພີ່ນວ່າສີຫ້າມຂຸດຄົ້ນໄມ້ວ່າສັນ ຂ້າພະເຈົ້າກາເປັນພະນັກງານລັດຄືກັນ ໄດ້ລົງຕ່າງແຂວງເຫັນໂຕຈີງກອງໄມ້ຂະຍຸງ ຂອງຄົນວຽດນາມ ທີ່ມີອີດທິພົນຢູ່ເຂດເມືອງພູວົງ ແຂວງອັດຕະປື ແລະ ຂ້າພະເຈົ້າ ກາມີຮູບອີກ ແຕ່ກ້າເອົາລົງ ແລະ ນອກນັ້ນລັດທະບານ ຍັງໃຫ້ພະນັກງານກະສິກຳ ແລະປ່າໄມ້ ໄປຮຽນວິທີປ່ອຍໄມ້ອອກ ຢູ່ປະເທດແກວອີກ ມັນສິໃຫ້ໄປຮຽນມາຫາສະແຕກຫຍັງ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 29, 2016 01:56 PM

ຄ.ນະຄຳມ່ວນ

ຈາກ ທ່າແຂກ

ຂໍສັລເສີນວ່າ: ຜູ້ທີ່ແກ້ຜ້າຕໍ່ຫນ້າເຈົ້າຂອງບ້ານຄື ພັກ-ຣັຖ ສປປລາວ ນີ້ໄດ້ນັ້ນແມ່ນດີຈິງແລ້ວ, ດີກ່ວາທິດສະດີ ທີ່ພວກເຂົາ ມັກສິດສອນໃຫ້ຕອບ ບໍ່ຮູ້,ບໍ່ເຫັນ,ບໍ່ຈັກ ຫລາຍເທົ່າແທ້ໆ!ຂອບໃຈ!!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 29, 2016 01:51 PM

ເຕັມຫນ້າ